完整藏文原文 · 德格版页 当前仅加载第 86 函德格 281a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བས་ཀྱང་ནི་འཇིག་རྟེན་མགོན། །སྐྱོབ་པ་ཤིན་ཏུ་རྙེད་པར་དཀའ། །གཙོ་བོ་གསང་སྔགས་ཚུལ་ཡང་ནི། །ས་སྟེངས་སུ་ཡང་དེ་བཞིན་ནོ། །ཤིན་ཏུ་སྡུག་བསྔལ་འཇིགས་པ་ཡང་། །འཁོར་བའི་རྒྱ་མཚོ་འདི་རུ་བུ། །ས་སྟེངས་གསང་སྔགས་མ་གཏོགས་པ། །
D495.086.0281a01.01སྐྱོབ་པ་སུ་ཡང་མ་མཐོང་ངོ་། །དེ་བས་རྣམ་པ་ཐམས་ཅད་ཀྱི། །འཁོར་བའི་སྐྱོན་ནི་སྤོང་འདོད་པས། །རྒ་དང་ན་དང་འཇིགས་པ་དང་། །འཆི་བའི་འཇིགས་པ་རྩུབ་བལྟས་ནས། །ལམ་མཆོག་འདི་ནི་བསྟེན་པ་ན། །སྡུག་བསྔལ་ཐམས་ཅད་རྒྱུན་ཆད་འགྱུར། །གདོས་ཆད་པས་
D495.086.0281a02.01བཅིང་མཐའ་ཡས་དང་། །གཞན་ཡང་སྡུག་བསྔལ་བ་ཡི་ཚོགས། །ལམ་མཆོག་འདི་ནི་བསྟེན་པ་ན། །གང་དུ་མི་འབྱུང་ཤིན་ཏུ་དཀོན། །ཉེ་དུ་མཛའ་བོ་སྡུག་བསྔལ་དང་། །གྲོགས་པོ་གཉེན་དང་སྣག་གཉེན་མཚམས། །ལོངས་སྤྱོད་ཕུན་ཚོགས་སྡུག་བསྔལ་དང་། །ནད་ཀྱི་སྡུག་
D495.086.0281a03.01བསྔལ་གྱིས་གདུངས་དང་། །ཟས་ཀྱིས་འཇིགས་པའི་སྡུག་བསྔལ་དང་། །གང་ཡང་ས་སྟེངས་འཁོར་གནས་པས། །ཚུལ་འདི་བསྟེན་པར་གྱུར་པ་ན། །འབྱུང་བ་རུ་ནི་མི་འགྱུར་རོ། །བཅུ་དང་བརྒྱད་དང་དེ་ནས་ལྔ། །གསུམ་ལ་སྐྱབས་འགྲོ་དུས་ཁྲིམས་ནི། །བསླབ་པ་བྱིན་ཏེ་
D495.086.0281a04.01བླང་བར་བྱ། །སངས་རྒྱས་བསྟན་པ་ཤིན་ཏུ་དཀོན། །སྡོམ་པ་ཡང་དག་བླངས་ནས་སུ། །ལུས་ཅན་རྣམས་ཀྱི་སྲོག་བཞིན་དུ། །བསྡམས་པར་གྱུར་པ་བསྲུང་བར་བྱ། །དལ་བ་ཕུན་སུམ་ཚོགས་པ་དཀོན། །གསང་སྔགས་སྤྱོད་པ་ལས་བྱུང་བའི། །དང་པོ་ཉམས་གཅིག་
D495.086.0281a05.01བསྟེན་པར་བྱ། །ཡིད་བཞིན་ནོར་བུ་ལྟ་བུའི་སྐུ། །ཞི་བའི་སངས་རྒྱས་གོ་འཕང་འཐོབ། །ལམ་འདི་མཆོག་སྟེ་དཔལ་དང་ལྡན། །བསམ་གྱིས་མི་ཁྱབ་འབྲས་བུ་སྩོལ། །མི་གཡོ་བས་ནི་བསྟེན་གྱུར་ནས། །བླ་ན་མེད་པའི་གོ་འཕང་འགྱུར། །འདི་ནི་མཆོག་གི་དེ་ཉིད་ཞིང་། །
D495.086.0281a06.01སྡུག་བསྔལ་ཐམས་ཅད་རྣམ་པར་སྤངས། །ཤིན་ཏུ་གུས་པ་དང་ལྡན་པ། །ཐེག་པ་ཆེན་པོ་འཐོབ་པར་འགྱུར། །དེ་བས་ཁྱོད་ཀྱིས་ཐེག་ཆེན་ལ། །སླུ་བ་མེད་པར་གུས་པར་གྱིས། །གང་གིས་ཁྱོད་ནི་འགྲོ་བ་ན། །དེ་བཞིན་གཤེགས་པ་འབྱུང་བར་འགྱུར། །སེམས་ཅན་ཀུན་
D495.086.0281a07.01