完整藏文原文 · 德格版页 当前仅加载第 86 函德格 296b 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་གྱིས་ཉེན་པ་དང་། །འཇིགས་པ་ཀུན་གྱིས་འདིར་ཟིན་རྣམས། །ཆོ་ག་མཐོང་བས་གྲོལ་བར་འགྱུར། །སེམས་ཅན་ཀུན་ལ་བརྩེ་བར་འགྱུར། །སེམས་ཅན་ཐམས་ཅད་དབང་དུ་བྱེད། །ཐམས་ཅད་དབང་ཕྱུག་གོ་འཕང་འཐོབ། །རྟག་ཏུ་རས་བྲིས་བལྟ་བར་བྱ། །རྟག་ཏུ་བག་
D495.086.0296b01.01ཡོད་པར་གྱུར་ནས། །གཙང་ཞིང་ཚུལ་ཁྲིམས་རྣམ་པར་བརྒྱན། །རས་བྲིས་ཡང་དག་མཆོད་བྱས་ནས། །དེ་ཡི་ཚེ་ན་སངས་རྒྱས་འཐོབ། །དེ་ནས་རྡོ་རྗེ་འཆང་ཆེན་བདག །ཐུགས་ནི་རྣལ་འབྱོར་གཅིག་པུར་བཞུགས། །སེམས་ཅན་བདེ་བ་སྟེར་བ་ཡི། །འདོད་པར་གྱུར་པའི་རྟོག་པ་
D495.086.0296b02.01གསུངས། །ཞི་བ་དང་ནི་རྒྱས་པ་དང་། །དབང་དུ་བྱ་དང་མངོན་སྤྱོད་དེས། །ལས་འདི་མདོ་རུ་བསྡུས་ནས་ནི། །སྔགས་པས་ས་སྟེངས་དཀྱིལ་འཁོར་དུ། །རས་བྲིས་སྒྲུབ་པར་འདོད་པ་ནི། །རྫུ་འཕྲུལ་ཆེ་དེ་རྟག་ཏུ་ཉོན། །དཔའ་བོ་གཅིག་གི་བདག་ཉིད་ཆེ། །གཙོ་བོ་བསྟན་པའི་དོན་
D495.086.0296b03.01མཛད་པའི། །ལུས་ཅན་ཀུན་ལ་གསུངས་པ་ཡི། །དེ་ཡི་རྟོག་པ་ཡང་དག་བཤད། །མགོན་པོ་འཕྲལ་དུ་ལས་མཛད་པ། །རྟག་ཏུ་གདུལ་དཀའ་འདུལ་མཛད་པ། །རྒྱལ་པོ་ངན་པར་བཤད་པ་དང་། །བསྟན་ལ་གནོད་པ་བྱེད་པ་ཅན། །དེ་རྣམས་བརླག་པར་བྱ་བའི་ཕྱིར། །
D495.086.0296b04.01ཁྲོ་བོ་འདི་ནི་རབ་ཏུ་སྦྱར། །གང་ཡང་འདི་རུ་གསུངས་པ་གཞན། །བསྟན་པ་ལ་ནི་གནོད་བྱེད་པ། །གནོད་སྦྱིན་སྲིན་པོ་གྲུལ་བུམ་དང་། །ལྷ་སོགས་མིའམ་ཅིར་བཅས་པ། །དེ་རྣམས་གཞོམ་པར་བྱ་བའི་ཕྱིར། །ཁྲོ་བོའི་རྒྱལ་པོ་རབ་ཏུ་སྦྱར། །ནད་རྣམས་ཐམས་ཅད་རབ་ཏུ་
D495.086.0296b05.01གྲོལ། །ཕ་རོལ་ཡུལ་འཁོར་རྣམ་པར་འཇོམས། །འདི་ན་དམག་དཔུང་བྱེད་འགྱུར་བ། །གདུག་པའི་སེམས་ཅན་བདུད་རྣམས་ལ། །ཁྲོ་བོའི་རྒྱལ་པོ་རབ་སྦྱར་ན། །བསམ་མི་ཁྱབ་པའི་སྟོབས་གནོན་ཏོ། །བསྐྲད་པ་དང་ནི་གསོད་པ་ཉིད། །འཇིག་རྟེན་གསུམ་པོ་བརླག་པའམ། །
D495.086.0296b06.01རྟག་ཏུ་སྨྱོ་བར་བྱེད་པ་ན། །འདི་ནི་རྟག་ཏུ་སྦྱར་བར་བྱ། །མགོན་པོའི་རས་བྲིས་མཆོག་གང་གི། །ལག་ཏུ་ཆུད་པར་གྱུར་པ་ན། །དེ་ནི་ས་སྟེངས་སྙིང་པོ་རུ། །ལུས་ཅན་འཚོ་བ་འབྲས་བུ་བཅས། །དེ་ཚེ་དཀྱིལ་འཁོར་རབ་ཏུ་བཞུགས། །ཕྱག་རྒྱའི་ལས་ནི་རྣམ་པར་སྦྱར། །
D495.086.0296b07.01