完整藏文原文 · 德格版页 当前仅加载第 86 函德格 265b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་འཁོར་དེ་རྣམས་ལ་ལེགས་སོ་ཞེས་བྱ་བ་བྱིན་ཏེ། གཙུག་ལག་ལེགས་སོ་ལེགས་སོ། །སླར་ཡང་གཙུག་ལག་ངེས་པར་ལེགས་སོ། །དེ་ལྟར་གཙུག་ལག་འདིའི་ཚིག་བརྗོད་པ་མཛེས་པ་དེ་ལྟར་ཇི་ལྟ་བ་དེ་བཞིན་དུ་ཡིན་ནོ། །འོན་ཀྱང་གཙུག་ལག་གི་བསྟན་པ་སྲུང་བར་བྱེད་
D495.086.0265b01.01པའི་ཁྲོ་བོའི་རྒྱལ་པོ་ཆེན་པོའི་སྙིང་པོའི་གཞུང་འདི་བདག་གིས་གཏི་མུག་གི་མུན་པས་གཡོགས་པའི་སེམས་ཅན་སྡུག་བསྔལ་བ་རྣམས་ལ་བལྟས་ནས་གསུངས་ཏེ། འདི་ནི་ཉན་པར་མ་ནུས་པའི། །གོ་འཕང་རྫོགས་སངས་རྒྱས་ཀྱིས་གསུངས། །དེ་རྣམས་ཐེ་ཙོམ་ཕྱིར་བདག་གིས། །
D495.086.0265b02.01ཡེ་ཤེས་སྒྲོན་མེ་ཡང་དག་སྤར། །བྱིས་པ་སྡུག་བསྔལ་ཡང་དག་ཁེངས། །ས་གཞི་སྟེང་ནི་འདི་ན་གནས། །ཚུལ་འདི་རབ་ཏུ་མི་ཤེས་པས། །ཁྱིམ་གྱི་བཅིང་བ་དམ་པོས་བཅིངས། །དེ་ནས་བཅོམ་ལྡན་འདས་ལ་གསང་བའི་བདག་པོ་ལག་ན་རྡོ་རྗེས་མིག་གཉིས་འབྲུ་ཚུགས་སུ་
D495.086.0265b03.01བལྟས་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་ངོ་མཚར་ཏོ། །བདེ་བར་གཤེགས་པ་ངོ་མཚར་ཏོ། །བཅོམ་ལྡན་འདས་འདི་ནི་མཐུ་ཆེ་ལགས་སོ། །བཅོམ་ལྡན་འདས་ཁྲོ་བོའི་རྒྱལ་པོ་དེའི་སྙིང་པོའི་གཟི་བརྗིད་དང་མཐུ་ནི་བདག་གིས་མི་བཟོད་ལགས་སོ། །བཅོམ་
D495.086.0265b04.01ལྡན་འདས་ཁྲོ་བོའི་རྒྱལ་པོའི་སྙིང་པོ་འདི་ནི་གདུལ་དཀའ་འདུལ་བ་ལགས་སོ། །བཅོམ་ལྡན་འདས་ཤཱཀྱ་ཐུབ་པས་བཀའ་སྩལ་པ། གསང་བའི་བདག་པོ་འདི་ནི་ཅི་སྐད་དུ་སྨྲས་པ་དེ་བཞིན་ནོ། །འོན་ཀྱང་གསང་བའི་བདག་པོ་བདག་ནི་གསང་སྔགས་ཀྱི་རྒྱལ་པོ་འདིའི་
D495.086.0265b05.01མཐུས་ཉོན་མོངས་པ་ཐམས་ཅད་དང་བདུད་ཅི་སྙེད་ལས་རྒྱལ་ལོ། །གསང་བའི་བདག་པོ་གང་ཡང་བདག་གིས་འཇིག་རྟེན་གྱི་ཁམས་ན་འདོད་པ་ཐ་དད་པ་སྣ་ཚོགས་ཀྱིས་སེམས་ཅན་རྣམས་དགའ་བར་བྱེད་པའི་གསུང་གི་འཁོར་ལོའི་དཀྱིལ་འཁོར་འཇིག་རྟེན་གྱི་ཁམས་སྣ་ཚོགས་
D495.086.0265b06.01པའི་བསམ་པ་ཐ་དད་པ་རྣམས་ལ་བསྟན་པ་དེ་རྣམས་ནི་འདིའི་བྱིན་གྱིས་བརླབས་ཀྱིས་བདག་གིས་བསྟན་ཏོ། །གང་ཡང་གསང་བའི་བདག་པོ་བྱང་ཆུབ་སེམས་དཔའ་ཆེན་པོ་དབང་ཐང་ཐམས་ཅད་ཐོབ་པའི་ཡེ་ཤེས་ཀྱི་སྟོབས་རྟུལ་ཕོད་པ་བརྙེས་པ་འདི་ཡང་སྙིང་པོའི་བྱིན་
D495.086.0265b07.01