完整藏文原文 · 德格版页 当前仅加载第 59 函德格 224a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་པོ་མ་སྐྱེས་དགྲའི་གྲོང་ཁྱེར་སྐྱོང་བའི་རིགས་ཀྱི་བུ་གཞན་ཞིག་འདུག་པ་དེས་འདི་སྐད་ཅེས་སྨྲས་སོ། །བདག་ཁྱེད་ཀྱི་ཁྱིམ་ཐབ་ཏུ་གྱུར་ལ། བདག་གི་ཁྱིམ་ན་ཁྱོད་བུད་མེད་ཀྱི་ལུས་ཀྱིས་ལས་དེ་དག་བྱེད་ཅིང་བདག་གིས་ཀྱང་དེར་བར་ཆད་བྱེད་པར་མི་འགྱུར་བ་
D168.059.0224a01.01དང་། ཁྱོད་ཀྱི་ཡུལ་གྱི་ཕྱིར་དང་། སངས་རྒྱས་ཉིད་བསྒྲུབ་པའི་བར་གྱི་ལས་ཅི་བྱེད་པ་དེ་དག་ཐམས་ཅད་བདག་གི་ཁྱིམ་དུ་བྱེད་ཅིང་དཀའ་བའི་ལས་དེ་དག་ཐམས་ཅད་ཀྱང་དྲན་པར་གྱུར་ཅིག་ཅེས་བྱས་སོ། །དེ་ན་གྲོང་ཁྱེར་སྐྱོང་བ་དེའི་བུར་གྱུར་པ་ཞིག་ཡོད་པ་དེས་སྨྲས་པ། གང་གི་
D168.059.0224a02.01ཚེ་སྔོན་ཁྱོད་དགེ་བསྙེན་མ་ཧུ་ཤ་ཞེས་བྱ་བར་གྱུར་པ་དེའི་ཚེ་བདག་ཁྱོད་ཀྱི་བུར་གྱུར་ཅིག་ཅེས་བདག་གིས་སྨོན་ལམ་བཏབ་ནས། དེ་ཕྱིན་ཅད་ཚེ་རབས་ཐམས་ཅད་དུ་ཁྱོད་ནི་བདག་གི་མར་གྱུར་ལ། བདག་ནི་ཁྱོད་ཀྱི་བུར་གྱུར་ཏོ། །གང་གི་ཚེ་ཁྱོད་གསེར་གྱི་ཡུལ་དུ་སྨོན་ལམ་ཆེན་པོའི་
D168.059.0224a03.01དབང་གིས་ལས་བྱེད་པར་འགྱུར་བ་དང་། གང་གི་ཚེ་ཡུལ་དེར་གནོད་པ་ཆེན་པོ་བྱུང་བ་དེའི་ཚེ་ཡང་ཅི་ནས་ཀྱང་བདག་དེར་སེམས་ཅན་ཐམས་ཅད་གནོད་པ་ལས་ཐར་བར་བྱ་བའི་ཕྱིར་གྲོགས་སུ་འགྱུར་བ་དང་། ཡུལ་དེ་ན་རྒྱལ་པོ་མེད་པར་ཡང་བདག་གིས་ཆོས་བཞིན་དུ་སྐྱོང་བ་དང་།
D168.059.0224a04.01བདག་གཞན་གྱིས་བཀོལ་བར་མི་འགྱུར་བ་དང་། སངས་རྒྱས་ཉིད་དུ་འགྱུར་གྱི་བར་དུ་བདག་ཁྱོད་ཀྱི་བུར་འགྱུར་ཞིང་། ཁྱོད་ཀྱང་བདག་གི་མར་གྱུར་ཅིག་ཅེས་བྱས་སོ། །དེའི་ཚེ་འཁོར་དེའི་ནང་ན་ལྷ་མོ་དྲི་མ་མེད་པའི་འོད་དེའི་ཕྱི་བཞིན་དུ་འབྲང་བའི་རིགས་དང་ལྡན་པའི་བུད་མེད་ཅིག་
D168.059.0224a05.01འདུག་པ་ང་རྒྱལ་གྱིས་ཤིན་ཏུ་ཁེངས་ཤིང་རྒྱགས་ལ། འདོད་ཆགས་ཀྱི་སེམས་དང་ཤིན་ཏུ་ལྡན་པ་དེས་སྨོན་ལམ་བཏབ་པ། བདག་ཀྱང་ཁྱོད་ཀྱི་ནུ་མོར་གྱུར་ཏེ། གཞོན་ནུའི་ཚེ་བདག་གིས་སྐྱེས་བུ་མང་པོ་དག་དང་འདོད་པའི་འདོད་ཆགས་ཀྱི་ཕྱིར་བགད་པ་དང་། རྩས་པ་གང་
D168.059.0224a06.01ཡིན་པའི་བདག་གི་ལས་དེ་དག་ཐམས་ཅད་བྱང་བར་གྱུར་ཅིག་ཅེས་བྱས་སོ། །འཁོར་དེའི་ནང་ན་སྐྱེས་པ་གཞན་ཞིག་སངས་རྒྱས་བཅོམ་ལྡན་འདས་ཀྱི་སྤྱན་སྔར་འདུག་པ་དེས་རིགས་དང་ལྡན་པའི་བུད་མེད་དེ་ལ་སྨྲས་པ། གང་ཁྱོད་ཀྱིས་ངའི་ཕྱིར་གསང་བའི་དོན་གྱི་དམ་བཅས་
D168.059.0224a07.01