完整藏文原文 · 德格版页 当前仅加载第 86 函德格 306b 版页；藏文 NFD、目录标记与异常页序保留在来源切片中，重复版页行以稳定序号区分。
ཚོལ་བའི་སྲིན་པོ་དང་། འཇིགས་པའི་གཟུགས་ཅན་ལོག་པར་འདྲེན་པ་དེ་རྣམས་རྡོ་རྗེ་གར་གྱི་དབང་ཕྱུག་གི་གཟི་བརྗིད་ཀྱིས་བསྲེགས་ཤིང་གནས་མེད་ལ། གང་ཡང་སངས་རྒྱས་ཆོས་ལ་ནི། །གུས་པ་ཡིས་ནི་སྐྱབས་སོང་བས། །གང་ཞིག་སྐྱེ་བོ་དེ་ལུས་ལ། །སྡུག་བསྔལ་ཅི་
D495.086.0306b01.01ཡང་ཡོད་མ་ཡིན། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་བཀའ་སྩལ་པ། སྔར་མེད་པ་ཡི་བགེགས་ཀྱི་གཟུགས། །བསྒྲུབ་བྱ་བ་ཡི་ཆོ་ག་ནི། །ཕྱག་ན་རྡོ་རྗེ་ཚུར་ལ་ཉོན། །མི་ཤེས་པ་ཡི་སེམས་བསྒྲིབས་པས། །རྒྱུད་ནི་མི་ཤེས་པར་གྱུར་པ། །དེ་ནི་
D495.086.0306b02.01བགེགས་ཀྱིས་ཟིལ་མནན་ཅིང་། །འདིར་ནི་སྔགས་ལ་དད་ལྡན་ན། །སེལ་བ་རུ་ནི་གྱུར་པ་སྟེ། །ཡངས་པ་ཡི་ནི་མཆོག་ཏུ་འགྱུར། །ལས་ཀྱིས་རྒྱུད་དང་འབྲས་བུ་ནི། །ལེགས་བྱས་ཉེས་བྱས་དེ་བཞིན་དུ། །ལོག་པའི་རྒྱལ་པོ་ཟིལ་མནན་ཅིང་། །དེ་དག་ཐམས་ཅད་བརྙས་པ་བྱེད། །
D495.086.0306b03.01ལོག་པའི་ཀུན་རྟོག་མང་པོ་ཡིས། །དམྱལ་བར་མྱུར་དུ་སྐྱེ་བར་འགྱུར། །ལྟས་ངན་ལས་ཀྱི་འབྲས་བུ་ཀུན། །དེ་ནས་གསོ་སྦྱོང་ཡོད་མ་ཡིན། །དེ་ནས་གསང་བའི་བདག་པོ་ཕྱག་ན་རྡོ་རྗེས་བཅོམ་ལྡན་འདས་ཀྱི་ཞབས་གཉིས་ལ་གཏུགས་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་
D495.086.0306b04.01བཤད་དུ་གསོལ། བདེ་བར་གཤེགས་པས་བཤད་དུ་གསོལ། བགེགས་རྣམས་ཀྱི་སྔ་ན་མེད་པའི་གཟུགས་སུ་གྱུར་པ། མ་འོངས་པའི་བྱིས་པའི་སེམས་ཅན་རྣམས་ཤེས་རབ་ཆུང་བས། བགེགས་རྣམས་སྔར་མེད་པའི་འབྱུང་བའི་རྒྱུ་མི་འཚལ་བས་ན་དེ་རྣམས་བསལ་བར་བྱ་བའི་
D495.086.0306b05.01ཕྱིར། གཙོ་བོས་བཤད་དུ་གསོལ། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་བཀའ་སྩལ་པ། བགེགས་རྣམས་ཞགས་པས་བཅིངས་པས་ནི། །སྔོན་གྱི་ལས་ལ་རག་ལས་ཡིན། །སེར་སྣ་གོམས་པའི་སྦྱོར་བ་ཡིས། །འདོད་པའི་དངོས་པོ་ལ་གནོད་
D495.086.0306b06.01པས། །སེམས་ནི་རྟོག་པའི་སྐྱོན་གྱིས་ནི། །སྔགས་པ་ལ་ནི་བགེགས་སྐྱེ་འགྱུར། །དེ་རྣམས་གཞོམ་པར་བྱ་བའི་ཕྱིར། །སེམས་ནི་བྱང་ཆུབ་གཏད་པར་བྱ། །བགེགས་རྣམས་ཐམས་ཅད་རྣམ་པར་འཇིག །ཐོག་མ་མེད་པའི་འཁོར་བའི་ཟོམ། །གང་ཡང་སྡིག་པ་ཅུང་ཟད་པ། །
D495.086.0306b07.01