完整藏文原文 · 德格版页 当前仅加载第 86 函德格 313a 版页；藏文 NFD、目录标记与异常页序保留在来源切片中，重复版页行以稳定序号区分。
སྤྲད་དེ་སྦྱར། །མཛུབ་མོ་རྡོ་རྗེའི་རྣམ་པར་བྱ། །གུང་མོ་ལ་སྦྱར་རྡོ་རྗེ་ནི། །ཕྱག་རྒྱ་ཆེན་པོའི་ཕྱག་རྒྱ་སྟེ། །གདུག་པ་ཐམས་ཅད་རླག་པར་བྱེད། །དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས། བཅོམ་ལྡན་འདས་ལ་འདི་
D495.086.0313a01.01སྐད་ཅེས་གསོལ་ཏོ། །བཅོམ་ལྡན་འདས་ངོ་མཚར་ཏོ། །བདེ་བར་གཤེགས་པ་ངོ་མཚར་ཏོ། །ཇི་སྙེད་པའི་དོན་ཡོད་པའི་ཐོགས་པ་མེད་པ་སྟོབས་གནོན་པའི་ཁྲོ་བོའི་རྒྱལ་པོ་མི་བཟད་པའི་ཕྱག་རྒྱ་ཇི་ལྟ་ཇི་ལྟར་སྒྲུབ་པ་པོས་སྦྱར་བ་དེ་ལྟ་དེ་ལྟར་དངོས་གྲུབ་སྟེར་བར་བྱེད་པ། བགེགས་ཐམས་ཅད་འཇོམས་
D495.086.0313a02.01པར་བྱེད་པའི་ཁྲོ་བོའི་རྒྱལ་པོ་ཆེན་པོའི་རྟོག་པའི་སྒྲུབ་པའི་ཐབས་འདི་སེམས་ཅན་ཐམས་ཅད་ལ་ཕན་པ་དང་། བདེ་བར་བྱ་བའི་ཕྱིར་བདག་ཀྱང་བཤད་པར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། ལག་ན་རྡོ་རྗེ་གང་དེའི་དུས་ལ་བབ་པར་སེམས་ན་ཤོད་ཅིག །དེ་ནས་བྱང་ཆུབ་སེམས་
D495.086.0313a03.01དཔའ་སེམས་དཔའ་ཆེན་པོ་ལག་ན་རྡོ་རྗེས་བཅོམ་ལྡན་འདས་ཀྱིས་གནང་བ་ཐོབ་སྟེ། བསམ་པ་ཐམས་ཅད་ལ་མཉེས་གཤིན་པའི་རོལ་པས་དེ་བཞིན་གཤེགས་པ་ཐམས་ཅད་ལ་ཕྱག་འཚལ་ནས། དངོས་གྲུབ་ཐམས་ཅད་ཀྱི་མཆོག་སྣང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །
D495.086.0313a04.01བཅོམ་ལྡན་འདས་སྙོམས་པར་ཞུགས་མ་ཐག་ཏུ་དེ་ནས་རེ་ཞིག་འཇིག་རྟེན་གྱི་ཁམས་ཐམས་ཅད་སྣང་བ་ཆེན་པོས་སྣང་བར་བྱས་ཏེ། སངས་རྒྱས་ཀྱི་ཞིང་ཐམས་ཅད་རྡོ་རྗེ་འཆང་གི་སྐུས་གང་བར་བྱས་ནས། ཕྱོགས་བཅུར་བསྐོར་ཏེ། སླར་ཡང་བཅོམ་ལྡན་འདས་ཉིད་ཀྱི་སྐུ་ལ་ཞུགས་པར་འགྱུར།
D495.086.0313a05.01ཁྲོ་བོའི་རྒྱལ་པོ་ཆེན་པོའི་སྒྲུབ་ཐབས་སུ་གྱུར་པ་རྫུ་འཕྲུལ་ཆེན་པོ་རྣམས་ཉོན་ཅིག །ལོ་འདབ་ལ་སོགས་པ་ཟ་ཞིང་འབུམ་ཕྲག་གསུམ་བཟླས་པ་བྱའོ། །དེ་ནས་ཞག་གསུམ་འདུག་ནས་རས་བྲིས་ཀྱི་མདུན་དུ་མཆོད་པ་ཆེན་པོ་བྱས་ཏེ། དེའི་མདུན་དུ་ནིམ་པའི་ཡམ་ཤིང་གིས་མེ་སྤར་ཏེ།
D495.086.0313a06.01མར་གྱིས་བཏགས་པའི་ཡུངས་ཀར་དཀར་པོ་སྙིང་པོའི་སྔགས་ཀྱིས་སྟོང་ཕྲག་བརྒྱད་སྦྱིན་སྲེག་བྱ་སྟེ། སྔོན་དུ་བསྙེན་པ་བྱས་པས་སོ། །དེ་ལ་ཁྲོ་བོའི་རྒྱལ་པོ་ཆེན་པོའི་སྒྲུབ་ཐབས་ནི་འདི་ཡིན་ཏེ། དཀྱིལ་འཁོར་བྲིས་ནས་རལ་གྲིའི་ཕྱག་རྒྱ་བཅིངས་ཏེ། སྐྱིལ་ཀྲུང་བཅས་ནས་ཇི་སྲིད་
D495.086.0313a07.01