完整藏文原文 · 德格版页 当前仅加载第 86 函德格 264b 版页；藏文 NFD、目录标记与异常页序保留在来源切片中，重复版页行以稳定序号区分。
ནག་ཏུ་ལྷུང་བ་ཐམས་ཅད་ཀྱི་སྣང་བར་གྱུར་པ། ངན་སོང་དང་། ངན་འགྲོར་ལྟུང་བ་ཐམས་ཅད་ཀྱི་དེད་དཔོན། སྡུག་བསྔལ་བས་ཉམ་ཐག་པ་རྣམས་ཀྱི་བདེ་བར་གྱུར་པ། མདོར་ན་སེམས་ཅན་རྣམས་ཀྱི་སྡུག་བསྔལ་གང་དང་གང་ལྡན་པ་དེ་དང་དེར་རབ་ཏུ་ཞི་བར་བྱེད་པའི་གསང་
D495.086.0264b01.01སྔགས་ཀྱི་རྒྱལ་པོ་ཁྲོ་བོ་ཆེན་པོའི་རྒྱལ་པོའི་སྙིང་པོ་འདི་སེམས་ཅན་ཐམས་ཅད་ལ་ཕན་པ་དང་བདེ་བའི་ཕྱིར་རོ། །ན་མཿསརྦྦ་ཤ་པ་རི་པཱུ་ར་ཀེ་བྷྱཿ། སརྦྦ་ཏ་ཐཱ་ག་ཏེ་བྷྱཿ། སརྦྦ་ཐཱ་ཧཱྃ། བཅོམ་ལྡན་འདས་ཀྱིས་ཁྲོ་བོའི་སྙིང་པོ་འདི་གསུངས་མ་ཐག་ཏུ་གཞི་དང་སྙིང་པོ་མེ་ཏོག་གིས་
D495.086.0264b02.01བརྒྱན་པའི་འཇིག་རྟེན་གྱི་ཁམས་འདིའི་བདུད་ཀྱི་གནས་ཐམས་ཅད་དང་། བདུད་ཀྱི་རིས་དེ་དག་དང་། གང་སེམས་ཅན་ཐམས་ཅད་མོག་མོག་པོར་བྱས་ཏེ། སེམས་ཅན་སྡུག་བསྔལ་བ་རྣམས་ནི་བདེ་བ་ཐམས་ཅད་དང་ལྡན་པར་བྱེད་པའི་སྣང་བ་མཛད་དེ། སེམས་ཅན་
D495.086.0264b03.01ཐམས་ཅད་ཀྱི་བསམ་པ་ཡོངས་སུ་རྫོགས་པར་བྱས་ནས་མ་ལུས་པའི་སྲིད་པའི་བདག་པོའི་ས་གཞི་རབ་ཏུ་འགུལ་བར་གྱུར་ཏོ། །གཞན་ཡང་འཇིག་རྟེན་དུ་བསམ་གྱིས་མི་ཁྱབ་པའི་ངོ་མཚར་རབ་ཏུ་བྱུང་བར་གྱུར་ཏོ། །དེ་ནས་བཅོམ་ལྡན་འདས་ཤཱཀྱ་ཐུབ་པས་གསང་བ་
D495.086.0264b04.01པའི་བདག་པོ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ་འདི་ནི་ཁྲོ་བོའི་རྒྱལ་པོ་དེ་བཞིན་གཤེགས་པའི་སྙིང་པོ་མཆོག་གི་དེ་ཁོ་ན་ཉིད། སྟོང་ཉིད་འདི་ལས་གཞན་དག་བྱུང་། །ཆོས་ཀྱི་དབྱིངས་ཀྱི་བདག་ཉིད་དེ། །འདི་ལས་རྒྱལ་བ་བྱུང་བ་མཐོང་། །འདི་རུ་
D495.086.0264b05.01རྒྱལ་བ་ཐམས་ཅད་བཞུགས། །སྲིད་པའི་ཁམས་ནི་འདི་ལས་སྤྲུལ། །འདས་པའི་སངས་རྒྱས་ཐམས་ཅད་དང་། །མ་བྱོན་པ་དེ་དེ་བཞིན་གཞན། །ཐམས་ཅད་འདི་ལས་ཡང་དག་བྱུང་། །ནམ་མཁའ་ལྟ་བུ་དྲི་མ་མེད། །སྤྲོས་པ་ཐམས་ཅད་རྣམ་པར་བྲལ། །ངག་གི་
D495.086.0264b06.01སྤྱོད་ཡུལ་རྣམ་པར་སྤངས། །རྟག་པར་སྤྲོས་པ་མེད་པ་ཉིད། །ནམ་མཁའ་ལྟ་བུར་གནས་པ་ཡིན། །ཐ་སྙད་སྔོན་དུ་བྱས་ནས་ནི། །གསང་སྔགས་རྗེས་སུ་བརྗོད་པ་ཡིན། །ཐ་སྙད་ཀྱང་ནི་རྟོག་པ་སྟེ། །དེ་ཉིད་དུ་ནི་བརྗོད་པ་མེད། །ཐ་སྙད་ལ་ནི་བརྟེན་ནས་སུ། །སྐྱོབ་པས་
D495.086.0264b07.01