完整藏文原文 · 德格版页 当前仅加载第 86 函德格 297b 版页；藏文 NFD、目录标记与异常页序保留在来源切片中，重复版页行以稳定序号区分。
བཀའ་སྩོལ་ཏེ། །དཔའ་བོ་ཆེན་པོ་བུ་ཁྱོད་ལེགས། །སྲིད་པའི་རྒྱ་མཚོ་རྣམ་པར་རྒལ། །བུ་ཁྱོད་བླ་མེད་གོ་འཕང་ནི། །རྟུལ་ཕོད་པ་ཡི་གནས་ཐོབ་པའོ། །བྱང་ཆུབ་སེམས་དཔའ་མཉམ་ཉིད་འགྱུར། །འགྲོ་ལ་གཅིག་པུ་ཕན་པར་འགྱུར། །བུ་ཁྱོད་སངས་རྒྱས་ཐམས་ཅད་དེ། །
D495.086.0297b01.01སྐྱོན་རྣམས་ཐམས་ཅད་རྣམ་པར་སྤངས། །དེ་ནས་ཤར་གྱི་ཕྱོགས་ཆ་རུ། །གྲངས་མེད་དུ་མའི་ཚད་གྱུར་པ། །ལྷ་ཡི་བཞོན་པའི་མེ་ཏོག་ལྡན། །སླར་ཡང་དེ་ཡི་མདུན་ན་གནས། །རིན་ཆེན་གདུ་བུའི་དྲ་བ་ནི། །ཕྱོགས་ཀུན་དུ་ནི་ཀུན་དུ་གཏིབས། །མུ་ཏིག་གི་ནི་ཆུན་འཕྱང་ཅན། །
D495.086.0297b02.01གདུགས་དང་རྒྱལ་མཚན་བ་དན་སྤྲས། །རིན་ཆེན་སྣ་ཚོགས་རང་བཞིན་གདུགས། །ཉི་མ་ལྟ་བུར་སྣང་བར་བྱེད། །སྟེང་དུ་རིན་ཆེན་བླ་རེ་ཡིས། །རི་བོའི་ཕྱོགས་དང་མཉམ་པར་ཕུབ། །བྱེ་བ་དུ་མའི་རིག་འཛིན་ནི། །ཀུན་ཀྱང་ལྷབ་ལྷུབ་རྒྱན་གྱིས་སྤྲས། །ཀུན་ནས་ཡོངས་སུ་བསྐོར་ནས་
D495.086.0297b03.01ནི། །དེ་ཡི་མདུན་དུ་མོད་ལ་གནས། །སྔགས་པ་དངོས་གྲུབ་འདོད་པ་ཡིས། །ཕྱག་ན་རྡོ་རྗེ་དཔལ་དང་ལྡན། །དེ་ནི་མྱུར་བར་བཟླས་པར་བྱ། །རྫུ་འཕྲུལ་ཆེན་པོ་བྱོན་གྱི་བར། །བདག་ཉིད་ཆེན་པོ་དེར་བྱོན་ནས། །མཚན་མ་འདི་དག་འབྱུང་བར་འགྱུར། །ས་གཞི་རྣམ་པ་དྲུག་ཏུ་གཡོས། །
D495.086.0297b04.01ས་གཞི་མེ་ཏོག་གཅལ་དུ་འགྲེམས། །ཆེ་བའི་བདག་ཉིད་སྣ་ཚོགས་དྲི། །ས་སྟེངས་རབ་ཏུ་ཞིམ་པོར་འགྱུར། །ཕྱོགས་བཞི་རུ་ནི་རྔ་ཡི་སྒྲ། །རོལ་མོ་ལ་སོགས་བརྡུང་བ་འབྱུང་། །ཧ་ཧ་ཞེས་སྒྲོགས་སྒྲ་ཆེན་པོ། །སྒྲ་ནི་ཕྱོགས་བཅུར་ཐོས་པར་འགྱུར། །དེར་བྱོན་བདག་ཉིད་ཆེན་པོ་ལ། །ཡིད་
D495.086.0297b05.01ནི་དད་པར་གྱུར་པ་ཡིས། །མཆོད་ཡོན་ཞལ་བསིལ་བརྗོད་ནས་དབུལ། །དྲི་དང་མེ་ཏོག་རིམ་ཇི་བཞིན། །དེ་ནས་མྱུར་བར་བརྗོད་བྱ་བ། །ལེགས་པར་འོངས་སོ་བརྗོད་པར་བྱ། །སྡིག་པའི་དགྲ་ཡིས་ཟིན་པ་ན། །དཔའ་བོ་ཆེན་པོ་བདག་སྡུག་བསྔལ། །མགོན་ཁྱོད་བདག་ལ་བརྩེ་བར་
D495.086.0297b06.01མཛོད། །དེ་ནས་བདག་ཉིད་ཆེན་པོ་འདི། །ཕྱག་ན་རྡོ་རྗེ་རྫུ་འཕྲུལ་ཆེ། །སྔགས་པ་བློ་དང་ལྡན་པ་ལ། །སྙན་པའི་ཚིག་གིས་བཀའ་སྩལ་པ། །དཔའ་བོ་ཆེན་པོ་བུ་ཁྱོད་ལེགས། །རྙེད་པར་དཀའ་བ་ཁྱོད་ཀྱིས་མཐོང་། །ཁྲོ་བོའི་རྒྱལ་པོ་རྫུ་འཕྲུལ་ཆེ། །བུ་ཁྱོད་ཀྱིས་ནི་འདི་བསྒྲུབས་
D495.086.0297b07.01