完整藏文原文 · 德格版页 当前仅加载第 86 函德格 269b 版页；藏文 NFD、目录标记与异常页序保留在来源切片中，重复版页行以稳定序号区分。
སོགས་པའི་བྱང་ཆུབ་སེམས་དཔའ་རྣམས་དང་། ཕྱག་ན་རྡོ་རྗེ་ལ་སོགས་པས་སླར་ཡང་བཅོམ་ལྡན་འདས་ལ་གསོལ་བ་བཏབ་པ། ཆོས་ཀྱི་རྒྱལ་པོ་སྔགས་ཀྱི་སྒོ། །བཅོམ་ལྡན་འདས་ཀྱིས་བཤད་དུ་གསོལ། །བྱང་ཆུབ་སེམས་དཔའི་སྤྱད་སྤྱོད་པའི། །བྱང་ཆུབ་
D495.086.0269b01.01སེམས་དཔའི་དོན་གྱི་ཕྱིར། །གསང་སྔགས་སྤྱོད་པའི་སྒྲུབ་པའི་ཐབས། །གང་གིས་བཅོམ་ལྡན་ཉིད་ཀྱིས་གཟིགས། །ཆོས་ཀྱི་དགའ་བདེ་ཐོབ་པ་ནི། །ས་གཞིའི་སྟེང་ན་རྣམ་པར་གནས། །གསང་སྔགས་མཉེས་པར་རབ་བརྩོན་ཞིང་། །མཐོང་བའི་ཆོས་ལ་བདེ་ཐོབ་པའི། །
D495.086.0269b02.01སེམས་ཅན་ས་སྟེངས་གནས་པ་ཡི། །ཐེ་ཙོམ་མེད་པར་འབྱུང་བར་འགྱུར། །ཐམས་ཅད་དབང་ཕྱུག་གོ་འཕང་འཐོབ། །འཇིགས་པ་ཐམས་ཅད་རྣམ་པར་སྤངས། །གསང་སྔགས་རྒྱལ་པོ་རྫུ་འཕྲུལ་ཆེ། །འཇིག་རྟེན་འདི་རུ་བྱུང་བར་འགྱུར། །སྡང་བའི་སྲིན་པོ་ཐམས་ཅད་
D495.086.0269b03.01དང་། །འབྱུང་པོ་གདོན་དང་ཤ་ཟ་དང་། །འཇིགས་སུ་རུང་དང་དྲག་ཤུལ་ལས། །སེམས་ཅན་རྣམས་ལ་གནོད་བཤད་པ། །གསང་སྔགས་སྟོབས་ཆེན་དྲན་པ་ཡིས། །དེ་དག་ཐམས་ཅད་འབྱུང་མི་འགྱུར། །ས་སྟེངས་སེམས་ཅན་མ་རུངས་པ། །རྣམ་པ་སྣ་ཚོགས་གཞན་
D495.086.0269b04.01ཡང་བཤད། །དེ་རྣམས་གདུལ་བར་བྱ་བའི་ཕྱིར། །རྟོག་པ་འདི་ནི་རབ་ཏུ་གསུངས། །ལྷ་དང་ཀླུ་དང་གནོད་སྦྱིན་དང་། །གྲུལ་བུམ་དང་ནི་ལུས་སྲུལ་པོ། །སྨྱོ་བྱེད་རྒྱུ་སྐར་ཐམས་ཅད་དང་། །མ་རུངས་གཟའ་སོགས་བཤད་པ་དང་། །སེམས་ཅན་སྡིག་ཅན་དེ་རྣམས་ལ། །
D495.086.0269b05.01ཁྲོ་བོ་འདི་ནི་རབ་ཏུ་གསུངས། །ཚངས་སོགས་གདོན་གྱི་ཚོགས་ཀུན་དང་། །དེ་བཞིན་རྒྱལ་པོ་ཉན་ཐོས་དང་། །ས་བཅུའི་བྱང་ཆུབ་སེམས་དཔའ་ཡིས། །གང་ཞིག་བཤད་པར་མི་ནུས་ཤིང་། །དེ་དག་ཐམས་ཅད་ཐལ་བར་རློག །གསང་སྔགས་བཟླས་པ་རྫུ་འཕྲུལ་ཆེ། །སྙིང་
D495.086.0269b06.01ལ་གནས་པ་ཡང་དག་བསམ། །གསང་སྔགས་ཞེས་བྱ་མཐོང་དཀའ་ཞིང་། །མ་ལུས་པ་རུ་ཐལ་བར་བརླགས། །ཚངས་པ་ལ་སོགས་དཀྱིལ་འཁོར་དང་། །བྱང་ཆུབ་སེམས་དཔའ་བདག་ཉིད་ཆེ། །དབང་པོའི་གནས་བཅུ་བདག་པོ་ཡིས། །འདི་ནི་བཟོད་པར་མི་ནུས་ཏེ། །
D495.086.0269b07.01