完整藏文原文 · 德格版页 当前仅加载第 86 函德格 302a 版页；藏文 NFD、目录标记与异常页序保留在来源切片中，重复版页行以稳定序号区分。
སྨོས་ནས། །སྲེག་བླུགས་གཅིག་ནི་བསྲེགས་གྱུར་ན། །དགྲ་བོ་དེ་ནི་མོད་དུ་བརླག །གསུམ་དང་བདུན་དང་དེ་ནས་གཅིག །དགྲ་བོ་སྲེག་བླུགས་སྦྱིན་བསྲེགས་ན། །རང་གི་ཕ་ཚན་ཡུལ་འཁོར་བཅས། །ཉེ་དུ་ཕྱུགས་རྣམས་བརླག་པར་འགྱུར། །གལ་ཏེ་མཁས་
D495.086.0302a01.01པས་དགྲ་བོ་ནི། །སྨྱོ་བར་བྱ་བར་འདོད་པ་ཡིས། །ཡན་ལག་གཟུགས་བརྙན་བྱས་ནས་སུ། །ལྔ་ནི་འབྲས་བུར་བཅས་པ་དང་། །དྷ་དུ་ར་ཡི་སྲེག་བླུགས་བདུན། །དེ་མ་ཐག་ཏུ་སྨྱོ་བར་འགྱུར། །ཚ་བ་གསུམ་དང་ལན་ཚྭ་ཉིད། །རྟག་པ་ཉིད་དུ་བསྲེགས་གྱུར་ན། །ནད་ཆེན་པོས་ནི་ཟིན་
D495.086.0302a02.01གྱུར་ནས། །ཤིང་སྐམ་བཞིན་དུ་བསྐམས་པར་འགྱུར། །ཛམ་བི་ར་ལི་རང་སྐྱུར་བཅས། །རྒྱུན་དུ་བསྲེགས་པ་ཉིད་གྱུར་ན། །གྲང་བའི་རིམས་ནི་ཚབས་པོ་ཆེས། །དེ་མ་ཐག་ཏུ་འཇོམས་པར་འགྱུར། །ཞི་ལ་འོ་མའི་སྦྱིན་སྲེག་གིས། །ཐམས་ཅད་དུ་ནི་བརྗོད་པ་ཡིན། །ཁྭ་ཡི་སྒྲོ་ནི་བླངས་
D495.086.0302a03.01ནས་སུ། །ཨེ་རཎྜ་ཡི་མར་ཁུས་བཏགས། །དྷ་དུ་ར་ཡི་མེ་ལ་ནི། །སྲེག་བླུགས་ཉི་ཤུ་ཐམ་པ་བསྲེག །ཁྭ་ཏ་བཞིན་དུ་ཕྱོགས་ཀུན་དུ། །དེ་མ་ཐག་ཏུ་དགྲ་བོ་འཁྱམ། །ལན་ཚྭ་དུག་དང་ཀུན་དུ་ལྡན། །མི་ཡི་རུས་པ་སྐེ་ཚེར་བཅས། །ཡུངས་ཀར་ཀུན་དུ་ལྡན་པ་རྣམས། །ནིམ་པའི་
D495.086.0302a04.01མེ་ནི་མི་བཟད་པར། །དགྲ་བོའི་སྲེག་བླུགས་བྱས་གྱུར་ན། །དེ་མ་ཐག་ཏུ་ཐལ་བར་རློག །བ་ལང་མཁྲིས་པ་ལན་ཚྭར་ལྡན། །རྒྱ་སྐྱེགས་ཁུ་བར་བཅས་པ་རྣམས། །བསྲེགས་ན་དགྲ་བོ་ཉམས་ནས་ནི། །དེ་མ་ཐག་ཏུ་འཆི་བར་འགྱུར། །སྒེའུ་གཤེར་གྱི་ཁུ་བར་ལྡན། །དེ་བཞིན་ལན་ཚྭ་
D495.086.0302a05.01ཚ་བ་གསུམ། །དེ་ཡིས་གཟུགས་བརྙན་བྱས་ནས་སུ། །དུར་ཁྲོད་ཀྱི་ནི་མགལ་དུམ་བླངས། །དེ་ཉིད་ལ་ནི་མེ་སྤར་ཏེ། །མིང་ནི་གཟུགས་བརྙན་ནང་དུ་གཞུག །གང་དུ་ཅུང་ཟད་ཅི་ཡོད་པ། །རྐང་པའི་རྩེ་མོ་ཐུག་པར་བསྲེག །ཡུལ་དང་ཡུལ་འཁོར་བཅས་པ་དང་། །འདིར་ནི་བུ་ཕྱུགས་
D495.086.0302a06.01གཉེན་དུ་བཅས། །བདག་ཉིད་དང་ནི་ཆུང་མར་བཅས། །འདིར་ནི་མོད་དུ་ཐལ་བར་རློག །མཁས་པས་སོལ་བའི་ཐལ་བ་ཡིས། །དགྲ་བོའི་གཟུགས་བརྙན་བྲིས་ནས་སུ། །རྐང་པས་རབ་ཏུ་མནན་ནས་སུ། །ཀུན་ནས་ཁྲོས་པས་བཟླས་པ་བརྩམ། །གཟེར་ཟུག་ཚབས་པོ་ཆེས་འདེབས་
D495.086.0302a07.01