完整藏文原文 · 德格版页 当前仅加载第 86 函德格 271a 版页；藏文 NFD、目录标记与异常页序保留在来源切片中，重复版页行以稳定序号区分。
ཞུགས་པ་ཙམ་གྱིས་སེམས་ཅན་ཐམས་ཅད་རྒྱལ་པོའི་དབང་ཕྱུག་གི་གོ་འཕང་འཐོབ་པར་འགྱུར་བ། བགེགས་དང་ལོག་འདྲེན་ཐམས་ཅད་ཀྱིས་འཚེ་བར་མི་ནུས་པ། དངོས་གྲུབ་མྱུར་དུ་འཐོབ་པར་བྱེད་པ། དབང་ཕྱུག་ཐམས་ཅད་ཡང་དག་པར་
D495.086.0271a01.01ལྡན་པར་བྱེད་པ་བཤད་དུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་ལེགས་སོ་ལེགས་སོ། །ལག་ན་རྡོ་རྗེ་སླར་ཡང་ཤིན་ཏུ་ལེགས་སོ། །ཁྱོད་ཀྱིས་ཁོ་བོ་ལ་གསོལ་བ་
D495.086.0271a02.01བཏབ་པའི་དོན་འདི་རིགས་ཀྱི་བུ་ཉོན། ཁྲོ་བོའི་རྒྱལ་པོའི་དཀྱིལ་འཁོར་འདི་གང་གིས་ཐོས་པས་ས་སྟེངས་སུ་ཐམས་ཅད་ངོ་མཚར་ཞིང་མིག་རྒྱས་ཏེ་ནུས་པ་མེད་པས་བཟོད་པར་མི་ནུས་ཏེ། དེ་ནས་ས་སྟེངས་སུ་འགྱེལ་བར་འགྱུར་ཏེ། དེ་ནས་བཅོམ་ལྡན་འདས་ཀྱིས་དེའི་ཚེ་བདུད་
D495.086.0271a03.01ཐམས་ཅད་སྲེག་པའི་མེ་ལྕེ་ཡང་དག་པར་བྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་གསང་སྔགས་ཀྱི་རྒྱལ་པོ་འདི་སེམས་ཅན་ཐམས་ཅད་ཀྱི་བསམ་པ་ཡོངས་སུ་རྫོགས་པར་མཛད་པ། དུས་གསུམ་ཀུན་གྱི་བྱང་ཆུབ་སེམས་དཔའ་མ་ལུས་པ་སྐྱེད་པར་བྱེད་
D495.086.0271a04.01པ། སེམས་ཅན་ཐམས་ཅད་ཀྱི་དོན་གསལ་བར་བྱེད་ཅིང་ཡོད་པ། དེ་བཞིན་གཤེགས་པ་ཐམས་ཅད་བསོད་ནམས་བསམ་གྱིས་མི་ཁྱབ་པ་ལས་འཁྲུངས་པ། སེམས་ཅན་ཐམས་ཅད་ཀྱིས་ཤིན་ཏུ་མཐོང་བར་དཀའ་བ། མཐོང་བའི་བགེགས་རྣམས་རབ་ཏུ་འཇོམས་
D495.086.0271a05.01པ། ངན་འགྲོ་ཐམས་ཅད་རྣམ་པར་སྦྱོང་བར་བྱེད་པ། ནད་ཐམས་ཅད་རབ་ཏུ་ཞི་བར་བྱེད་པ། བསམ་པ་ཐམས་ཅད་ཡོངས་སུ་རྫོགས་པར་བྱེད་པ། གདོན་མ་རུངས་པ་ཐམས་ཅད་ལ་གསོ་སྦྱོང་མཛད་པ། བདུད་ཀྱི་དགྲ་ཐམས་ཅད་ལས་རབ་ཏུ་ཞི་བར་མཛད་པའི་སྔགས་
D495.086.0271a06.01བཀའ་སྩལ་པ། ནམཿསརྦྦ་ཏ་ཐཱ་ག་ཏེ་བྷྱཿ། སརྦྦཱ་ཤ་པ་རི་པཱུ་ར་ཀེ་བྷྱཿ། སརྦྦ་ཐཱ། ཙཎྜ་མ་ཧཱ་རོ་ཥ་ཎ་སྥོ་ཊ་ཡ་ཧཱུྃ་ཏྲཊ་ཧཱཾ་མཱཾ། བཅོམ་ལྡན་འདས་ཀྱིས་གསང་སྔགས་ཀྱི་རྒྱལ་པོ་བཀའ་སྩལ་མ་ཐག་ཏུ་ཐམས་ཅད་དང་ལྡན་པའི་འཁོར་དེ་དག་ཆུ་ཤིང་གི་སྡོང་བུ་ལྟ་བུ་དང་ནགས་ཚལ་
D495.086.0271a07.01