完整藏文原文 · 德格版页 当前仅加载第 86 函德格 320a 版页；藏文 NFD、目录标记与异常页序保留在来源切片中，重复版页行以稳定序号区分。
གསོལ་བ་ལ་སོགས་པ་ཆོ་ག་བཞིན་དུ་བྱའོ། །འདི་ནི་འཇམ་དཔལ་གྱི་དཀྱིལ་འཁོར་གྱི་རྒྱལ་པོ་ཆེན་པོ་སྟེ། བསྟན་པ་བསྲུང་བའི་ཕྱིར་དང་། དམ་པའི་ཆོས་གནས་པ་དང་། སེམས་ཅན་རྣམས་བསྲུང་བའི་ཕྱིར་མཆོག་ཏུ་གསང་བའི་མི་གཡོ་མགོན་
D495.086.0320a01.01པོ་སངས་རྒྱས་ཐམས་ཅད་ཀྱིས་གསུངས་སོ། །གང་འདིར་བཞུགས་ནས་ཕྱོགས་ན་ཕྱག་རྒྱའི་ཡེ་ཤེས་ལེགས་པར་བསླབས་ན། རྒྱུད་ཐམས་ཅད་ཀྱི་གསང་བའི་སྙིང་པོ་དཀྱིལ་འཁོར་དུ་མཆོག་ཏུ་ཞུགས་པ་ཡིན་ནོ། །འཇམ་དཔལ་གྱི་དཀྱིལ་འཁོར་འདི་སུ་ལ་ཡང་
D495.086.0320a02.01བཤད་པར་མི་བྱའོ། །དེ་ཅིའི་སླད་དུ་ཞེ་ན། དཀྱིལ་འཁོར་འདི་ནི་མཆོག་ཏུ་གསུངས་པ་ཡིན་པས་སོ། །སྔགས་པ་གང་ཞིག་གཞན་དུ་བྱེད། །དཀྱིལ་འཁོར་ཆོ་ག་ཉམས་པ་ཡིས། །སློབ་མ་དང་བཅས་གདོན་མི་ཟ། །ཐེ་ཚོམ་མེད་པར་བརླག་པར་འགྱུར། །
D495.086.0320a03.01དེ་ནས་འཇམ་དཔལ་གྱི་དཀྱིལ་འཁོར་འདིར་ཞུགས་པས་མཚམས་བཅིང་བར་བྱ་སྟེ་གཞན་དུ་མ་ཡིན་ནོ། །སློབ་དཔོན་གྱིས་དཀྱིལ་འཁོར་བྲིས་ཏེ་ཞུགས་ནས། ཚམ་ངམ་གྱི་ལས་རྣམས་ལ་སློབ་མ་སྦྱར་བར་བྱའོ། །དེ་ནས་ཕྱག་ན་རྡོ་རྗེས་སླར་ཡང་འཇམ་དཔལ་
D495.086.0320a04.01གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། །འཇམ་དཔལ་ཉོན་ཅིག །ཕ་རོལ་གྱི་སྟོབས་དཔག་ཏུ་མེད་པ་གནོན་པའི་རས་རིས་ཀྱི་ཆོ་ག་ནི་རིན་ལྷག་པ་བཅལ་བའི་རས་སྐྲ་ལ་སོགས་པ་དང་བྲལ་བ་བླངས་ཏེ། ཁྲོ་བོའི་རྒྱལ་པོ་དཔའ་བོ་གཅིག་པ་ལག་པ་
D495.086.0320a05.01གཡས་པ་བཏེག་པ། ཞབས་གཡས་པ་སྟེང་དུ་བཏེག་པ། ཞབས་གཡོན་པ་ཡང་གྱེན་དུ་བསྒྲེང་བ། ཕྱག་གཡོན་པ་སྡིགས་མཛུབ་ཀྱིས་བསྡིགས་པར་མཛད་པ། ཞལ་རྣམ་པར་མི་སྡུག་པ་ནང་སྟེང་དུ་འབར་བར་གནས་པ་དེ་བཞིན་གཤེགས་པས་སྟེང་ནས་ཕྱག་
D495.086.0320a06.01གཉིས་ཀྱིས་དབུགས་འབྱིན་པར་མཛད་པ། མེ་ཏོག་རྒྱལ་པོ་ནི་བྱང་དུའོ། །གཡས་སུ་ནི་བཅོམ་ལྡན་འདས་རྣམ་པར་སྣང་མཛད། འོག་ཏུ་ནི་སྒྲུབ་པ་པོས་སྤོས་ཀྱི་སྣོད་ཀྱིས་ལག་པ་སྒྲེང་བ། ཁྲོ་བོའི་རྒྱལ་པོ་ལ་བལྟ་བ་བྲིའོ། །འཇམ་དཔལ་མི་གཡོ་
D495.086.0320a07.01