完整藏文原文 · 德格版页 当前仅加载第 86 函德格 300b 版页；藏文 NFD、目录标记与异常页序保留在来源切片中，重复版页行以稳定序号区分。
མ་ཐག་ཏུ་རྣལ་མར་འགྱུར། །གསང་སྔགས་འཆང་བས་ས་སྟེངས་སུ། །རྟག་ཏུ་ཡུལ་མེད་བྱེད་འདོད་དམ། །དགྲ་བོ་མྱོས་པར་བྱེད་པ་འམ། །ཡང་ན་དབྱེ་བར་འདོད་པ་ན། །མི་རུས་ཕྱེ་མ་ཚྭ་དང་ནི། །སྐེ་ཚེ་དང་ནི་གནོད་སྦྱིན་འཁྲིགས། །རས་བྲིས་སྤྱན་སྔར་སྲེག་བླུགས་བྱ། །
D495.086.0300b01.01སྲེག་བླུགས་བདུན་གསུམ་ཡང་ན་ལྷག །སྲེག་བླུགས་ལས་ནི་ཟིན་པ་ན། །ཐེ་ཚོམ་མེད་པར་མྱོས་པར་འགྱུར། །དེ་ནི་ཞི་བར་འདོད་པ་ན། །དཱུར་བའི་འདབ་མ་འོ་མས་བཏགས། །སྟོང་ཕྲག་གཅིག་ཏུ་སྲེག་བླུགས་བྱ། །གལ་ཏེ་སྔགས་པ་འདོད་པ་ན། །དེ་ཡི་ཚེ་ན་རྣལ་མར་འགྱུར། །
D495.086.0300b02.01དུག་ཉིད་དང་ནི་ཁྲག་དང་ནི། །རུས་པའི་ཕྱེ་མ་ཡང་དག་ལྡན། །ནིམ་པའི་ས་བོན་ལྡན་པ་ནི། །ཡུངས་མར་གྱིས་བཏགས་མཉེ་བར་བྱ། །རས་བྲིས་བྱང་དུ་ཞལ་བལྟས་ལ། །མྱོས་བྱེད་ཤིང་གི་མེ་དག་ལ། །ཁྲོས་དང་ལྡན་པས་སྲེག་བླུགས་ནི། །ཉི་ཤུ་རྩ་གཅིག་སྦྱིན་སྲེག་བྱ། །བརྒྱ་
D495.086.0300b03.01རྩ་བརྒྱད་ནི་སྔགས་བྱས་ནས། །སྟན་ལ་ཙོག་ཙོག་པུར་འདུག་ཅིང་། །སྲེག་བླུགས་ལས་ནི་རྫོགས་པ་ན། །དུ་བ་མེ་ནི་ཀུན་དུ་འཁྲིགས། །བུ་དང་ཕྱུགས་དང་གཉེན་བཅས་པའི། །དགྲ་ཡི་སྲོག་ནི་འཆད་པར་འགྱུར། །མི་ཡི་རུས་པའི་ཕྱེ་མ་བླངས། །དེ་ནས་ནིམ་པ་ལྔ་པར་བླང་། །
D495.086.0300b04.01བདག་ཉིད་ཀྱི་ནི་ཁྲག་གམ་ནི། །ཡུངས་མར་གྱིས་ནི་བཏགས་བྱས་ལ། །རས་བྲིས་བྱང་དུ་ཞལ་ཕྱོགས་ཏེ། །སྲེག་བླུགས་བདུན་དུ་སྦྱིན་སྲེག་བྱ། །བུ་དང་ཕྱུགས་དང་ཉེ་དུར་བཅས། །དགྲ་སྲོག་དེ་མ་ཐག་ཏུ་སྐེམ། །སེམས་ཅན་གདུག་པའི་རྒྱལ་པོ་དང་། །གཞན་ཡང་ལྷ་ལ་
D495.086.0300b05.01སོགས་པ་དང་། །མ་མོ་རྣམས་ཀྱིས་ས་སྟེངས་སུ། །སྔགས་པ་ལ་ནི་གནོད་བྱེད་པ། །དེ་རྣམས་གཞོམ་པར་བྱ་བའི་ཕྱིར། །སྦྱོར་བ་འདི་ནི་བརྩམ་པར་བྱ། །སྐེ་ཚེ་དུག་གིས་དེ་བཞིན་བཏགས། །ནིམ་པའི་འབྲས་བུ་ཡང་དེ་བཞིན། །ཅི་རིགས་སྦྱིན་སྲེག་བྱས་གྱུར་ན། །དེ་མ་ཐག་
D495.086.0300b06.01ཏུ་སྲོག་འཆད་འགྱུར། །རྩེ་གཅིག་པ་ཡི་ཡིད་ཀྱིས་སུ། །དེ་ཉིད་ཚོགས་རྣམས་མཉན་པར་གྱིས། །གང་གིས་འཕྲལ་དུ་འབྲས་བུ་འབྱུང་། །གསང་བའི་སྦྱོར་བ་བཤད་པར་བྱ། །ནིམ་པའི་འདབ་མ་དུག་གིས་བཏགས། །དེ་ལ་ཁྲག་གིས་མིང་བྲི་བྱ། །ཚ་བ་གསུམ་གྱིས་མེ་སྤར་ཏེ། །
D495.086.0300b07.01