完整藏文原文 · 德格版页 当前仅加载第 86 函德格 317a 版页；藏文 NFD、目录标记与异常页序保留在来源切片中，重复版页行以稳定序号区分。
ལུས་པར། །བཤད་པར་བྱ་ཡིས་ཚུར་ལ་ཉོན། །གང་གིས་དངོས་གྲུབ་མྱུར་ཐོབ་པའི། །གསང་བ་གང་ཞིག་གནས་པ་ཡང་། །མཆོག་གི་གཟུགས་ཅན་ལྷན་ཅིག་ཏུ། །ས་སྟེངས་འདི་ནི་རྣམ་པར་གནས། །གཙུག་ལག་ཁང་ནི་སྣ་ཚོགས་མདོག །དེ་བཞིན་སྣ་ཚོགས་གཟུགས་འཆང་
D495.086.0317a01.01བ། །རྫུ་འཕྲུལ་ཆེན་པོ་མཐུ་ཆེ་བ། །དེ་བཞིན་རྒྱལ་བའི་སྲས་པོ་འཆང་། །རྒྱལ་བའི་ཆོས་རྣམས་ཡང་དག་ལྡན། །དཀོན་མཆོག་གསུམ་ལ་མཆོག་ཏུ་གཞོལ། །འདི་རྣམས་མཆོད་ཅིང་ཡང་མཆོད་ལ། །གནོད་པ་བྱེད་པ་སྲེག་པར་འགྱུར། །དེ་ནི་རྒྱལ་བའི་བདེན་པས་བཅིང་། །སེམས་ཅན་ཐམས་ཅད་
D495.086.0317a02.01དབང་དུ་བྱེད། །འཁྲིག་པ་བརྟེན་པར་གྱུར་པ་དང་། །མེ་ནི་གང་ཞིག་སྡིག་བྱེད་པ། །ཚངས་སྤྱོད་དང་ནི་དེ་བཞིན་གཞན། །ས་སྟེངས་སྐྱེ་བོ་གང་ཅུང་ཟད། །འདི་ཀུན་འདིར་ནི་རྣམ་པར་འཚེ། །ལྷ་རྣམས་ཀྱི་ཡང་དེ་བཞིན་གྲོང་། །གདུག་ཅིང་མདོག་སྡུག་པ་ཡི་ལུས། །གནོད་སེམས་བདག་ཉིད་རྣམ་པར་
D495.086.0317a03.01འཚེ། །བརྟན་དང་གཡོ་བ་ཕྱག་འཚལ་ནས། །འཇིག་རྟེན་འདི་ནི་རྣམ་པར་སྤངས། །ས་སྟེངས་བསྟན་པ་མ་གཏོགས་པར། །དེ་རྣམས་བསྟན་པ་ཅུང་ཟད་མེད། །གང་གིས་བདེ་བ་མྱོང་བྱེད་པ། །ཁྱོད་ཀྱིས་ཀྱང་ནི་མཉན་པར་རིགས། །སྔགས་པས་དང་པོ་ཀུན་བྱས་ནས། །རྫོགས་སངས་
D495.086.0317a04.01རྒྱས་ནི་ཉི་མའི་འོད། །ཀུན་མཁྱེན་དབང་ཕྱུག་བློ་དང་ལྡན། །སྤྲོས་པ་ཐམས་ཅད་འདི་ལས་གཞན། །ཤིན་ཏུ་རྣམ་པར་དག་པའི་ཆོས། །གདོད་ནས་ཞི་བ་ཆེན་པོའི་གནས། །སྐྱོན་རྣམས་ཐམས་ཅད་རྣམ་པར་གྲོལ། །ཕུན་སུམ་ཚོགས་པ་ཐམས་ཅད་བྱེད། །འདི་ནི་དཀོན་མཆོག་གསུམ་གཙོ་
D495.086.0317a05.01བོ། །བསམ་པ་ཐམས་ཅད་རྫོགས་པར་བྱེད། །གཟའ་རྣམས་གཟུགས་དང་མཚན་མ་དང་། །ཆ་བྱད་དང་ནི་དབྱིབས་ཉིད་ཀྱང་། །བརྟན་དང་གཡོ་བས་མི་ཤེས་པས། །བཤད་པར་བྱ་ཡིས་བུ་ཁྱོད་ཉོན། །བདག་གིས་ཡེ་ཤེས་གནས་པ་འདི། །མཛེས་པའི་ཚུལ་ཅན་རྨད་དུ་བྱུང་། །ས་ཡི་དཀྱིལ་
D495.086.0317a06.01འཁོར་ཀུན་དུ་ནི། །བུ་གཅིག་ཁོ་བོས་མ་གསུངས་སོ། །གཟའ་རྣམས་ཀྱི་ནི་མཆོག་གི་གཟུགས། །མཆོག་ཏུ་རྨད་འབྱུང་བསམ་མི་ཁྱབ། །མཆོག་ཏུ་མཛེས་པར་གྱུར་པ་སྟེ། །ཁྲོས་ཤིང་བཞིན་མི་སྡུག་པ་ཡི། །མཛེས་པའི་གཟུགས་ཅན་ལ་བརྟེན་ནས། །རང་ཉིད་མཛེས་ཤིང་ཕན་པར་གནས། །
D495.086.0317a07.01