完整藏文原文 · 德格版页 当前仅加载第 86 函德格 312b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱོགས་ཀུན་ལས་ནི་བྱུང་བ་ཡི། །སྤྲིན་ཆེན་ཡང་ནི་འདུས་ནས་སུ། །འབྲུག་ཆེན་སྒྲ་ནི་རབ་ཏུ་ལྡིར། །དེར་ཡང་གློག་ནི་འཁྱུག་པ་དང་། །སྐུ་ཆེན་པོ་ནི་ཧ་ཧ་སྒྲོགས། །ཆར་གྱི་རྒྱུན་ནི་ཡང་དག་འབབ། །དུས་མཐའ་ལྟ་བུར་ཡང་དག་བྱུང་། །འདི་ནི་ཁ་རུ་གཞུག་པར་བྱ། །མི་བཟད་པ་ཡི་སྐུ་
D495.086.0312b01.01ཆེན་གྱིས། །ཁ་ཡི་ཕྱག་རྒྱའང་འཛིན་པར་བྱེད། །བཟུང་བ་ཙམ་གྱིས་བརླག་པ་རུ། །མ་ལུས་པར་ནི་འགྱུར་བ་ཡིན། །དེ་ནས་ཁྲོ་བོ་རབ་འབར་བ། །གཟི་བརྗིད་ཆེན་པོ་ཞལ་ཆེ་བ། །འདི་ནི་བཀུག་ནས་ཟོས་པ་ན། །བགེགས་ཀྱི་རྒྱལ་པོ་ཐམས་ཅད་བརླག །ཁྲོ་བོ་མི་གཡོ་བ་ཡི་སྐུ། །ཇི་ལྟ་ཇི་
D495.086.0312b02.01ལྟར་རབ་སྦྱར་ནས། །འཇིགས་པའི་གཟུགས་ཅན་བགེགས་སྲིན་པོ། །དེ་ལྟ་དེ་ལྟར་བརླག་པར་འགྱུར། །ཁ་ཡི་ཕྱག་རྒྱ་སྦྱོར་ལྡན་པས། །སྔགས་པས་ཀུན་དུ་སྦྱར་བར་བྱ། །འདི་ནི་དོན་ཡོད་ཐོགས་པ་མེད། །སངས་རྒྱས་ཀུན་གྱིས་རབ་ཏུ་མཆོད། །སླར་ཡང་རྡོ་རྗེའི་རྐང་པ་སྦྱར། །ཕྱག་
D495.086.0312b03.01འཚལ་ཐལ་མོ་སྤྱི་བོར་སྦྱར། །སྔོན་བཞིན་རྐང་པ་མཉམ་བྱས་ནས། །རྐང་པ་བཏེག་ནས་གཡེང་བར་བྱ། །ལག་པ་ཡང་ནི་ཕན་ཚུན་དུ། །གཡས་པ་དང་ནི་གཡོན་པ་ན། །ཞགས་པ་རལ་གྲི་ཐོགས་ནས་སུ། །རྡོ་རྗེ་དོར་ནས་ཡང་དག་གནས། །གཡོན་པ་ས་ཡི་ཆ་ལ་གཞག །གཡས་པ་
D495.086.0312b04.01མཚོན་ཆ་དང་བཅས་ཀྱང་། །ཞགས་པས་བཀུག་སྟེ་བཞག་ནས་ནི། །རལ་གྲིས་གཟུགས་བརྙན་བཅད་ན་ནི། །ཚངས་པ་འམ་ནི་བརྒྱ་བྱིན་ཡང་། །དེ་མ་ཐག་ཏུ་མྱུར་བར་གཅོད། །འདི་ནི་དཔལ་ལྡན་ཞགས་པ་བསྣམས། །རལ་གྲིའི་ཕྱག་རྒྱ་སྦྱར་བ་ཡིས། །སྔགས་པས་སྦྱར་བ་ཙམ་
D495.086.0312b05.01གྱིས་ནི། །གདུག་པ་ཐམས་ཅད་བསྒྲུབ་པར་བྱ། །ཐལ་མོ་བཏབ་སྟེ་སྦྱར་ནས་སུ། །འཁོར་ལོ་ལྟ་བུར་རབ་བསྐོར་བྱ། །སྔགས་པས་བསྐོར་ཞིང་དྲངས་ནས་ནི། །རྐང་པ་སྔར་བཞིན་སྦྱར་བར་བྱ། །ཕྱག་འཚལ་བ་ཡི་ཐལ་མོ་སྦྱར། །ཕན་ཚུན་སོ་སོར་ཁུ་ཚུར་བཅིང་། །གཉིས་ཀའི་མཛུབ་
D495.086.0312b06.01མོ་རྩེ་སྦྱར་ཏེ། །རྡོ་རྗེ་རྩེ་གཅིག་རྣམ་པར་བྱ། །གདུག་པ་ཀུན་ལ་གདབ་པ་དང་། །འབིགས་པར་ཡང་དག་བརྗོད་པ་ཡིན། །བགེགས་རྣམས་ཐམས་ཅད་རླག་བྱེད་པའི། །བསྲུང་བ་ལ་སོགས་རབ་ཏུ་སྦྱར། །ལག་པ་གཉིས་ནི་མཉམ་བྱས་ནས། །ཁུ་ཚུར་སྦྱར་ཏེ་བཅིང་བར་བྱ། །གུང་མོ་རྩེ་མོ་
D495.086.0312b07.01