完整藏文原文 · 德格版页 当前仅加载第 59 函德格 221b 版页；藏文 NFD、目录标记与异常页序保留在来源切片中，重复版页行以稳定序号区分。
དགའ་བར་གྱུར་པའི་ལས་དེས་ན་དེར་ཡང་ཁྱོད་ཀྱི་ནུ་མོར་གྱུར་ལ་གང་གི་ཚེ་ལས་དེའི་རྣམ་པར་སྨིན་པས་བདག་མྱ་ངན་གྱིས་འཆི་བའི་དུས་བྱེད་པར་འགྱུར་བ་དེའི་ཚེ་ཁྱོད་དེ་ལྟ་བུར་སྐྱོ་བར་གྱུར་པས་ན། བདག་གིས་དགེ་བའི་བཤེས་གཉེན་རྙེད་ནས་ཆོས་གང་གིས་འབྲས་བུ་དང་པོ་ཐོབ་སྟེ།
D168.059.0221b01.01སྡུག་བསྔལ་མཐར་བྱེད་པར་འགྱུར་བ་དེ་ལྟ་བུའི་ཆོས་ཐོས་ནས་དེའི་ཚེ་སྔོན་དང་ཕྱི་མའི་ལས་རྣམས་དྲན་པར་གྱུར་ཅིག་ཅེས་བྱས་སོ། །དེར་ལྷ་མོ་དེའི་མིང་པོ་ཐ་{ཆུངས་སུ་,ཆུང་དུ་}གྱུར་ཅིང་། དགེ་བསྙེན་མ་ཧུ་ཤ་ཞེས་བྱ་བར་གྱུར་པ་ཕྱིན་ཅད་དེའི་མིང་པོར་གྱུར་པ་དེའི་སྔོན་གྱི་ལས་ཀྱིས་སེམས་
D168.059.0221b02.01ཅན་རྣམས་སྐྲག་པར་བྱེད་པ་དེས་སྲིང་མོ་བཅོམ་ལྡན་འདས་ཀྱི་སྤྱན་སྔར་སྨོན་ལམ་འདེབས་པ་ཡང་མཐོང་ལ། བཅོམ་ལྡན་འདས་ཀྱི་སྤྱན་སྔར་སྨོན་ལམ་བཏབ་ནས་ལི་ཡུལ་གྱི་ཡུལ་འཁོར་ཡོངས་སུ་བསྐྱང་བའི་ཕྱིར་མནོས་པ་ཡང་མཐོང་ངོ་། །དེ་ནས་ལྷ་མོ་དྲི་མ་མེད་པའི་འོད་ཀྱི་
D168.059.0221b03.01མིང་པོ་ཐ་{ཆུངས་,ཆུང་}རྒྱལ་པོ་མ་སྐྱེས་དགྲའི་བུས་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས་འདི་སྐད་ཅེས་གསོལ་ཏོ། །སྔོན་བདག་གིས་སངས་རྒྱས་བཅོམ་ལྡན་འདས་མང་པོ་ལ་བསྙེན་བཀུར་བྱས་ཏེ། དུས་ཐམས་ཅད་དུ་སྐྱེས་པར་གྱུར་ནས་རྒྱལ་སྲིད་ཀྱི་
D168.059.0221b04.01བགྱི་བ་མང་པོ་ཡང་བགྱིས་སོ། །བདག་གི་སྲིང་མོ་འདི་ཡང་བུད་མེད་ཀྱི་གཟུགས་ཀྱིས་བྱང་ཆུབ་སེམས་དཔའི་སྤྱད་པ་སྤྱོད་པ་ལགས་ཏེ། འདིས་ལི་ཡུལ་ཡོངས་སུ་བསྐྱང་བའི་སླད་དུ་སུག་པར་བླངས་པ་དེ་ནི་ལས་ཆེན་པོ་མཆིས་ཀྱི་འཚལ་བ་ལགས་ཏེ། བུད་མེད་ཀྱི་བསམ་པ་ནི་
D168.059.0221b05.01སངས་རྒྱས་བཅོམ་ལྡན་འདས་ཉིད་ཀྱིས་མཁྱེན་པར་བས་སོ། །བཅོམ་ལྡན་འདས་ཅི་ནས་ཀྱང་བདག་གི་སྟེང་དུ་འོད་ཟེར་བཏང་བ་དེ་ལྟ་བུར་བདག་ལ་བྱིན་གྱིས་བརླབ་པར་གསོལ། ཅི་ནས་ཀྱང་ཡུལ་བསྲུང་བའི་སླད་དུ་གྲོགས་བགྱིད་པར་འགྱུར་བ་དང་། བདག་གི་རིགས་ཀྱིས་ཡུན་རིང་
D168.059.0221b06.01པོར་ལི་ཡུལ་དུ་ཡུལ་འཛིན་པར་འགྱུར་བ་དེ་ལྟ་བུའི་གཟུངས་ཀྱང་སྩལ་བར་གསོལ། སྐྱེ་བ་བླངས་ཏེ་འབྲས་བུ་ཐོབ་ནས་གུམ་པའི་འོག་ཏུ་ཡང་ལྷ་རྣམས་ཀྱི་ནང་དུ་སྐྱེ་བར་གྱུར་ཅིག །གང་གི་ཚེ་ལི་ཡུལ་དུ་སུམ་པའམ། གདོང་དམར་རྣམས་འོང་བར་འགྱུར་བ་དེའི་ཚེ་བདག་སྐར་
D168.059.0221b07.01