完整藏文原文 · 德格版页 当前仅加载第 86 函德格 290b 版页；藏文 NFD、目录标记与异常页序保留在来源切片中，重复版页行以稳定序号区分。
དམ་པའི་གོ་འཕང་བགྲོད་ནས་བཞུགས། །སྣ་ཚོགས་འཇིག་རྟེན་འགྲོ་ཤེས་ནས། །དམྱལ་བ་ལ་སོགས་འཇིགས་པ་ཡིས། །སྡུག་བསྔལ་གྱིས་གདུངས་མཐོང་ནས་ནི། །ཐུགས་རྗེར་ལྡན་པའི་ཐུགས་ཀྱིས་སུ། །གསང་སྔགས་ཚུལ་གྱིས་འབྲས་འབྱུང་བ། །བསམ་མི་ཁྱབ་
D495.086.0290b01.01པའི་དམ་ཆོས་བཤད། །ཇི་བཞིན་གསུངས་པའི་འཇིག་རྟེན་གསུམ། །ཡང་དག་ཡེ་ཤེས་རྣམ་པར་བསྒྱིངས། །གསང་སྔགས་ཆོ་ག་རྒྱས་པར་ནི། །དེ་ནི་འདི་རུ་བདག་གིས་གསུངས། །དེ་བས་རྣམ་པ་ཐམས་ཅད་ཀྱིས། །བདག་གིས་དམ་ཆོས་བཤད་པ་འདི། །རྟག་ཏུ་
D495.086.0290b02.01བག་ཡོད་པར་གྱུར་པས། །ཆོ་ག་རྒྱས་པར་བཤད་པར་བྱ། །གསང་བའི་ཕྱག་རྒྱས་རབ་གསུངས་པ། །དམ་ཚིག་མི་ཤེས་ལ་མི་བཤད། །སངས་རྒྱས་ཐམས་ཅད་བསླུས་གྱུར་ཅིང་། །གསང་སྔགས་འབྲས་བུ་མི་འབྱུང་ངོ་། །དེ་རྣམས་ངན་འགྲོར་ལྟུང་འགྱུར་གྱི། །འབྲས་
D495.086.0290b03.01བུ་གཞན་དུ་འབྱུང་བ་མེད། །གལ་ཏེ་སེམས་ཅན་ཐམས་ཅད་ནི། །དམ་ཚིག་ཉམས་པར་གྱུར་ན་ནི། །འབད་པས་བླ་མ་མཉེས་བྱས་ནས། །ས་སྟེངས་དམ་ཚིག་གཟུང་བར་བྱ། །གསང་བ་ས་སྟེངས་བཤད་པ་ཡི། །ཕྱག་རྒྱ་དེ་ནས་བཅིང་བར་བྱ། །དེ་ལྟར་བྱས་པའི་ཆོ་ག་ཤེས། །
D495.086.0290b04.01སྔགས་དང་ཕྱག་རྒྱ་ཤིན་ཏུ་སྦྱར། །བསམ་མི་ཁྱབ་པའི་སྐུ་འཐོབ་སྟེ། །གཞན་དུ་ན་ནི་འབྲས་མེད་འགྱུར། །དེ་ནས་བཅོམ་ལྡན་ཤཱཀྱ་ཐུབ། །ཐུགས་རྗེ་དང་ནི་ལྡན་པའི་ཐུགས། །རྡོར་བྱུང་བདག་ཉིད་ཆེན་པོ་ལ། །སྙན་པའི་ཚིག་གིས་བཀའ་སྩལ་པ། །གསང་སྔགས་དོན་
D495.086.0290b05.01ཀུན་གྲུབ་བྱེད་པ། །བཤད་པར་བྱ་ཡིས་ཚུར་ལ་ཉོན། །བསམ་མི་ཁྱབ་པའི་འབྲས་བུ་མང་། །ཡང་ནི་བདེ་བར་གཤེགས་པས་གསུངས། །བསམ་གྱིས་མི་ཁྱབ་ལས་སྣ་ཚོགས། །བསམ་གྱིས་མི་ཁྱབ་འབྲས་བུ་གནོན། །གསང་སྔགས་འཆང་བ་འདི་དག་ལྡན། །དེ་ཕྱིར་འདི་
D495.086.0290b06.01ཡང་བསམ་མི་ཁྱབ། །གང་གིས་རྫོགས་སངས་རྒྱས་གསུངས་པ། །རྫུ་འཕྲུལ་ཆེན་པོ་རྒྱལ་གྱུར་པ། །བསྲུང་བའང་འགའ་ཞིག་འཇིག་རྟེན་ནི། །ཐམས་ཅད་ཆགས་པས་གཟིར་གྱུར་པ། །དེ་ནི་བཤད་པར་བྱ་ཡིས་བུ། །ཕན་པར་གྱུར་པའི་ཡིད་ཀྱིས་ཉོན། །མཐོང་བའི་
D495.086.0290b07.01