完整藏文原文 · 德格版页 当前仅加载第 86 函德格 282b 版页；藏文 NFD、目录标记与异常页序保留在来源切片中，重复版页行以稳定序号区分。
བསམ་མི་ཁྱབ་པའི་འབྲས་སྟེར་བ། །འདི་ནི་སངས་རྒྱས་ལྟ་བུར་བལྟ། །བརྟན་དང་གཡོ་བ་ཡི་གསང་བ། །མཆོག་ནི་ཐམས་ཅད་སྟོན་བྱེད་ལ། །ཁྱེད་ཀྱིས་སློབ་དཔོན་སྨོད་པ་དང་། །རྨི་ལམ་དུ་ཡང་ཕྲད་མི་བྱ། །གང་ཡང་སློབ་དཔོན་སྨོད་པ་དེ། །བགེགས་དང་ལོག་པར་འདྲེན་
D495.086.0282b01.01པས་འཛིན། །སྡིག་ཅན་སེམས་ཅན་ཐག་རིང་དུ། །ས་སྟེངས་སུ་ནི་སྤང་བར་བྱ། །མནར་མེད་ལ་སོགས་འཇིགས་རུང་བས། །དམྱལ་བར་ཡང་དག་བརྟན་པ་གང་། །སློབ་དཔོན་ལ་ནི་སྨོད་པ་གང་། །དེ་རུ་ཡང་དག་འཚེད་པར་འགྱུར། །དེ་བས་རྣམ་པ་ཐམས་ཅད་དུ། །སངས་རྒྱས་
D495.086.0282b02.01འབྲས་བུ་འདོད་པ་ཡིས། །བསམ་གྱིས་མི་ཁྱབ་འབྲས་སྟེར་བ། །འདི་ནི་རྨད་བྱུང་གུས་པས་མཆོད། །དབང་བསྐུར་ཆོ་ག་རྒྱས་པར་ནི། །བཤད་པར་བྱ་ཡིས་བུ་ཁྱོད་ཉོན། །གང་དུ་དབང་བསྐུར་བར་གྱུར་ན། །འཇིག་རྟེན་སངས་རྒྱས་ལྟ་བུར་བལྟ། །དེ་རུ་པདྨ་འདབ་བརྒྱད་པ། །
D495.086.0282b03.01ཁྲུ་གང་ཚད་དུ་བརྗོད་པ་ཡིན། །ནང་ན་གནས་པའི་རྡོ་རྗེ་ནི། །འོད་ཟེར་གྱིས་ནི་རྣམ་པར་བརྒྱན། །བུམ་པ་བརྒྱད་ནི་ཡོངས་རྫོགས་པར། །གཙང་མའི་ཆུ་ཡིས་རབ་ཏུ་བཀང་། །མགྲིན་པ་རས་ཡུག་བཟང་པོས་བཅིངས། །ལོ་འདབ་བཟང་པོས་ཁ་བརྒྱན་བྱས། །ཁྲོ་བོའི་རྒྱལ་པོས་
D495.086.0282b04.01བསྔགས་ནས་ནི། །སྨན་དང་རིན་ཆེན་ཀུན་གྱིས་བཀང་། །གདུགས་དང་རྒྱལ་མཚན་བ་དན་དང་། །རོལ་མོའི་སྒྲ་སོགས་ཡིད་འཕྲོག་པ། །སྙན་ཅིང་རྒྱ་ཆེ་བ་ཡི་ཚོགས། །རབ་བསྔགས་ཀུན་དུ་མངོན་དགའ་བས། །སྔགས་པས་དེ་ཚེ་དབང་བསྐུར་ཏེ། །སྐྱོབ་པ་མངོན་སུམ་བཞིན་དུ་
D495.086.0282b05.01བྱ། །དབང་བསྐུར་བྱས་མ་ཐག་ཏུ་ནི། །དཔལ་ལྡན་བྱང་ཆུབ་རྟོགས་ཕྱིར་སྦྱིན། །དེ་ནས་བཟུང་སྟེ་བུ་ཁྱོད་འདི། །ས་སྟེངས་སངས་རྒྱས་སྲས་པོ་ནི། །བརྟན་དང་གཡོ་བས་མཆོད་པ་རུ། །བྱང་ཆུབ་སེམས་དཔས་གཟུང་བར་བྱ། །དེ་ནི་མ་མཐོང་བར་གྱུར་པས། །བྱང་ཆུབ་སེམས་
D495.086.0282b06.01དཔའ་བརྗོད་པ་ཡིན། །བདུད་དང་བགེགས་དང་སྦྲུལ་དང་ནི། །གཞན་ཡང་ལོག་པར་འདྲེན་པ་ཡིན། །རྒྱལ་སྲས་བྱང་ཆུབ་སེམས་དཔའ་ནི། །དེ་ཕྱིར་མཐོང་བར་མི་འགྱུར་རོ། །མ་བསྒྲུབས་པ་ཡང་མྱུར་དུ་འགྲུབ། །བདུད་རྣམས་ཐམས་ཅད་འཇོམས་པར་བྱེད། །དཀྱིལ་འཁོར་
D495.086.0282b07.01