完整藏文原文 · 德格版页 当前仅加载第 86 函德格 281b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ཕན་པའི་ཡིད། །བསམ་པ་ཐམས་ཅད་རྫོགས་པར་བྱེད། །ཁྱེད་ནི་ཐེག་པ་གསུམ་འཆད་པ། །ཚུལ་ལས་གནས་པ་དེ་ནས་འབྱུང་། །ཟབ་མོ་ཡི་ནི་བློ་གྲོས་ལྡན། །ཟབ་མོའི་དོན་ནི་སྟོན་བྱས་པ། །རྒྱལ་བའི་ཚུལ་ནི་སྟོན་པ་ན། །དེ་ལས་ཐེ་ཚོམ་མེད་པ་འབྱུང་། །གདོད་
D495.086.0281b01.01ནས་ཞི་ལ་གནས་མེད་པའི། །དམ་པའི་ཆོས་ནི་དེ་ནས་བཤད། །སེམས་ཅན་སུས་ཐོས་ཐམས་ཅད་ཀྱང་། །རྒྱལ་བའི་སྲས་སུ་སྐྱེ་བར་འགྱུར། །འདི་ན་བདག་མེད་སྲོག་ཀྱང་མེད། །དབང་ཕྱུག་ཀྱང་མེད་བྱེད་པའང་མེད། །འཇིག་རྟེན་བྱེད་པོ་སེམས་ཅན་མེད། །སྐྱེས་པ་མེད་
D495.086.0281b02.01ཅིང་མ་ནིང་མེད། །གང་ཟག་ཀྱང་མེད་གནས་ཀྱང་མེད། །གང་དུ་ཚོར་བ་བྱེད་པ་མེད། །གཙོ་བོ་ཡོད་མིན་ཁྱབ་པའང་མེད། །ཕྲ་བ་མེད་ཅིང་གསལ་བའང་མེད། །རྒྱུ་འམ་གཞན་ཡང་མེད་པ་སྟེ། །རང་གི་ངོ་བོ་རང་བཞིན་མེད། །བདག་གི་བ་ཡི་རང་བཞིན་མེད། །ས་སྟེངས་ན་
D495.086.0281b03.01ནི་རྟག་པ་མེད། །ཐམས་ཅད་སྒྱུ་མིའི་ལས་བྱུང་ལྟར། །བྱེད་པོ་ལ་སོགས་རྣམ་པར་སྤངས། །འདི་དག་ཐམས་ཅད་སྟོང་པར་ལྟ། །ཡེ་ཤེས་གོ་འཕང་དུ་ནི་བརྟག །བདག་དང་སྲོག་ལ་སོགས་པ་ཀུན། །བྱིས་པ་འབའ་ཞིག་གིས་ནི་བརྟགས། །འདི་ན་བདག་མེད་སེམས་
D495.086.0281b04.01ཅན་མེད། །འདོད་མེད་འབའ་ཞིག་ལས་བྱུང་བ། །སྒྱུ་མ་དང་ནི་སྨིག་རྒྱུ་དང་། །དྲི་ཟའི་གྲོང་ཁྱེར་རྨི་ལམ་ལྟར། །དངོས་པོ་ཐམས་ཅད་སྟོང་པ་ཉིད། །ཆུ་ཤིང་ལྟ་བུར་ཡང་དག་གནས། །གཟུང་དུ་མེད་ཅིང་བརྗོད་དུ་མེད། །དབུ་བ་ཆུ་བུར་ལྟ་བུར་གནས། །སྒྱུ་མ་སྐྱེ་བ་སྐྱེ་བ་མེད། །
D495.086.0281b05.01ནམ་མཁའ་ལྟ་བུར་སྟོང་པ་ཉིད། །ནམ་མཁའ་ལྟ་བུར་གོས་པ་མེད། །དག་པར་ཀུན་དུ་ཡང་དག་གནས། །ཞི་བའི་མཆོག་གི་དེ་ཉིད་དེ། །རྣམ་པ་མཆོག་གིས་རྟག་ཏུ་གསུངས། །དེ་འདིར་ཡེ་ཤེས་མཆོག་ཐོབ་པའི། །དེ་བཞིན་གཤེགས་པ་འབྱུང་འགྱུར་རོ། །དེ་ནས་སྔགས་
D495.086.0281b06.01པས་གསོལ་འདེབས་པའི། །སློབ་མ་སྡིག་དང་བྲལ་བྱེད་པ། །རལ་གྲིའི་ཕྱག་རྒྱས་བསྲུང་བ་བྱ། །དེ་ཡི་རྗེས་སུ་གོ་ཆ་བགོ། །ཆོ་ག་ཤེས་པས་བསྲུང་བར་བྱ། །སློབ་མ་ལ་ནི་ཕན་འདོད་པས། །སྔགས་ཀྱིས་ཚིམ་པར་བྱེད་པ་ཡི། །ཡི་གེ་{བཅྭ་,བཅོ་}ལྔ་སྔགས་པ་ཡིས། །ཐམས་
D495.086.0281b07.01