完整藏文原文 · 德格版页 当前仅加载第 86 函德格 301a 版页；藏文 NFD、目录标记与异常页序保留在来源切片中，重复版页行以稳定序号区分。
སྔགས་པ་རྟག་ཏུ་ལྷོ་རུ་ཕྱོགས། །རས་བྲིས་བྱང་དུ་ཕྱོགས་པས་དགྲམ། །སྟན་ལ་ཙོག་ཙོག་པུར་འདུག་སྟེ། །ཁྲོས་པའི་ཡིད་ཀྱིས་བསྲེག་པར་བྱ། །སྲེག་བླུགས་བདུན་ལ་ཉི་ཤུ་སྔགས། །རིགས་རྒྱུད་ཕྱུགས་དང་གཉེན་བཅས་པའི། །དགྲ་བོ་དེ་ཡི་ཚེ་ན་འཆི། །དབྱུག་
D495.086.0301a01.01གུ་ཕྱེད་དམ་ཡུད་ཙམ་ཅིག །གང་དུ་ལ་ལར་གནས་ནས་ནི། །སྔགས་པའི་དགྲ་བོ་གནོད་བྱེད་ལ། །སྦྱོར་བ་འདི་ནི་བརྩམ་བྱས་ན། །དགྲ་བོ་དེ་མ་ཐག་ཏུ་འཆི། །ཚིག་འདི་གཞན་དུ་མ་ཡིན་ནོ། །རང་གི་ཁྲག་གིས་ཚ་གསུམ་བཏགས། །དགྲ་བོ་ཡི་ནི་གཟུགས་བརྙན་བྱ། །བློ་ལྡན་ནིམ་པའི་འདབ་
D495.086.0301a02.01མ་ལ། །མིང་བྲིས་གང་དུ་གཞུག་པར་བྱ། །ས་སྟེངས་ནིམ་པའི་ཤིང་ཡང་དག །མཁས་པས་རྣམ་པར་བླངས་ནས་སུ། །ཡང་དག་ཆོ་ག་ཤེས་པ་ཡིས། །དུག་གིས་བསྒོས་ཏེ་བྱུག་པར་བྱ། །ཆོ་ག་བཞིན་དུ་དུག་བྱུགས་ལ། །སྐད་ཅིག་དེ་ལ་སྤར་བར་བྱ། །སྔགས་པ་ལྷོ་རུ་ཕྱོགས་པ་དང་། །
D495.086.0301a03.01རས་བྲིས་རྟག་ཏུ་བྱང་དུ་ཕྱོགས། །ཙོག་ཙོག་པུར་འདུག་རྒྱུད་ཁྲོས་པ། །འབར་ཞིང་མཆེད་པའི་མེ་ལྟ་བུར། །དགྲ་བོ་ཡི་ནི་མིང་སྨོས་ན། །དེ་ཉིད་ཀྱི་ཡང་བྱ་བ་ནི། །སྲེག་བླུགས་གསུམ་དུ་སྦྱིན་བསྲེགས་ན། །དགྲ་བོ་མོད་ལ་འཆི་བར་འགྱུར། །བུ་དང་རང་གི་རིགས་རྒྱུད་བཅས། །ཆུང་མ་དང་བཅས་
D495.086.0301a04.01བུ་དང་གཉེན། །དེ་བཞིན་གཤེགས་པས་བསྲུངས་གྱུར་ཀྱང་། །དེ་མ་ཐག་ཏུ་ཐལ་བར་ལོག །གཅིག་གིས་བདག་ཉིད་བརླག་འགྱུར་ཏེ། །གཉིས་པ་ཡིས་ནི་ཆུང་མའོ། །གསུམ་པས་བུ་དང་གཉེན་ལ་སོགས། །འདིར་ནི་འཆི་བར་ཐེ་ཙོམ་མེད། །ནིམ་པ་བདག་ཉིད་ཆེན་པོ་ཡིས། །ཡན་ལག་ལྔ་
D495.086.0301a05.01ནི་བླངས་ནས་ནི། །རང་གི་ཁྲག་དང་དུག་ལྡན་པ། །ནིམ་པ་ལྔ་ནི་བཏགས་ནས་སུ། །དེ་ཡི་གཟུགས་བརྙན་བྱས་པ་དང་། །དགྲ་བོའི་མིང་ནི་བྲིས་པ་དག །དེ་ནི་གཏུབས་ནས་སྲེག་བླུགས་ནི། །བརྒྱད་ཉིད་ཀྱང་ནི་བསྲེག་པར་བྱ། །བུ་དང་ཕྱུགས་དང་གཉེན་དུ་བཅས། །སྐྱེ་བོ་དེ་ཡི་མོད་ལ་
D495.086.0301a06.01འཆི། །གལ་ཏེ་དགྲ་བོ་སྐྱོབ་བྱེད་པ། །བདེ་བྱེད་དེ་ནས་ཁྱབ་འཇུག་དང་། །ཚངས་པས་ཡང་དག་བསྲུངས་གྱུར་དང་། །མ་མོས་སྲུང་བར་བྱེད་པ་དང་། །གཞན་ཡང་སྙན་པར་གྲགས་པ་ཡི། །བརྒྱ་བྱིན་ལ་སོགས་ལྷ་དབང་གིས། །སྔགས་པས་དང་བ་མེད་པས་ན། །དེ་ཆེ་བསྲུང་བར་
D495.086.0301a07.01