完整藏文原文 · 德格版页 当前仅加载第 86 函德格 285b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་བྱས་ཏེ། །མཛུབ་མོ་ཤེས་རབ་ཅན་གྱིས་བརྐྱང་། །ཚིགས་པ་གསུམ་པ་བཅག་པར་བྱ། །ལག་པ་གཡས་པས་གཡོན་པ་ཡི། །མཁྲིག་མ་ནས་ནི་གཟུང་བ་ཡིས། །ས་སྟེངས་ཕོ་ཉ་མོ་ལ་སོགས། །བརྟན་པར་གྱུར་པས་དགུག་པར་བྱ། །ལག་པ་ཕྱི་རོལ་དཀྱིལ་ནས་སུ། །
D495.086.0285b01.01གུང་མོ་གྱེན་དུ་རྣམ་པར་བསྒྲེང་། །མཛུབ་མོ་དྲང་པོར་བྱས་ནས་ནི། །དེ་དང་རབ་ཏུ་སྤྲད་པར་བྱ། །ནང་གི་ཆ་རུ་བཀུག་ནས་སུ། །མཐེ་བོ་མི་མཐུན་པ་རུ་གཞག །འཇིག་རྟེན་པ་ཡི་ཕྱག་རྒྱ་སྟེ། །བཀུག་པ་རུ་ནི་རབ་ཏུ་གྲགས། །ཕྱག་རྒྱ་འདི་དག་ཉིད་ལ་ཡང་། །གཡོན་པ་རབ་ཏུ་
D495.086.0285b02.01ཕྲལ་བ་ཡི། །གཡས་པ་དྲང་སྲོང་ཐམས་ཅད་དང་། །བརྟུལ་ཞུགས་གནས་པ་དགུག་པ་ཡིན། །ལག་པ་གཡོན་པ་དྲང་བྱས་ནས། །མཁས་པས་གུང་མོ་དགུག་པར་བྱ། །མཛུབ་མོ་སོར་མོ་ཡང་བཀུག་ནས། །དཔལ་ལྡན་ཕྱག་རྒྱ་འདི་འཆང་བ། །སྲིང་མོ་རྣམས་ཀྱི་རབ་ཏུ་
D495.086.0285b03.01གྲགས། །སྲིང་མོ་དངོས་གྲུབ་མཛད་པ་ཅན། །དམ་པར་གྱུར་པ་སྤྱན་དྲང་བྱ། །གཡས་པ་དྲང་པོར་བརྐྱང་ནས་སུ། །སོར་མོ་གསུམ་ནི་དྲང་པོར་བརྐྱང་། །དེ་རུ་མཛུབ་མོ་བཀུག་པ་ཡི། །རྩེ་མོ་མཐེ་བོས་རེག་པར་བྱ། །ཕྱག་རྒྱ་འདི་ཡིས་ངེས་པ་རུ། །མ་མོ་བདུན་ཉིན་འགུགས་པར་
D495.086.0285b04.01བྱེད། །རྫོགས་སངས་རྐང་གཉིས་དམ་པ་ཡིས། །ཕྱག་རྒྱ་འདི་ནི་ཡང་དག་གསུངས། །རྟག་ཏུ་བག་ཡོད་པར་གྱུར་པས། །ས་གཞི་དཀྱིལ་འཁོར་བསྲུང་བར་བྱ། །ཕྱག་རྒྱ་འདི་ནི་འཆང་བ་དཀོན། །རྒྱལ་བ་མཆོག་གིས་རབ་ཏུ་གསུངས། །ཕྱག་རྒྱ་འདི་དེ་ལ་བརྟེན་ན། །བསམ་གྱིས་
D495.086.0285b05.01མི་ཁྱབ་འབྲས་བུ་འཐོབ། །དེ་བས་རྣམ་པ་ཐམས་ཅད་དུ། །བསམ་མི་ཁྱབ་པའི་འབྲས་འདོད་ཅིང་། །དངོས་གྲུབ་འདོད་པར་གྱུར་པ་ཡིས། །སྔགས་པས་རྟག་ཏུ་གཟུང་བས་ན། །བགེགས་དང་ལོག་པར་འདྲེན་པ་དང་། །ཀླུ་དང་སྲིན་པོ་གདུག་པ་ཀུན། །གནོད་སྦྱིན་གྲུལ་བུམ་
D495.086.0285b06.01མི་འམ་ཅི། །{ཡི་དགས་,ཡི་དྭགས་}ལུས་སྲུལ་ལྟོ་འཕྱེ་ཆེ། །ཕྱག་རྒྱ་འདི་ཡིས་བསྲུངས་པ་ཡིས། །གླགས་ལྟའི་གོ་སྐབས་མི་རྙེད་དོ། །གཞན་ཡང་གདུག་པའི་སེམས་ཅན་དང་། །གང་ཡང་ནད་ནི་འཇིགས་རུང་བ། །དེ་དག་ཐམས་ཅད་མི་འབྱུང་སྟེ། །ཕྱག་རྒྱ་འདི་ཡིས་ཤིན་ཏུ་བསྲུངས། །
D495.086.0285b07.01