完整藏文原文 · 德格版页 当前仅加载第 59 函德格 239b 版页；藏文 NFD、目录标记与异常页序保留在来源切片中，重复版页行以稳定序号区分。
བ་དེའི་ཚེ་བློན་པོ་ཆེན་པོ་དེ་དག་ཕན་ཚུན་ཁོ་ན་བྱུང་ནས་དེ་ཕྱིན་ཅད་ཚེ་རབས་ཐམས་ཅད་དུ་གཅིག་གི་དགྲར་གཅིག་གྱུར་ཏོ། །དེ་ལ་བློན་པོ་ཆེན་པོ་གཙོ་བོ་ནི་སྐར་རྡོའི་རྒྱལ་པོར་འགྱུར་རོ། །ཅིག་ཤོས་ནི་ལི་ཡུལ་གྱི་རྒྱལ་པོར་འགྱུར་རོ། །དེ་གཉིས་ཀྱང་ཕྱིས་ཕན་ཚུན་འཐབ་
D168.059.0239b01.01པར་འགྱུར་རོ། །སྡིག་བྱེད་ཀྱི་ཕྱོགས་སྔོན་དགེ་བྱེད་ཀྱི་མིག་འབྱིན་པ་གང་ཡིན་པ་དེ་དག་གིས་ལིའི་རྒྱལ་པོ་གསོད་པར་འགྱུར་ཏེ། གང་གི་ཚེ་གདོང་དམར་རྣམས་ལི་ཡུལ་འཛིན་པར་འགྱུར་བའི་དུས་ལ་བབ་པ་དེའི་ཚེ་དེ་གཉིས་ཕན་ཚུན་འཐབ་པར་འགྱུར་རོ། །དེའི་ཚེ་ལྷ་མོ་
D168.059.0239b02.01དྲི་མ་མེད་པའི་འོད་ཀྱི་མིང་པོ་ད་ལྟར་རྡོ་རྗེ་སྡེ་ཞེས་བྱ་བ་འདི་སྐར་རྡོའི་རྒྱལ་པོ་རྣམ་པར་རྒྱལ་བའི་གོ་ཆ་ཞེས་བྱ་བར་འགྱུར་ཏེ། མིང་པོ་དེའི་ཕྱིར་མྱ་ངན་གྱིས་གཟིར་བར་འགྱུར་རོ། །གང་གི་ཚེ་སངས་རྒྱས་ཀྱི་འོད་ཟེར་དེའི་སྟེང་དུ་གནས་པར་འགྱུར་བའི་དུས་ལ་བབ་པ་ན་དེས་སྐར་རྡོའི་
D168.059.0239b03.01རྒྱལ་པོ་ཕམ་པར་འགྱུར་རོ། །ཅི་སྟེ་བསོད་ནམས་དང་མི་ལྡན་ན་ནི་དྲི་གཙང་ཁང་དང་དགེ་འདུན་གྱི་ཀུན་དགའ་ར་བ་གཞིག་པར་བྱའོ་ཞེས་སངས་རྒྱས་བཅོམ་ལྡན་འདས་ལ་སྨོན་ལམ་འདེབས་འདེབས་པ་གང་ཡིན་པ་དེ་རྣམས་ཀྱང་དེ་དག་གིས་གྲོགས་བྱེད་པར་མི་འགྱུར་རོ། །
D168.059.0239b04.01གང་གི་ཚེ་གདོང་དམར་དག་གིས་གྲོགས་བྱེད་ཅིང་ལི་ཡུལ་འཛིན་པར་འགྱུར་ལ། དགེ་འདུན་གྱི་ཀུན་དགའ་ར་བ་དང་དྲི་གཙང་ཁང་རྣམས་འཇིག་པར་བྱེད་པ་དེའི་ཚེ་སྐར་རྡོའི་རྒྱལ་པོ་འཕམ་པར་འགྱུར་རོ། །གང་གི་ཚེ་རིང་པོར་མི་ཐོགས་པར་གདོང་དམར་རྣམས་འོང་བའི་དུས་
D168.059.0239b05.01ལ་བབ་པ་དེའི་ཚེ་དྲི་མ་མེད་པའི་འོད་ཤིན་ཏུ་མྱ་ངན་སྐྱེ་བར་འགྱུར་ཏེ། དེའི་ཚེ་སངས་རྒྱས་བཅོམ་ལྡན་འདས་དེ་དག་དང་། ལི་ཡུལ་གྱི་སྲུང་མའི་ལྷ་གང་ཡིན་པ་དེ་དག་གིས་དགོངས་པར་འགྱུར་རོ། །དེ་ན་དྲི་མ་མེད་པའི་འོད་གཅིག་པུ་མྱ་ངན་གྱི་ཁང་བུའི་ནང་ན་འདུག་ཅིང་
D168.059.0239b06.01སངས་རྒྱས་རྣམས་ལ་གསོལ་བ་འདེབས་སོ། །བདུད་རྩི་རྔ་སྒྲ་ཞེས་བྱ་བའི་གཟུངས་སྔགས་ཀྱང་བརྗོད་ནས། དེ་བཞིན་གཤེགས་པ་འོད་དཔག་མེད་ལ་གསོལ་བ་འདེབས་ཏེ། འདི་སྐད་དུ་ཡང་ན་ནི་མིང་པོ་དང་མཇལ་བར་གྱུར་ཅིག །ཡང་ན་ནི་འགུམ་པར་གྱུར་ཅིག་
D168.059.0239b07.01