完整藏文原文 · 德格版页 当前仅加载第 86 函德格 288a 版页；藏文 NFD、目录标记与异常页序保留在来源切片中，重复版页行以稳定序号区分。
རྡོ་རྗེའི་ལུས་གྱུར་ཀྱང་། །དེ་ནི་བརླག་པར་འགྱུར་བ་ཡིན། །རྐང་པ་མི་མཉམ་གྱ་ཚོམ་གཞག །ལག་པ་སྟེང་དུ་དབྱུག་པ་བསྒྲེང་། །གཡས་ཀྱིས་ཡོངས་སུ་བསྐོར་ནས་ནི། །བགེགས་ཀྱི་གཟུགས་ལ་སྣུན་པར་བྱེད། །དབྱུག་པའི་ཕྱག་རྒྱས་བསྣུན་པ་ཡིས། །འབར་
D495.086.0288a01.01བ་ལྟ་བུ་ལུས་ལས་བྱུང་། །ཐེ་ཚོམ་མེད་པར་ཐལ་བར་རློག །གདོན་མི་ཟ་བར་འཆི་བར་འགྱུར། །གཡོན་བརྐྱང་བ་ཡི་རྐང་པ་མནན། །ལག་པ་གཡས་པ་མགོ་བོར་བཏེག །གཡོན་པའི་རྐང་པ་བཏེག་ནས་ནི། །མི་སྡུག་ཞལ་ནས་ཧཱུྃ་བརྗོད་པས། །རི་རྒྱལ་ལྷུན་པོའང་འགས་པར་
D495.086.0288a02.01བྱེད། །རྒྱ་མཚོ་ཡང་ནི་སྐམ་པར་འགྱུར། །དཔལ་ལྡན་ཕྱག་རྒྱ་འདི་འཆང་བ། །འདི་ནི་བརྟུལ་ཞུགས་ལེགས་པར་གནས། །གང་ཡང་རིས་སོགས་བཤད་པ་དང་། །བགེགས་དང་ཤིན་ཏུ་མི་བཟད་རྣམས། །དེ་རྣམས་འཇོམས་པར་བྱ་བའི་ཕྱིར། །ཕྱག་རྒྱ་འདི་ནི་རབ་ཏུ་སྦྱར། །
D495.086.0288a03.01རས་བལ་འདའ་བ་རླུང་ཁྱེར་བཞིན། །དེ་དག་ཐམས་ཅད་ཐལ་བར་རློག །ཡི་གེ་ཧཱུྃ་གི་སྒྲ་དང་ལྡན། །ཐོ་བ་མགོ་བོར་བཏེག་པར་བྱ། །གཡོན་པ་སྙིང་གར་ཡང་དག་གཞག །སླར་ཡང་གཡས་པ་སྟེང་ན་གནས། །མཁས་པས་འཁོར་ལོར་གྱུར་པ་ཡིས། །མཉམ་པར་སྦྱར་
D495.086.0288a04.01བས་བསྣུན་བྱས་ན། །བགེགས་ཀུན་བརླག་པ་ཉིད་དུ་ནི། །མདོར་བསྡུས་ནས་ནི་བརྗོད་པར་བྱ། །ཕྱག་རྒྱ་མཚན་མ་གཞན་གྱིས་ནི། །གང་གིས་བཟློག་པར་མི་ནུས་པ། །གསུངས་པའི་ཕྱག་རྒྱ་འདི་ཡིས་ནི། །འདིར་ནི་འཇོམས་པར་ཐེ་ཚོམ་མེད། །ས་ལ་རྐང་པ་བཞག་ནས་ནི། །
D495.086.0288a05.01རྡོ་རྗེའི་ཕྱག་རྒྱ་ལེགས་པར་སྦྱར། །རྡོ་རྗེའི་མེ་ནི་འབར་བ་ལྟར། །བལྟས་ན་དེ་རུ་བདག་མེད་ཀྱང་། །ཁྲོས་པས་ཡ་སོས་མ་མཆུ་མནན། །གདུག་པའི་སེམས་ཅན་རྣམས་ལ་བསྣུན། །རྡོ་རྗེའི་ཕྱག་རྒྱ་བསྣུན་པ་ཡིས། །ཤིན་ཏུ་མི་བཟད་སྲེག་པར་འགྱུར། །ཤིན་ཏུ་མི་བཟད་བསྡུས་
D495.086.0288a06.01ནས་ནི། །བཀའ་བསྒོའི་ལམ་ནི་གདོན་པར་བྱེད། །སྔགས་པ་ཡིད་ལ་ཅི་འདོད་པ། །དེ་ཚེ་དེ་ལ་སྦྱིན་པར་བྱེད། །གཞན་དུ་འགལ་ཚབས་ཅན་འགྱུར་ཏེ། །སྔགས་པའི་ལུས་ནི་བརླག་པར་འགྱུར། །བསྐལ་པའི་མེ་དང་མཚུངས་གྱུར་པས། །ཧཱ་ཧཱ་ཞེས་སྒྲོགས་རྣམ་བརྒྱན་པ། །བློ་
D495.086.0288a07.01