完整藏文原文 · 德格版页 当前仅加载第 59 函德格 223b 版页；藏文 NFD、目录标记与异常页序保留在来源切片中，重复版页行以稳定序号区分。
གསུམ་ཉིན་ལན་གསུམ་དུ་བཟླས་བརྗོད་བྱས་ན་ཕྱིར་མི་ལྡོག་པར་གྱུར་ཏེ། སངས་རྒྱས་ཀྱི་བྱང་ཆུབ་ཏུ་ལུང་བསྟན་པ་ཡང་ཐོབ་པར་འགྱུར་རོ། །གང་གི་ཚེ་ལྷ་མོ་དྲི་མ་མེད་པའི་འོད་ཀྱིས་སངས་རྒྱས་ཉིད་དུ་ལུང་བསྟན་པ་ཐོབ་པ། དེའི་ཚེ་དེས་བཟོད་པ་ཆེན་པོ་ཐོབ་པར་གྱུར་
D168.059.0223b01.01ཏེ། དེའི་ཚེ་དེས་སྨོན་ལམ་བཏབ་པ། ཇི་སྲིད་དུ་ལི་ཡུལ་དུ་འཇིགས་པ་ཆེན་པོ་འབྱུང་བར་འགྱུར་བ་དེ་སྲིད་དུ་བདག་བུད་མེད་ཀྱི་གཟུགས་སུ་སྣང་བར་གྱུར་ཏེ། སྨོན་ལམ་བཏབ་པ་དེས་ན་དེའི་ཚེ་བདག་སྐར་རྡོའི་རྒྱལ་པོའི་བུ་མོར་སྐྱེ་བ་ལེན་པར་གྱུར་ཅིག་ཅེས་བྱས་སོ། །དེ་
D168.059.0223b02.01བཞིན་གཤེགས་པ་ཟླ་བའི་རྒྱལ་མཚན་ཤིན་ཏུ་འཕགས་པའི་འོད་ཟེར་གྱི་འོད་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཆོས་ཀྱི་སྒྲ་སྒྲོགས་ཕྱག་ན་རིན་ཆེན་མཛོད་བསྣམས་ལ་ཕྱག་འཚལ་ལོ། །ཞེས་སངས་རྒྱས་ཀྱི་མཚན་འདི་གཉིས་སུ་བརྗོད་པ་ནི་བུད་མེད་དུ་
D168.059.0223b03.01སྐྱེ་བ་ལས་ཐར་བར་འགྱུར་ཏེ། འཇིག་རྟེན་གྱི་ཁམས་དེར་སྐྱེ་བར་འགྱུར་རོ། །ཚེ་དང་ལྡན་པའི་དམ་པ་ཇི་ལྟ་བུ་འདོད་པ་དེ་བཞིན་དུ་འགྲུབ་པར་འགྱུར་རོ། །སེམས་ཅན་དམྱལ་བར་སྐྱེ་བའི་ལས་རྣམས་ཀྱང་བཤགས་པར་འགྱུར་རོ། །བླ་ན་མེད་པ་ཡང་དག་པར་རྫོགས་
D168.059.0223b04.01པའི་བྱང་ཆུབ་ལས་ཀྱང་ཕྱིར་མི་ལྡོག་པར་འགྱུར་རོ། །སདྱཱ་ཐེ་དན། ད་ད་ད་ད། པྲཛྙཱ་ཀེ་ས། པྲཛྙཱ་ཀེ་རེ། པ་ར་པྲཛྙཱ། པྲ་ཏ་ཧ་ཏ་སྭཱ་ཧཱ། གཟུངས་སྔགས་འདི་ནི་བྱང་ཆུབ་ཀྱི་ཡན་ལག་གི་མེ་ཏོག་ཅེས་བྱ་སྟེ། ཆོས་ཇི་ལྟ་བུ་འདོད་པ་དེ་ལྟ་བུ་འཐོབ་པར་འགྱུར་རོ། །བདུད་ཀྱི་རིས་
D168.059.0223b05.01ཀྱི་ལྷ་རྣམས་ཀྱིས་ཀྱང་སངས་རྒྱས་སུ་བསྒྲུབ་པ་ལ་བར་ཆད་བྱེད་མི་ནུས་ཤིང་གླགས་རྙེད་པར་མི་འགྱུར་རོ། །དྲན་པ་དང་ཡང་ལྡན་པར་འགྱུར་རོ། །སེམས་ཀྱང་ཕྱིན་ཅི་ལོག་ཏུ་མི་འགྱུར་རོ། །གང་གི་ཚེ་སངས་རྒྱས་བཅོམ་ལྡན་འདས་ཀྱིས་གཟུངས་སྔགས་འདི་བཤད་པ་དེའི་ཚེ་ལྷ་
D168.059.0223b06.01མོ་དྲི་མ་མེད་པའི་འོད་ཀྱིས་སྨོན་ལམ་བཏབ་པ། བདག་གིས་དེར་སྐྱེ་བ་བླངས་ཏེ་སྐར་རྡོའི་རྒྱལ་པོའི་བུ་མོར་གྱུར་ནས་གསེར་གྱི་ཡུལ་གང་དུ་བདག་གི་ཕ་མ་གུམ་པའི་སྡུག་བསྔལ་གྱིས་བདག་སྐྱོ་བར་གྱུར་པ་དེར་བདག་འགྲོ་བར་གྱུར་ཅིག་ཅེས་བྱས་སོ། །དེའི་ཚེ་འཁོར་དེའི་ནང་ན་
D168.059.0223b07.01