完整藏文原文 · 德格版页 当前仅加载第 86 函德格 298a 版页；藏文 NFD、目录标记与异常页序保留在来源切片中，重复版页行以稳定序号区分。
པས། །ཤིན་ཏུ་སྡུག་བསྔལ་ལང་ལོང་འཁྲིགས། །འཁོར་བའི་རྒྱ་མཚོ་ལས་ཁྱོད་བརྒལ། །སླར་ཡང་སྐྱེ་བའི་འཇིགས་པ་མེད། །འཆི་བའི་འཇིགས་པ་འཇིགས་རུང་མེད། །རྫོགས་སངས་སེམས་ཅན་མཉེས་གཤིན་པ། །བདག་ཉིད་ཆེན་པོ་རྣམས་མཐོང་བ། །
D495.086.0298a01.01ཕྱོགས་བཅུ་དག་ན་བཞུགས་པའི་མགོན། །རྟག་ཏུ་དམ་ཆོས་གསུང་བར་འགྱུར། །དེ་ལྟར་རིག་ནས་འདི་ཡིས་ནི། །བདག་ཉིད་ལག་པ་ནས་གཟུང་སྟེ། །བདག་ཉིད་ཆེན་པོའི་བཞོན་པ་ནི། །བསམ་མེད་ཡོན་ཏན་ཀུན་འབྱུང་བ། །བསྐྱོན་དེར་གནས་པར་གྱུར་ནས་ནི། །སྔགས་ཤེས་ཇི་
D495.086.0298a02.01ཙམ་འདོད་ཀྱི་བར། །སངས་རྒྱས་ཞིང་རྣམས་སྟོན་པར་བྱེད། །སེམས་དཔའ་བསོད་ནམས་ཉེར་འཚོ་བས། །དེ་ཙམ་ཚམ་ཚོམ་མེད་པར་འགྲོ། །དེ་ནས་དེ་ཚེ་ཆེ་བའི་བདག །ལྷ་ཡི་བཞོན་པ་མཛེས་པ་ལ། །དེ་རུ་བསྐྱོན་པར་གྱུར་ནས་ནི། །དེ་ནས་རྡོ་རྗེ་ཅན་གྱུར་པ། །མི་གཡོ་རྫུ་འཕྲུལ་
D495.086.0298a03.01ཆེ་ལྡན་ཚིམ། །དེ་ནས་ལྷ་ཡི་བཞོན་པ་བཅིབས། །རིག་པ་འཛིན་པའི་ཚོགས་ཀྱིས་བསྐོར། །གླུ་ཆེན་རྔ་ཡི་སྒྲ་དང་ནི། །རིག་པ་འཛིན་པའི་གླུ་སྒྲ་སྒྲོགས། །བྱེ་བ་དུ་མ་བསམ་མེད་པའི། །རིག་པ་འཛིན་པའི་མཁའ་ལྡིང་གིས། །དེ་ཡི་ཚེ་ན་བསྐོར་ནས་གྲོལ། །འདི་ནི་སངས་རྒྱས་
D495.086.0298a04.01ཞིང་རྣམས་སུ། །རིག་པ་འཛིན་པ་ཐམས་ཅད་ཀྱི། །འཁོར་ལོས་སྒྱུར་བའི་མཁའ་ལྡིང་ཡིན། །བསམ་གྱིས་མི་ཁྱབ་ཡོན་ཏན་བརྙེས། །བསྐལ་པ་གྲངས་མེད་པ་རུ་འཚོ། །ཉི་མ་དང་ནི་ཟླ་བའི་འོད། །དཔལ་ལྡན་གདུལ་དཀའ་འདུལ་མཛད་པ། །བློ་བཟང་གིས་ནི་ཀུན་སྤྱད་ན། །
D495.086.0298a05.01སངས་རྒྱས་ཞིང་ནི་གྲངས་མེད་ན། །མཆོད་གནས་འདི་ནི་སྣང་བར་བྱེད། །བསམ་མེད་པ་ཡི་དམ་ཆོས་ཉན། །བློ་ལྡན་གང་ཞིག་ཐོས་གྱུར་པས། །སངས་རྒྱས་ཡོན་ཏན་བསམ་མེད་འབྱུང་། །ཁྲོ་བོའི་རྒྱལ་པོ་བློ་ལྡན་པའི། །དངོས་གྲུབ་འདི་ནི་ཡང་དག་བཤད། །གཞན་ཡང་
D495.086.0298a06.01གཞན་ལ་ཅི་རིགས་པར། །མཚུངས་མེད་སྲུང་བར་བྱེད་དེ་ཉོན། །རས་བྲིས་གཉིས་པ་འདི་ཡིས་ནི། །བསམ་གྱིས་མི་ཁྱབ་གྲངས་མེད་ལས། །རྫོགས་པའི་སངས་རྒྱས་ཁྱེད་ཀྱིས་མཁྱེན། །ཤཱཀྱ་ཞེས་བྱ་བས་ནི་གསུངས། །ཞི་བ་དང་ནི་རྒྱས་པ་དང་། །དབང་དང་མངོན་སྤྱོད་
D495.086.0298a07.01