完整藏文原文 · 德格版页 当前仅加载第 59 函德格 227b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིར་བྱའོ། །གཅིག་ནི་སྒྲུབ་པའི་ཟླ་བའི་ཕྱིར་བྱས་ལ། དེར་ལས་ཀྱིས་སྦྱིན་སྲེག་ལན་བརྒྱ་རྩ་བརྒྱད་བྱའོ། །རྟ་གནས་ཀྱི་གཟུངས་སྔགས་ཀྱང་ལན་བརྒྱ་རྩ་བརྒྱད་བཟླས་བརྗོད་བྱའོ། །རྩྭ་དཱུར་བའི་སྦྱིན་སྲེག་ཀྱང་ལན་བརྒྱ་རྩ་བརྒྱད་བྱའོ། །གུར་གུམ་གྱི་ཆུས་དཀྱིལ་འཁོར་
D168.059.0227b01.01གསེར་གྱི་ཁ་དོག་བཞིན་དུ་གྱུར་གྱི་བར་དུ་ཆག་ཆག་མང་དུ་གདབ་པར་བྱའོ། །སྦྱིན་སྲེག་གི་མར་ནི་དྲི་ཞིམ་པོས་བསྒོས་པས་སྦྱིན་སྲེག་བྱའོ། །དཀྱིལ་འཁོར་སྐྱོང་ནུལ་གྱིས་མཛེས་པར་བྱུགས་ལ། གང་གི་ཚེ་བཟླས་བརྗོད་རྩོམ་པ་ན་རྔ་བོ་ཆེ་རྡུང་ཞིང་རོལ་མོའི་སྒྲ་རྣམས་བསྒྲགས་ཏེ།
D168.059.0227b02.01དཀོན་མཆོག་གསུམ་ལ་མཆོད་པ་བྱས་ལ་ཐོག་མ་ཚེས་ལྔའི་ཉི་མ་ནུབ་ཀའི་དུས་སྐབས་སུ་ལས་འདི་བརྩམ་ཞིང་གསང་སྔགས་བཟླས་བརྗོད་བྱའོ། །ཡང་ན་ཚེས་དྲུག་གམ་བདུན་ལ་བརྩམ་པར་བྱའོ། །ནང་པར་གྱི་དུས་སྐབས་སུ་ཐོག་མར་མེ་ལྷ་སྤྱན་དྲངས་ལ། ཇི་ལྟར་སྔར་
D168.059.0227b03.01བསྟན་པ་བཞིན་དུ་རྩྭ་དཱུར་བའི་སྦྱིན་སྲེག་བྱའོ། །རོའི་ཁ་ཟས་དེ་དག་ཀྱང་ཕྱིར་ཕྱུང་ལ་གསར་པ་གཞན་གཞག་པར་བྱ་སྟེ། ཞག་གསུམ་མམ། ཞག་བདུན་གྱི་བར་དུ་སྦྱིན་སྲེག་ཟིན་པའི་རྗེས་ལ་རོའི་ཁ་ཟས་དེ་གསར་པ་རྣམས་གཞག་པར་བྱའོ། །དཀྱིལ་འཁོར་དེའི་དབུས་སུ་
D168.059.0227b04.01སངས་རྒྱས་ཀྱི་སྐུ་གཟུགས་དང་། དམ་པའི་ཆོས་དང་། སྐུ་གདུང་ཡང་གཞག་པར་བྱའོ། །དཀྱིལ་འཁོར་དེར་གདུགས་བཅུ་དང་། རྒྱལ་མཚན་བཅུ་དང་། བ་དན་བཅུ་དང་། རྔ་བོ་ཆེ་བཅུ་དང་། དྲིལ་བུ་བཅུ་དང་། མེ་ཏོག་གི་ཕྲེང་བ་སུམ་བརྒྱ་དྲུག་ཅུ་དང་། མར་མེ་སུམ་
D168.059.0227b05.01བརྒྱ་དྲུག་ཅུ་རྣམས་གཞག་པར་བྱའོ། །ལས་དེ་ལྟར་བྱས་པའི་རྗེས་ལ་དཀྱིལ་འཁོར་དེ་ཉིད་དུ་ཚེས་བརྒྱད་ལ་བརྩམས་ཏེ། ཚེས་{བཅྭ་,བཅོ་}ལྔའི་བར་དུ་འཕགས་པ་སྤྱན་རས་གཟིགས་དབང་ཕྱུག་གི་ཆོ་ག་རྒྱས་པར་བརྩམ་ཞིང་བཟླས་བརྗོད་བྱའོ། །གང་གི་ཚེ་རྟ་གནས་ཀྱི་གཟུངས་སྔགས་
D168.059.0227b06.01ཀྱི་ལས་དེ་དག་གིས་ལས་ཆེན་པོ་རྩོམ་མམ། ཡང་ན་གཡུལ་ཆེན་པོའི་ནང་དུ་འགྲོ་བར་འདོད་དམ། ཡང་ན་རྒྱལ་པོ་ཆེན་པོའི་དབང་ཕྱུག་གི་བདག་པོ་ཐོབ་པར་འདོད་ན་རྟ་གནས་ཀྱི་གཟུངས་སྔགས་འདི་ཇི་ལྟར་འདི་ལས་ཆོ་ག་རྒྱས་པ་སྔར་སྨོས་པ་དེ་བཞིན་དུ་བཟླས་བརྗོད་བྱས་
D168.059.0227b07.01