完整藏文原文 · 德格版页 当前仅加载第 86 函德格 315b 版页；藏文 NFD、目录标记与异常页序保留在来源切片中，重复版页行以稳定序号区分。
ཏི་ཧ་ཏ། ཏ་ཐཱ་ག་ཏཱ་ཛྙཱཾ་སྨ་ར་ཧཱུྃ་ཕཊ་ཕཊ་སྭཱ་ཧཱ། དེ་ནས་ཕྱག་ན་རྡོ་རྗེས་སླར་ཡང་ཁྲོ་བོ་ཆེན་པོ་ཐོགས་པ་མེད་པའི་ཆོ་གའི་སྙིང་པོ་དཔའ་བོ་གཅིག་པ་བཀའ་སྩལ་པ། ན་མཿསྟྲཻ་ཡ་དྷྭི་ཀཱ་ནཱྃ། ཏ་ཐཱ་ག་ཏཱ་ནཱྃ་ཧཱྃ། བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་བཀའ་སྩལ་མ་ཐག་ཏུ་དེ་ནས་སྐད་ཅིག་
D495.086.0315b01.01དེ་ལ་འཇིག་རྟེན་གྱི་ཁམས་ཐམས་ཅད་སྣང་བ་ཆེན་པོས་སྣང་བར་བྱས་ནས་དེ་ལ་འཇིག་རྟེན་གྱི་ཁམས་ཐམས་ཅད་ཀྱི་གང་བདུད་དང་བདུད་ཆེན་པོ་འཇིགས་སུ་རུང་བའི་གཟུགས་ཅན་དང་ལྷ་དང་ཀླུ་དང་གནོད་སྦྱིན་ལ་སོགས་པ་དེ་ཁྲོ་བོ་ཆེན་པོའི་གཟི་བརྗིད་ཀྱིས་བསྲེགས་པར་གྱུར། གང་དང་གང་རང་
D495.086.0315b02.01རང་གི་དེར་སོང་སྟེ་བཅོམ་ལྡན་འདས་བསྐྱབ་ཏུ་གསོལ། བདེ་བར་གཤེགས་པ་བསྲེགས་པ་ལས་བསྐྱབ་ཏུ་གསོལ། དེ་ནས་དེ་བཞིན་གཤེགས་པ་དེ་རྣམས་ཀྱིས་རང་རང་གི་ཞིང་རྣམས་ཀྱི་བགེགས་ཆེན་པོ་དེ་དག་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་དག་ཁྲོ་བོ་ཆེན་པོ་
D495.086.0315b03.01མི་གཡོ་བ་ཞེས་བྱ་བ་དེ་བཞིན་གཤེགས་པ་ཐམས་ཅད་ཀྱིས་བཀའ་སྩལ་པ་མཛད་པ། གདུག་པ་ཐམས་ཅད་རབ་ཏུ་འཇོམས་པར་བྱེད་པ་དྲན་པར་གྱིས་ཤིག །གཞན་དུ་ཁྱོད་རྣམས་ཀྱི་མགོ་བོ་ཕྱག་ན་རྡོ་རྗེའི་རྡོ་རྗེས་ཚལ་པ་བརྒྱར་འགས་པར་འགྱུར་རོ། །གང་ཞིག་སྒྱུ་མ་ལྟ་བུར་སེམས་
D495.086.0315b04.01སྐྱེད་ཅིག །སེམས་ཅན་ཐམས་ཅད་ལ་ཕན་པ་དང་བདེ་བའི་སེམས་སྐྱེད་ཅིག །སེམས་ཅན་སྡིག་པ་ཐམས་ཅད་དང་བྲལ་བ་དྲན་པར་གྱིས་ཤིག །རིགས་ཀྱི་བུ་དག་ཁྲོ་བོའི་རྒྱལ་པོ་ཆེན་པོ་སྡུག་བསྔལ་ཐམས་ཅད་དང་བྲལ་བ་དྲན་པར་གྱིས་ཤིག །དེ་ནས་གདུག་པ་དེ་ཐམས་ཅད་ཁྲོ་
D495.086.0315b05.01བོའི་རྒྱལ་པོ་ཆེན་པོ་དེ་ཉིད་ལ་སྐྱབས་སུ་སོང་སྟེ་བཅོམ་ལྡན་འདས་བདག་ནི་སའི་ཕྱོགས་སུ་ཉེ་བར་གནོད་པར་མི་བགྱིད་དོ། །གང་ན་ཁྲོ་བོའི་རྒྱལ་པོ་ཆེན་པོ་འདི་ཉིད་བཞུགས་པ་དེ་བསྲུང་བར་བགྱིའོ། །ཉེ་བར་དགོས་པ་བསྐྱེད་དོ། །ཉེ་བར་འཚེ་བ་ཐམས་ཅད་ཀྱང་གཞོམ་པར་བགྱིའོ། །
D495.086.0315b06.01ཞེས་དམ་ཚིག་བྱས་ནས་བཅོམ་ལྡན་འདས་ཀྱི་ཞབས་ཀྱི་དྲུང་དུ་ལྷགས་ནས་འདུག་གོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེས་སླར་ཡང་ཁྲོ་བོའི་རྒྱལ་པོ་ཆེན་པོ་སྤྱོད་པའི་ཆོ་ག་ཡང་སྒྲུབ་པ་པོ་རྣམས་ལ་བཀའ་སྩལ་པ། ཁྲོ་བོའི་རྒྱལ་པོ་ཆེན་པོ་འདི་གང་ལྐུགས་
D495.086.0315b07.01