完整藏文原文 · 德格版页 当前仅加载第 86 函德格 274b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་དབང་ཕྱུག་གི་གོ་འཕང་ཐོབ་པར་བྱེད་པ། ནད་ཐམས་ཅད་གསོ་སྦྱོང་མཛད་པ། དཔལ་ཐམས་ཅད་དང་ལྡན་པ། དུས་མ་ཡིན་པ་དང་། བགེགས་ཐམས་ཅད་འཇོམས་པར་བྱེད་པ་དང་། དགྲ་ཐམས་ཅད་དང་། ཉེ་བར་འཚེ་བ་དང་། ཆོམ་རྐུན་དང་། མི་རྒོད་དང་། རྒྱལ་པོའི་
D495.086.0274b01.01གནོད་པ་དང་། སེང་གེ་དང་། སྟག་ལ་སོགས་པ་དང་། རིམས་དང་། སྐྲན་དང་། མཚན་བར་རྡོལ་བ་དང་། སྡིག་སྦྲུལ་གྱི་གནོད་པ་ཐམས་ཅད་འཇོམས་པར་བྱེད་པ། གང་གིས་ཁྲོ་བོའི་རྒྱལ་པོའི་དཀྱིལ་འཁོར་གྱི་ཆོས་ཉིད་མཐོང་བས་སེམས་ཅན་ཐམས་ཅད་ཀྱིས་དབང་
D495.086.0274b02.01ཕྱུག་གི་གོ་འཕང་ཐོབ་པར་འགྱུར་བ་བཤད་དུ་གསོལ། དེ་སྐད་ཅེས་གསོལ་བཅོམ་ལྡན་འདས། །ཤཱཀྱའི་མགོན་པོ་རྫུ་འཕྲུལ་ཆེ། །རྡོ་རྗེ་བྱུང་བ་ཆེ་བའི་བདག །སྙན་པའི་ཚིག་གིས་བཀའ་སྩལ་པ། །ས་སྟེངས་ཀྱི་ནི་དཀྱིལ་འཁོར་མཆོག །བཤད་པར་བྱ་ཕྱིར་བུ་ཁྱོད་ཉོན། །
D495.086.0274b03.01སྐྱོབ་པ་སངས་རྒྱས་ཐམས་ཅད་དང་། །བྱང་ཆུབ་སེམས་དཔའི་གསང་བ་ནི། །ཁྱོད་ལ་ཡང་དག་བཤད་པར་བྱ། །ཕན་པའི་སེམས་ཀྱིས་ཚུར་ལ་ཉོན། །ཁྲོ་བོའི་རྒྱལ་པོའི་དཀྱིལ་འཁོར་ནི། །འདི་དག་ཐམས་ཅད་མ་གསུངས་པ། །ངན་པས་སེམས་ནི་འཁྲིགས་པ་ལ། །
D495.086.0274b04.01བུ་ཁྱོད་ཀྱིས་ནི་སྦྱིན་མི་བྱ། །རེ་ཞིག་སློབ་དཔོན་རབ་ཏུ་བཤད། །བུ་ཁྱོད་མཉམ་པར་གཞག་པས་ཉོན། །དེ་ནི་ཀུན་དུ་རབ་གནས་འགྱུར། །གང་མང་ཅུང་ཟད་བདག་གིས་བཤད། །ཚུལ་ཁྲིམས་ཕུན་ཚོགས་སྙིང་རྗེར་ལྡན། །བཟོད་དང་བརྩོན་ལྡན་ལེགས་པར་གནས། །གཙང་ཞིང་
D495.086.0274b05.01ཆོ་ག་ཕུན་སུམ་ཚོགས། །བླ་མ་ཡང་ནི་སྨོད་མི་བྱེད། །བདག་ཉིད་ཇི་བཞིན་གཞན་ཕན་བལྟ། །སྦྱིན་ལ་དགའ་ཞིང་ཆེད་དུ་བརྩོན། །བདེན་པའི་ཚིག་དང་ཡང་དག་ལྡན། །གཏོང་ཕོད་ལ་དགའ་མཉེས་གཤིན་པ། །ལུས་ཀུན་ཡོན་ཏན་ཕུན་སུམ་ཚོགས། །སངས་རྒྱས་ཉན་
D495.086.0274b06.01ཐོས་རྒྱལ་སྲས་རྣམས། །རྟག་ཏུ་མཆོད་པར་འགྱུར་བ་དང་། །བླ་མ་ལ་གུས་ང་རྒྱལ་མེད། །འགྲོ་ལ་གཅིག་ཏུ་ཕན་ཞིང་དགེ །བློ་གྲོས་ཟབ་མོ་ཡང་དག་ལྡན། །དུས་དང་དུས་མིན་ཤེས་དང་ལྡན། །དབང་པོ་དོན་གྱི་ཆ་རིག་པ། །རྟག་ཏུ་སེམས་ཅན་ཕན་པར་དགའ། །
D495.086.0274b07.01