完整藏文原文 · 德格版页 当前仅加载第 86 函德格 307b 版页；藏文 NFD、目录标记与异常页序保留在来源切片中，重复版页行以稳定序号区分。
སྔགས་པ་བགེགས་ཀྱིས་ཟིལ་གྱིས་མནན་པ་ཡིན་པར་རིག་པར་བྱའོ། །གསང་བའི་བདག་པོ་དེའི་ཚེ་སློབ་དཔོན་གྱིས་བགེགས་ཐམས་ཅད་ཟློག་པར་བྱེད་པའི་ཁྲོ་བོའི་རྒྱལ་པོ་མི་གཡོ་མགོན་པོའི་དཀྱིལ་འཁོར་བྲིས་ཏེ། བགེགས་ཐམས་ཅད་བཅོམ་ནས་དབང་བསྐུར་བར་བྱའོ། །དེ་
D495.086.0307b01.01ལ་གསང་བའི་བདག་པོ་དཀྱིལ་འཁོར་ནི་འདི་ཡིན་ཏེ། ཁོར་ཡུག་ཏུ་ནི་གྲུ་བཞི་སྟེ། ཁ་ཁྱེར་ཀུན་ནས་ཁོར་ཡུག་ཏུའོ། །རྡོ་རྗེ་བཅིང་བའི་སྦྱོར་བ་ཉིད། །རྡོ་རྗེ་ཕན་ཚུན་བཅིངས་སྦྲེལ་བྱ། །ཁྲུ་བརྒྱད་དང་ནི་བཞི་དང་ལྔ། །བཅུ་དང་བཅུ་དྲུག་པ་ཉིད་དམ། །ཁྲུ་གང་འམ་ནི་ཁྲུ་གཉིས་པ། །
D495.086.0307b02.01ཇི་ལྟར་འབྱོར་པ་མཛེས་པར་བྱ། །དེ་རུ་སྒོ་གཅིག་པ་ཡིན་ཏེ། །རྡོ་རྗེའི་གུར་ནི་སྦྱར་བར་བྱ། །རྡོ་རྗེའི་ར་བ་ཀུན་དུ་བསྐོར། །དཀྱིལ་འཁོར་དམ་པ་བྲི་བར་བྱ། །དེ་ཡི་དབུས་སུ་དཔའ་བོ་ནི། །པདྨའི་སྟེང་ན་ཡང་དག་བཞུགས། །དེ་ཡི་ཤར་དུ་སངས་རྒྱས་ཀྱི། །ཡུམ་ནི་ནམ་མཁའི་སྤྱན་ཡིན་ནོ། །
D495.086.0307b03.01དེ་ཡི་གཡོན་དུ་བྲི་བྱ་བ། །ནམ་མཁའི་དྲི་མེད་རྡོ་རྗེ་ཅན། །གཡས་ཀྱི་ཕྱོགས་སུ་ཤུགས་ཆེན་པོ། །འཕྲོ་བ་རྡོ་རྗེ་ཕྲེང་བ་ཅན། །དཔའ་བོ་ཆེན་པོ་གཡོན་ཕྱོགས་སུ། །རྡོ་རྗེ་ཕྱག་ཅན་རྡོ་རྗེ་ཅན། །དཔའ་བོ་ཆེན་པོ་གཡས་ངོས་སུ། །ཁྲོ་ཆེན་སྙེམས་ཚུལ་ཞེས་བྱ་བ། །འོག་ཏུ་ངོས་
D495.086.0307b04.01སུ་མགོན་པོ་ནི། །མི་གཡོ་བ་ནི་སྟོབས་ཆེན་པོ། །ཁྲོ་བོ་ཆེན་པོ་རལ་གྲིའི་ཕྱག །ཁམས་གསུམ་རྣམས་ནི་གཅོད་པར་བྱེད། །སྒོ་ཡི་ཕྱོགས་སུ་བྲི་བྱ་བ། །མཐོང་དགའ་མངོན་ཕྱོགས་དེ་བཞིན་ནོ། །དེ་ལྟར་འདི་དག་ཀུན་བྱས་ན། །ཁ་དོག་ནག་དང་དམར་པོ་རུ། །ཁྲོ་བའི་གཟུགས་
D495.086.0307b05.01ནི་གཞག་ནས་སུ། །བུམ་པ་རྣམས་ནི་མངོན་པར་བསྔགས། །ཁ་ནི་བ་གླང་ལ་སོགས་བརྒྱན། །ཁ་ནས་ས་བོན་གྱིས་བཀང་སྟེ། །མགྲིན་པ་གོས་ཀྱིས་ཡང་དག་བཅིངས། །མེ་ཏོག་ཆུན་འཕྱང་ཉེ་བར་སྤྲས། །རིན་ཆེན་སྣ་ལྔ་འབྲུ་སྣ་ལྔ། །སྨན་ཆེན་པོ་ནི་ཡང་དག་ལྡན། །དྲི་
D495.086.0307b06.01ཆུ་ཡིས་ནི་རབ་ཏུ་བཀང་། །ལྷ་རྣམས་ཐམས་ཅད་དགོད་པར་བྱ། །དྲི་དང་མེ་ཏོག་སོགས་དགེ་བས། །ཇི་ལྟར་རྙེད་པས་མཆོད་པར་བྱ། །མི་གཡོ་བདག་ཉིད་ཆེན་པོ་ཡིས། །དབང་བསྐུར་བས་ནི་རབ་ཏུ་བྱ། །དེ་རུ་དཀྱིལ་འཁོར་གཉིས་པོ་ནི། །དཀྱིལ་འཁོར་མངོན་པར་ཕྱོགས་དེ་
D495.086.0307b07.01