完整藏文原文 · 德格版页 当前仅加载第 86 函德格 290a 版页；藏文 NFD、目录标记与异常页序保留在来源切片中，重复版页行以稳定序号区分。
བསམ་གྱིས་མི་ཁྱབ་གསུངས། །རྒྱལ་པོ་མེད་ཅིང་གདུག་པའང་མེད། །བགེགས་དང་ལོག་པར་འདྲེན་པ་མེད། །སྲིན་པོ་གནོད་སྦྱིན་དབང་པོ་མེད། །གདུག་པའི་གཟའ་དང་མ་མོ་མེད། །དུས་མིན་འཆི་དང་འཇིགས་པ་མེད། །ནད་ཀྱིས་ཀུན་དུ་འཁྲུག་པ་མེད། །མཁའ་
D495.086.0290a01.01འགྲོ་མ་དང་ཤ་ཟའང་མེད། །སེང་གེ་སྟག་ལ་སོགས་པའང་མེད། །ཆུ་ཡི་འཇིགས་པ་ཆེན་པོའང་མེད། །རིམས་སོགས་འཇིགས་སུ་རུང་བའང་མེད། །གནོན་པོ་ལ་སོགས་ཀུན་ཀྱང་མེད། །དེ་བཞིན་ཐོག་གི་འཇིགས་པ་མེད། །མི་རྒོད་ཆོམ་རྐུན་ལ་སོགས་མེད། །གཞན་ཡང་དེ་བཞིན་
D495.086.0290a02.01ཡམས་མེད་ཅིང་། །དེ་རུ་མུ་གེའི་འཇིགས་པ་མེད། །བདུད་ཀྱི་འཇིགས་པའང་དེ་བཞིན་མེད། །ཡུལ་འཁོར་གཞན་གྱིས་འཇིགས་པ་མེད། །དེ་ལ་འགོ་ནད་འཇིགས་པ་མེད། །ལྷོག་པ་མཚན་བར་རྡོལ་བ་མེད། །ནད་ལ་སོགས་པ་ཐམས་ཅད་མེད། །གཞན་ཡང་འཇིགས་པར་བྱེད་པ་
D495.086.0290a03.01མེད། །ས་གཞི་ཐམས་ཅད་ཡོད་པ་ཡི། །ས་གཞི་སྟེང་འདིར་གནས་པ་ཡི། །འདི་ནི་གང་གི་ལག་ན་གནས། །གང་གི་སྙིང་གར་གནས་པ་དེ། །འཇིགས་པ་ཐམས་ཅད་རྣམ་བྲལ་བས། །མི་ཡི་སྐྱེས་བུ་ཐོབ་པར་འགྱུར། །བདག་གིས་དཀའ་བས་རབ་བཙལ་ཏེ། །དེ་བཞིན་སྲོག་
D495.086.0290a04.01ལ་ལྟོས་མེད་པར། །མགོན་པོ་གྲངས་མེད་རབ་མཉེས་པས། །གོ་འཕང་མཆོག་འདི་ཐོབ་པར་འགྱུར། །ཡེ་ཤེས་ཤིན་ཏུ་རྙེད་དཀའ་བའི། །ཡང་དག་འདི་ནི་བདག་གིས་འཐོབ། །སེམས་ཅན་དོན་དུ་བསམ་མེད་པར། །གྲངས་མེད་བཞིན་དུ་རྣམ་པར་གནས། །ད་ལྟར་བདག་གིས་
D495.086.0290a05.01སངས་རྒྱས་ཉིད། །བྱང་ཆུབ་སྙིང་པོར་ཡང་དག་བཞུགས། །ཕྱག་རྒྱ་འདི་ནི་བསྟན་པ་ཡིས། །ཡང་དག་པར་ན་བདུད་ལས་རྒྱལ། །སྲིད་གསུམ་འདི་ནི་འཇིགས་པ་འཁྲིགས། །སེམས་ཅན་སྡུག་བསྔལ་ཡང་དག་ཁེངས། །འཇིག་རྟེན་གསུམ་ན་འབད་པ་ཡིས། །བདག་གིས་མ་
D495.086.0290a06.01ལུས་པར་བསྒྲལ་ཏོ། །མ་ལུས་སངས་རྒྱས་ཆེ་བའི་བདག །སེམས་ཅན་དོན་དུ་བསྟན་པ་ཡིས། །དེ་དག་ཐམས་ཅད་བདག་གིས་ནི། །ཕྱག་རྒྱ་འདི་ཡི་མཐུ་ཡིས་བྱས། །མཚུངས་མེད་ཡེ་ཤེས་ས་ཐོབ་ཅིང་། །ས་སྟེངས་ཀུན་མཁྱེན་ས་ཐོབ་པས། །དེ་བས་བདག་ནི་ཀུན་མཁྱེན་མཛོད། །
D495.086.0290a07.01