完整藏文原文 · 德格版页 当前仅加载第 86 函德格 260b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱ་གར་སྐད་དུ། ཨཱརྱ་ཨ་ཙ་ལ་མ་ཧཱ་ཀྲོ་དྷ་རཱ་ཛ་སྱ་སརྦ་ཏ་ཐཱ་ག་ཏ་ཏ་སྱ་བ་ལ་ཨ་པ་རི་མི་ཏ་བཱི་ར་བི་ན་ཡ་སྭཱ་བྱཱ་ཏོ་ནཱ་མ་ཀལྤ། བོད་སྐད་དུ། དེ་བཞིན་གཤེགས་པ་ཐམས་ཅད་ཀྱི་ཁྲོ་བོའི་རྒྱལ་པོ་འཕགས་པ་མི་གཡོ་བ་དེའི་སྟོབས་དཔག་ཏུ་མེད་པ་
D495.086.0260b01.01རྟུལ་ཕོད་པ་འདུལ་བར་གསུངས་པ་ཞེས་བྱ་བའི་རྟོག་པ། རྗེ་བཙུན་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རླུང་ལ་བཞུགས་ཏེ། རིན་པོ་ཆེ་སྣ་ཚོགས་བཀོད་པ་
D495.086.0260b02.01རིན་པོ་ཆེའི་གཞལ་ཡས་ཁང་བྱེ་བ་གྲངས་མེད་པ་དུ་མས་བཀོད་ཅིང་ཡོངས་སུ་བསྐོར་བ། བསམ་གྱིས་མི་ཁྱབ་ཅིང་གྲངས་མེད་པའི་དེ་བཞིན་གཤེགས་པའི་བསོད་ནམས་ལས་འཁྲུངས་པའི་བྱང་ཆུབ་སེམས་དཔའི་སེང་གེའི་ཁྲི་བཤམས་པ་རིན་པོ་ཆེས་སྤྲས་པ།
D495.086.0260b03.01འཇིག་རྟེན་གྱི་ཁམས་གྲངས་མེད་པ་རྣམ་པར་སྣང་བར་བྱེད་པ་རིན་པོ་ཆེ་སྣ་ཚོགས་ཀྱི་ལྕགས་རིས་ཡོངས་སུ་བསྐོར་ཅིང་ཤིན་ཏུ་ཡིད་འཕྲོག་པ། སྟེང་དུ་རིན་པོ་ཆེ་སྣ་ཚོགས་ཀྱིས་སྤྲས་པའི་རིན་པོ་ཆེའི་བླ་བྲེས་ནམ་མཁའི་ཁམས་གོ་འབྱེད་པར་སྣང་བར་བྱེད་པ་བསམ་
D495.086.0260b04.01གྱིས་མི་ཁྱབ་པའི་པདྨའི་རྒྱལ་པོ་རིན་པོ་ཆེ་སྣ་བདུན་གྱི་རྒྱུ་ལས་ཡང་དག་པར་བྱུང་བ། སེམས་ཅན་ཐམས་ཅད་ཀྱི་བསམ་པ་སྣ་ཚོགས་ཡོངས་སུ་དགའ་བར་བྱེད་པ། འོད་ཟེར་ཆེན་པོ་ཕུལ་དུ་བྱུང་བ་གསལ་བར་བྱེད་ཅིང་མུན་ནག་ཐམས་ཅད་རབ་ཏུ་དང་བར་བྱེད་པ།
D495.086.0260b05.01བྱང་ཆུབ་སེམས་དཔའ་ཐམས་ཅད་ཀྱི་ཡེ་ཤེས་ལས་འཁྲུངས་པའི་སེང་གེའི་ཁྲི་བསམ་གྱིས་མི་ཁྱབ་པ་བྱེ་བ་དུ་མས་ཡོངས་སུ་བསྐོར་བ། བྱང་ཆུབ་སེམས་དཔའ་གྲངས་མེད་པས་ཡོངས་སུ་བསྐོར་བ། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་
D495.086.0260b06.01དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་ལ་སོགས་པ་དུ་མས་ཡོངས་སུ་བསྐོར་བ་དེར་བཅོམ་ལྡན་འདས་བཞུགས་ནས་ཆོས་སྟོན་ཏོ། །འདི་ལྟ་སྟེ། འཕགས་པ་སྤྱན་རས་གཟིགས་དབང་ཕྱུག་དང་། འཇམ་དཔལ་དང་། ཀུན་དུ་
D495.086.0260b07.01