完整藏文原文 · 德格版页 当前仅加载第 59 函德格 219b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་པད་མ་དཀར་པོ་འདི་དང་། ལྷ་གང་དག་གིས་མདོ་སྡེ་འདི་བསྟན་ཅིང་མནོས་པ་དེ་དག་ཀྱང་བདག་གི་དབང་དུ་གྱུར་ཅིག །དེ་ནས་སྲུང་མ་རྣམ་ཐོས་ཀྱི་བུ་དང་། སྲིན་མོ་ལམ་བཀོན་ཏི་སྲིན་མོ་ཐམས་ཅད་དང་། གྲོགས་མོ་དང་བཅས་པ་དང་། འཕྲོག་མ་བུ་དང་འཁོར་དུ་
D168.059.0219b01.01བཅས་པ་དེ་དག་གིས་བཅོམ་ལྡན་འདས་དང་། ལྷ་མོ་དྲི་མ་མེད་པའི་འོད་ཀྱི་ཚིག་ཐོས་ནས། སྟན་ལས་ལངས་ཏེ་ཐལ་མོ་སྦྱར་ནས་འདི་སྐད་ཅེས་གསོལ་ཏོ། །གང་གི་ཚེ་ལྷ་མོ་འདི་ལི་ཡུལ་དུ་སྐྱེ་བ་ལེན་པར་འགྱུར་བ་དེའི་ཚེ་བདག་ཅག་ཀྱང་གྲོགས་བགྱིད་པའི་སླད་དུ་སྲུང་མ་བགྱིད་
D168.059.0219b02.01ཅིང་ཐེག་པ་ཆེན་པོའི་མདོ་སྡེ་དམ་པའི་ཆོས་པད་མ་དཀར་པོ་དང་། ལི་ཡུལ་གྱི་ཡུལ་འཁོར་སངས་རྒྱས་བཅོམ་ལྡན་འདས་ཀྱིས་གཏད་པ་ཁྱོད་ཀྱིས་མནོས་སོ་ཞེས་དྲན་པར་བགྱིའོ། །དེའི་ཚེ་ལྷའི་རྒྱལ་པོ་སུམ་ཅུ་རྩ་གཉིས་ཀྱིས་ལྷ་མོ་དེའི་དམ་བཅས་པ་འདི་ཐོས་ནས་འདི་སྐད་
D168.059.0219b03.01ཅེས་གསོལ་ཏོ། །གང་གི་ཚེ་ལྷ་མོ་འདི་ལི་ཡུལ་བསྲུང་བའི་སླད་དུ་སྐྱེ་བ་ལེན་པར་འགྱུར་བ་དེའི་ཚེ་བདག་ཅག་འཁོར་དང་བཅས་པས་ཀྱང་ཡུལ་བསྲུངས་པ་དང་། བསམས་པ་བཞིན་དུ་འབྱོར་བར་བགྱི་བའི་སླད་དུ་གྲོགས་བགྱིའོ། །དེའི་ཚེ་ལྷ་མོ་དྲི་མ་མེད་པའི་འོད་སྟན་
D168.059.0219b04.01ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། ཐལ་མོ་སྦྱར་ནས་བཅོམ་ལྡན་འདས་ལ་དམ་པ་གསོལ་ཞིང་། བཅོམ་ལྡན་འདས་ཀྱི་སྤྱན་སྔར་སྨོན་ལམ་བཏབ་པ། བཅོམ་ལྡན་འདས་བདག་སེམས་ཅན་ཐམས་ཅད་ལ་བུ་
D168.059.0219b05.01གཅིག་པ་བཞིན་དུ་སེམས་པར་གྱུར་ཅིག །བརྩོན་འགྲུས་གང་ཅི་རྩོམ་པ་དེ་ཐམས་ཅད་གྲུབ་པར་གྱུར་ཅིག །ལུས་བརྟན་པ་དང་། སེམས་བརྟན་པ་དང་། སེམས་ཅན་གྱི་དོན་བགྱིད་པ་དང་། བསམ་པ་ཡོངས་སུ་རྫོགས་པར་བགྱིད་པ་དང་། ཡུལ་གྱི་སླད་དུ་སེམས་
D168.059.0219b06.01མངོན་པར་བརྩོན་པར་གྱུར་ཅིག །དམ་པའི་ཆོས་པད་མ་དཀར་པོའི་མདོ་སྡེས་སེམས་ཅན་རྣམས་ལ་ཕན་འདོགས་པ་དང་། ཏིང་ངེ་འཛིན་ཡང་ཐོབ་པར་གྱུར་ཅིག་ཅེས་སྨྲས་སོ། །ལྷ་མོས་བཅོམ་ལྡན་འདས་ཀྱི་སྤྱན་སྔར་དེ་སྐད་ཅེས་སྨྲས་པ། དེའི་ཚེ་བཅོམ་ལྡན་འདས་དང་། ལྷ་
D168.059.0219b07.01