完整藏文原文 · 德格版页 当前仅加载第 86 函德格 301b 版页；藏文 NFD、目录标记与异常页序保留在来源切片中，重复版页行以稳定序号区分。
མི་ནུས་སོ། །ཐུགས་བརྩེ་ལྡན་པའི་ཐུགས་ཀྱིས་ནི། །སྔགས་པ་གང་ཚེ་དང་བ་ན། །དཱུར་བ་དང་ནི་བསྲེས་པ་ཡི། །འོ་མའི་སྲེག་བླུགས་དེ་ཚེ་བསྲེག །མཆོག་ཏུ་བདེ་བ་གཏད་པས་ན། །དེ་ནས་རྣལ་མ་དག་ཏུ་འགྱུར། །གོས་རློན་པ་ནི་བླངས་ནས་སུ། །རྒྱ་སྐྱེགས་ཁུ་བས་རྣམ་པར་བཏགས། །
D495.086.0301b01.01དུང་གི་ཕྱེ་མ་ཉིད་དག་དང་། །དུག་དང་སྐེ་ཚེ་ཡང་དག་ལྡན། །དབེན་པའི་གནས་སུ་འདུག་ནས་ནི། །ནིམ་པའི་ཤིང་ལ་མེ་སྤར་ཏེ། །གསང་ཤེས་གང་ཞིག་ཁྲོས་པ་དང་། །སྔགས་ཤེས་གཏུམ་པར་གྱུར་པ་ཡིས། །ཉི་མ་ཕྱེད་ཀྱི་ཆར་གནས་ནས། །སྲེག་བླུགས་བདུན་དུ་བསྲེགས་པ་ན། །
D495.086.0301b02.01སྔགས་པ་དོགས་མེད་གསང་བར་གནས། །དེ་ནས་བརྗོད་པས་སྦྱིན་སྲེག་བྱ། །དང་པོ་སྲེག་བླུགས་སྦྱར་བ་ཡིས། །དུག་དང་ཕོལ་མིག་རྣམ་པར་ལྡན། །གཉིས་པ་ལ་ནི་ཉིན་བཞི་པ། །གསུམ་པ་ལ་ནི་རིམས་ཆེན་པོ། །བཞི་པ་ལ་ནི་ལུས་བསྐམས་འགྱུར། །ལྔ་པ་ལ་ནི་དྲན་པ་མེད། །
D495.086.0301b03.01དྲུག་པ་ལྷག་མ་ཅུང་ཟད་ཙམ། །བདུན་པ་ལ་ནི་སྲོག་འགྲོ་བའོ། །སྔགས་པའི་ལས་ནི་འགྲུབ་བྱའི་ཕྱིར། །གསང་བ་འདི་ནི་བཤད་པ་ཡིན། །མདོར་བསྡུས་ནས་ནི་བཤད་བྱ་ཡིས། །རྫུ་འཕྲུལ་ཆེན་པོ་རྟག་ཏུ་ཉོན། །སྔགས་པ་དང་བ་མེད་པས་ན། །གཞན་དུ་ན་ནི་འཚོ་མི་ནུས། །ཇི་སྲིད་
D495.086.0301b04.01སྔགས་པ་དང་མེད་པར། །དེ་ནི་གང་ལས་ཞི་བར་འགྱུར། །ཇི་སྲིད་སྔགས་རྒྱལ་མཉེས་པ་དང་། །ཐུགས་བརྩེས་བརླན་པ་དེ་ཡི་ཚེ། །ཞི་བ་རུ་ནི་འགྱུར་བ་ཡིན། །དུག་དང་ནིམ་པ་སྒོག་སྐྱ་དང་། །དུང་གི་ཕྱེ་མ་ཉིད་དང་ནི། །རས་བྲིས་ཉེ་བའི་དྲུང་དུ་ནི། །ཉི་ཤུ་ཐམ་པ་བསྲེག་པར་བྱ། །
D495.086.0301b05.01གཉེན་དང་འཁོར་དང་ཕྱུགས་བཅས་པའི། །དགྲ་བོ་རྩད་ནས་བཅད་པར་འགྱུར། །གསང་སྔགས་འཛིན་པ་མ་གཏོགས་པ། །དེ་བཞིན་དེ་ཚེ་སུ་ཡིས་ནུས། །ཚ་བ་གསུམ་དང་ལན་ཚྭ་དང་། །དུག་དང་རང་སྐྱུར་བཅས་པ་དང་། །ཡུངས་མར་དང་ནི་སྐྲ་དང་ཡང་། །སྦྲུལ་གྱི་ཤུབས་ནི་ཉིད་
D495.086.0301b06.01དག་དང་། །ནིམ་པའི་འདབ་མ་འབྲས་བུར་བཅས། །མི་ཡི་རུས་པའི་ཕྱེ་མ་དང་། །སྐེ་ཚེ་དང་ནི་དུང་ཕྱེ་དང་། །སྒོག་བཙོང་དང་ནི་སྒོག་སྐྱ་ཉིད། །འདི་རྣམས་ཕྱེ་མར་བྱས་ནས་སུ། །ཚེར་མའི་མེ་ལ་མཉམ་གཞག་པའི། །སྔགས་པས་དེ་ནི་སྲེག་བླུགས་བྱ། །དགྲ་བོའི་མིང་ནི་མྱུར་
D495.086.0301b07.01