完整藏文原文 · 德格版页 当前仅加载第 86 函德格 292a 版页；藏文 NFD、目录标记与异常页序保留在来源切片中，重复版页行以稳定序号区分。
གཟུགས་ཀྱིས་བཞུགས། །ལས་རྣམས་སྣ་ཚོགས་ཡང་དག་ལྡན། །གསང་སྔགས་འདི་ནི་བཟླས་པས་འགྲུབ། །མཚམས་མེད་ལྔ་པོ་བྱས་པ་ཡང་། །འདི་ཡིས་མྱུར་དུ་འགྲུབ་པར་འགྱུར། །ཚེས་གྲངས་མེད་ཅིང་རྒྱུ་སྐར་མེད། །སྨྱུང་གནས་ཡང་ནི་མེད་པར་
D495.086.0292a01.01མཛད། །ཁྲུས་ཀྱི་བྱ་བ་ཐམས་ཅད་མེད། །དྲི་སོགས་ཆོ་གའི་རིམ་པ་མེད། །རས་རིས་མེད་ཅིང་གནས་ཡོད་མིན། །དུས་ཀྱི་ཆོ་གའི་རིམ་པ་མེད། །སྡིག་པ་ཀུན་དང་ལྡན་པས་ཀྱང་། །གང་དུ་ཡང་དག་གནས་སྒྲུབ་པ། །སླར་ཡང་བཅོམ་ལྡན་འདས་ཀྱིས་ནི། །ཐུགས་རྗེ་དང་ནི་ལྡན་
D495.086.0292a02.01པའི་ཐུགས། །རྡོར་འབྱུང་ཆེ་བའི་བདག་ཉིད་ལ། །སྙན་པའི་ཚིག་གིས་བཀའ་སྩལ་པ། །གསང་སྔགས་རྒྱལ་པོ་རྫུ་འཕྲུལ་ཆེ། །ཁྲོ་རྒྱལ་ཉེ་བའི་སྙིང་པོ་ནི། །དངོས་གྲུབ་མྱུར་དུ་སྩོལ་མཛད་པ། །བཤད་པར་བྱ་ཡིས་བུ་ཚུར་ཉོན། །ཡིད་ལ་འདོད་པའི་ཆོ་ག་ཉིད། །བསམ་གྱིས་མི་
D495.086.0292a03.01ཁྱབ་ལས་དང་ལྡན། །གསང་སྔགས་ཆེན་པོ་འདི་བསྒྲུབས་ནས། །བསམ་གྱིས་མི་ཁྱབ་འབྲས་བུ་སྟེར། །རྫོགས་སངས་མཆོག་ཏུ་གསང་བ་ནི། །བརྟན་དང་གཡོ་བས་མི་ཤེས་པ། །བསམ་པ་ཐམས་ཅད་རྫོགས་མཛད་ན། །རྒྱལ་བ་མཆོག་གིས་རྟག་ཏུ་གསུངས། །ན་མཿ
D495.086.0292a04.01སརྦྦ་ཤཱ་པ་རི་པཱུར་ཀེ་བྷྱཿ། སརྦྦ་ཏ་ཐཱ་ག་ཏེ་བྷྱཿ། སརྦྦ་ཐཱ་ཏྲ་ཊ། ཨ་མོ་གྷ་ཙཎྜ་མ་ཧཱ་རོ་ཥ་ཎ་སྥོ་ཊ་ཡ་ཧཱུཾ། ཏྲཱ་ས་ཡ་ཧཱུཾ། ཏྲ་ཀ་ཧཱྃ་མྃ། ཕྱག་ན་རྡོ་རྗེའི་འདིར་འདི་ཡི། །ཁྲོ་བོ་ཆེན་པོའི་ཉེ་སྙིང་ངོ་། །ལས་ཀུན་ནུས་པ་ཅན་འདི་ནི། །སྔགས་ཀྱི་རྒྱལ་པོ་རྫུ་འཕྲུལ་ཆེ། །ཡིད་འདོད་བསམ་གྱིས་མི་
D495.086.0292a05.01ཁྱབ་པ། །མ་བསྒྲུབས་པ་ཡི་ལས་ཀྱང་བྱེད། །རྒྱུད་རྒྱལ་གཞན་པ་རྣམས་སུ་ནི། །ཆོ་ག་རྒྱས་པར་གསུངས་པ་གང་། །འདི་ཉིད་ཀྱི་ནི་ཆོ་ག་ཡིས། །དེ་ཡང་གྲངས་མེད་བསྒྲུབ་པར་བྱ། །ཁྲོ་བོའི་མངག་གཞུག་བཀའ་ཉན་པ། །ཕོ་ཉ་ཕོ་མོ་རྫུ་འཕྲུལ་ཆེ། །ཆོ་ག་འདི་ཡི་རིམ་པ་ཡིས། །
D495.086.0292a06.01དེ་ཡང་ཇི་ལྟར་རིགས་པས་སྒྲུབ། །གང་ཡང་འཇིག་རྟེན་པ་ཡི་ལྷ། །གང་ཡང་ཁྱབ་འཇུག་ལ་སོགས་ཀླུ། །གཟའ་དང་རྒྱུ་སྐར་སོགས་ཐམས་ཅད། །གྲུལ་བུམ་དང་ནི་ལུས་སྲུལ་པོ། །གནོད་སྦྱིན་ལྷ་མིན་མིའམ་ཅི། །གནོད་སྦྱིན་མོ་དང་ཤ་ཟ་དང་། །གང་ཡང་སྲིན་པོ་དང་ནི་མི། །དྲང་
D495.086.0292a07.01