完整藏文原文 · 德格版页 当前仅加载第 86 函德格 299a 版页；藏文 NFD、目录标记与异常页序保留在来源切片中，重复版页行以稳定序号区分。
འདོད་པར་གྱུར་པ་ཡིས། །ཆོ་ག་ཡང་དག་ཚུལ་བཞིན་བྱ། །བློན་པོ་ཐོབ་པར་འདོད་ན་ནི། །དེ་ཡི་ཆོ་ག་འདི་ནི་བཤད། །ཀུ་མུ་ད་ནི་འབུམ་ཕྲག་གསུམ། །འབྲས་བུ་འདོད་པས་སྦྱིན་སྲེག་བྱ། །དེ་ནི་རྒྱལ་པོའི་བློན་པོ་ཉིད། །གང་ཞིག་འདོད་པས་འགྲུབ་པར་འགྱུར། །
D495.086.0299a01.01ཨ་པ་མརྒ་འབྲས་དག་ནི། །མངར་གསུམ་གྱིས་ནི་བཏགས་ནས་སུ། །སྦྱིན་སྲེག་འབུམ་ཕྲག་གཅིག་བྱས་ན། །ཡུལ་གྱི་བདག་པོའམ་གྲོང་ཁྱེར་འཐོབ། །དྲི་ཞིམ་རྫས་རྣམས་འབུམ་ཕྲག་བདུན། །རས་བྲིས་མདུན་དུ་སྦྱིན་སྲེག་བྱ། །དེ་ནས་སྔགས་པའི་ཡིད་ལ་ནི། །ཅི་འདོད་པ་
D495.086.0299a02.01ནི་ཐོབ་པར་འགྱུར། །གལ་ཏེ་བུད་མེད་བུ་མེད་པས། །བུ་ནི་དོན་དུ་གཉེར་བྱེད་ན། །དཱུར་བ་ཏིལ་དང་འབྲས་སོགས་པས། །སྦྱིན་སྲེག་བྱས་ན་བུ་རྙེད་འགྱུར། །ཁྱོ་ནི་དབང་དུ་བྱེད་འདོད་པས། །དེ་ཡི་གཟེགས་མ་འབུམ་ཕྲག་བསྲེག །བདག་པོ་དབང་དུ་གྱུར་པ་ཡིན། །པདྨའི་ཟེ་བ་
D495.086.0299a03.01པྲི་ཡང་ཀུ། །ཀ་ལི་ཀ་བཅས་བསྲེག་པར་བྱ། །མི་འཁྲུགས་པ་ཡི་ནོར་རྙེད་ཅིང་། །ཤིན་ཏུ་ཡིད་གཅུགས་འབྱུང་བ་ཡིན། །སོ་བའི་འབྲུ་ཡི་སྦྱིན་སྲེག་གིས། །ཡིད་འདོད་མི་ཟད་པ་རུ་བཤད། །འབྲས་ཀྱི་སྦྱིན་སྲེག་བྱས་པ་ཡིས། །མི་ཟད་པ་ཡི་ནོར་ཡང་འབྱུང་། །པདྨའི་ས་
D495.086.0299a04.01བོན་བིལ་བའི་འབྲས། །ཀུ་མུ་ད་ཡི་འབྲས་བསྲེགས་ན། །དེ་ནི་མི་ཟད་ལོངས་སྤྱོད་འཐོབ། །འབྲས་བུ་ཐམས་ཅད་སྦྱིན་སྲེག་པས། །ས་གཞི་རྒྱལ་སྲིད་ཐོབ་པར་འགྱུར། །ཚྭ་དང་ནིམ་པའི་སྦྱིན་སྲེག་གིས། །དགྲ་བོ་དེ་མ་ཐག་ཏུ་འཆི། །དཔའ་བོ་གཅིག་པ་མཐོང་དཀའ་བའི། །
D495.086.0299a05.01རས་བྲིས་ལེགས་པར་བཀྲམ་ནས་སུ། །དེ་ཡི་སྤྱན་སྔར་རབ་སྦྱར་བྱ། །གཉེན་པོ་གནོད་བྱེད་མངོན་སྤྱོད་ནི། །གནོད་སྦྱིན་ཆེ་དང་རྒྱལ་པོ་ཆེ། །ས་སྟེངས་རང་སེམས་སྙེམས་ཚུལ་ཅན། །མངོན་པའི་ང་རྒྱལ་ང་རྒྱལ་ཆེ། །གདུག་ཅིང་གདུག་པའི་ལས་བྱེད་པ། །དཀོན་མཆོག་གསུམ་ལ་
D495.086.0299a06.01གནོད་བྱེད་དང་། །ཆད་རྟག་གསང་སྔགས་དམ་པ་སྤངས། །གསང་སྔགས་མཆོད་པར་མི་བྱེད་ཅིང་། །དེར་གུས་རྟེན་པ་སྨོད་པར་བྱས། །བཟླས་པས་སུན་ནི་འབྱིན་པ་སྟེ། །དེ་རྣམས་ཕ་རོལ་གནོན་པས་ན། །ལས་ཀྱི་ཆོ་ག་མཐོང་བ་ཡིས། །དེ་རྣམས་ཉིད་ལ་སྦྱར་བར་བྱ། །
D495.086.0299a07.01