完整藏文原文 · 德格版页 当前仅加载第 86 函德格 306a 版页；藏文 NFD、目录标记与异常页序保留在来源切片中，重复版页行以稳定序号区分。
འཇིགས་པར་བྱེད། །གང་ཡང་ནད་ནི་ཐམས་ཅད་འདོད། །འཇིགས་པ་འདི་ནི་ཐམས་ཅད་དང་། །སྡིག་པ་ཐམས་ཅད་ཀུན་དུ་འཁྲིགས། །འདི་ནི་དྲན་པ་འབའ་ཞིག་གིས། །དེ་དག་ཐམས་ཅད་མེད་པར་འགྱུར། །འཇིགས་པ་ཐམས་ཅད་འཁྲིགས་པ་དང་། །ཐམས་ཅད་
D495.086.0306a01.01ལྡན་པའི་འཁོར་བལྟས་ན། །ས་སྟེངས་ཡིད་ནི་མཆོག་ཏུ་བདེ། །བྱང་ཆུབ་སེམས་དཔའ་ཐམས་ཅད་ཀྱང་། །ངོ་མཚར་སྤྱན་རྒྱས་པ་ཕྱེ་ནས། །རྡོ་རྗེ་འཛིན་པ་བློ་ལྡན་གྱིས། །སྙན་པ་ཡི་ནི་ཚིག་གིས་གསོལ། །དཔའ་བོ་སེམས་དཔའ་ཆེན་པོ་ལེགས། །རྡོ་རྗེའི་རིགས་ལས་ཡང་དག་
D495.086.0306a02.01འབྱུང་། །བྱས་ཤེས་ཁྱོད་ནི་སངས་རྒྱས་ཀུན། །རྫུ་འཕྲུལ་ཆེན་པོའི་སྲས་གཅིག་ཁྱོད། །བདག་ཉིད་ཆེན་པོ་མི་གཡོ་བའི། །རྟོག་པ་འདི་རུ་གསུངས་པ་གང་། །གང་གི་ལག་ཏུ་ཆུད་གྱུར་པ། །དེ་ཡི་ལག་ན་དངོས་གྲུབ་གནས། །ཡོན་ཏན་བསམ་མི་ཁྱབ་ལྡན་པའི། །བསམ་གྱིས་མི་
D495.086.0306a03.01ཁྱབ་སྒྲུབ་པའི་ཐབས། །ངོ་མཚར་དུ་མ་དང་ལྡན་པ། །གསང་སྔགས་འདི་ནི་འཆང་བ་པོ། །བདག་ཅག་ཀྱང་ནི་དེ་བཀའ་ཉན། །ལྷ་དང་ལྷ་མིན་བཅས་པའི་ཀླུ། །རྒྱབ་ཕྱོགས་རྗེས་སུ་འབྲང་བར་ནི། །སྔགས་པ་དེ་ལ་འབྱུང་བར་འགྱུར། །སེམས་ཅན་ཐམས་ཅད་སྐལ་{བཟངས་སུ,བཟང་དུ}། །
D495.086.0306a04.01མཉེས་དགའ་བར་ནི་འབྱུང་བར་འགྱུར། །བགེགས་སུ་གྱུར་པ་ཐམས་ཅད་ནི། །སྔགས་པའི་བཀའ་སྒོ་བྱེད་པར་འགྱུར། །དེ་ནས་བཅོམ་ལྡན་འདས་ཀྱིས་བགེགས་ཐམས་ཅད་འཇོམས་པར་བྱེད་པའི་རྡོ་རྗེ་ཀུན་དུ་འབར་བར་བྱེད་པའི་མེ་ལྕེ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་
D495.086.0306a05.01ཞུགས་སོ། །བཅོམ་ལྡན་འདས་སྙོམས་པར་ཞུགས་མ་ཐག་ཏུ་དེ་ནས་རེ་ཞིག་སངས་རྒྱས་ཀྱི་ཞིང་འདི་ཉིད། འགུལ། རབ་ཏུ་འགུལ། ཀུན་དུ་རབ་ཏུ་འགུལ། གཡོས། རབ་ཏུ་གཡོས། ཀུན་དུ་རབ་ཏུ་གཡོས། ལྡེག་རབ་ཏུ་ལྡེག །ཀུན་དུ་རབ་ཏུ་ལྡེག །འུར་འུར། རབ་ཏུ་འུར་འུར།
D495.086.0306a06.01ཀུན་དུ་རབ་ཏུ་འུར་འུར། ཆེམ་ཆེམ། རབ་ཏུ་ཆེམ་ཆེམ། ཀུན་དུ་རབ་ཏུ་ཆེམ་ཆེམ་མོ། །དེ་ནས་རེ་ཞིག་སངས་རྒྱས་ཀྱི་ཞིང་འདི་ཉིད་བགེགས་ཐམས་ཅད་དང་། ལོག་པར་འདྲེན་པ་རྣམས་དང་། གང་ཡང་ཁ་ཅིག་འདི་ན་གདུག་པའི་སེམས་དང་ལྡན་པ་གཞན་གྱི་སྲོག་འཕྲོག་ཅིང་གླགས་
D495.086.0306a07.01