完整藏文原文 · 德格版页 当前仅加载第 86 函德格 275b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་པར་བྱེད། །འབྱུང་པོ་ཐམས་ཅད་མཆོད་པར་བྱེད། །འཇིག་རྟེན་པ་ཡང་དེ་ཉིད་རིག །སེམས་ཅན་སྙོམ་མེད་ཕུན་སུམ་ཚོགས། །སྤྲོ་བ་དང་ནི་བསྟན་པར་འགྱུར། །གང་གི་དབང་ཕྱུག་ཤེས་རབ་སྔགས། །ཐམས་ཅད་དབང་དུ་བྱེད་པ་ཡིན། །ཁྲོ་བོ་རྣམས་ནི་རྟག་ཏུ་བཟླས། །
D495.086.0275b01.01ལྷ་མཉེས་པ་ལ་ཆེད་དུ་བྱེད། །ཚུལ་ཁྲིམས་དང་ལྡན་ཕུན་སུམ་ཚོགས། །སྐུ་དང་གསུང་ལས་ཡང་དག་བྱུང་། །བརྟུལ་ཞུགས་ཀྱིས་ནི་ཡང་དག་བརྒྱན། །རྟག་པར་ཐམས་ཅད་སྐྱོང་བར་བྱེད། །དེ་ལྟར་ཡོན་ཏན་མདོར་བསྡུས་པའི། །མཚན་ཉིད་བདག་གིས་བསྟན་པ་ཡིན། །འདི་
D495.086.0275b02.01རྣམས་ཡང་དག་ཡོངས་ཤེས་པ། །སློབ་དཔོན་དུ་ནི་རབ་ཏུ་བསྔགས། །སྔགས་ཀྱི་བཟླས་པའི་ཆོ་ག་ནི། །གཞན་དུ་ན་ནི་འབྲས་མེད་བུ། །གསང་སྔགས་རང་གིས་མི་འགྲུབ་ཅིང་། །གཞན་ལ་བསྟན་ཡང་འགྲུབ་པ་མེད། །དཀྱིལ་འཁོར་འབྲས་བུ་བཅས་པ་མིན། །སྔགས་
D495.086.0275b03.01ཀྱི་སྒྲུབ་ཐབས་དག་ཀྱང་མེད། །བསྲུང་བར་བྱ་བ་ཀུན་ཀྱང་མིན། །སྦྱིན་སྲེག་ལྷ་ཡང་མེད་པ་སྟེ། །འདི་ནི་སྒོམ་པ་མེད་གྱུར་པའི། །མཚན་ཉིད་འདི་ནི་རྣམ་པར་སྤངས། །དེ་བས་རྣམ་པ་ཐམས་ཅད་ཀྱི། །སློབ་དཔོན་མཚན་ཉིད་བསྔགས་པ་ཡིན། །དེ་བས་གསང་བའི་ཡེ་ཤེས་
D495.086.0275b04.01འདི། །སངས་རྒྱས་ཐམས་ཅད་འབྱུང་བར་ནི། །གསུངས་པ་རུ་ནི་ཤེས་པར་བྱ། །གཞན་དུ་ན་ནི་འབྲས་མེད་འགྱུར། །སློབ་དཔོན་དང་ནི་སློབ་མ་ཡིས། །རྟག་ཏུ་བག་ཡོད་གྱུར་པས་ཀྱང་། །རྟག་པར་རྒྱུན་དུ་བསྲུང་བར་བྱ། །བདག་ཉིད་སྲོག་ནི་ཇི་བཞིན་ནོ། །བསྐལ་པ་བྱེ་བ་
D495.086.0275b05.01བརྒྱར་ཡང་ནི། །སངས་རྒྱས་འབྱུང་བ་ཤིན་ཏུ་དཀོན། །དེ་ཡང་ས་སྟེངས་གཙོ་བོ་ཡིས། །བཤད་པ་ཡིས་ནི་ཤིན་ཏུ་དཀོན། །དེ་ཕྱིར་རྣམ་པ་ཐམས་ཅད་ཀྱིས། །ཡོན་ཏན་ཀུན་གྱིས་ཡང་དག་བརྒྱན། །སློབ་དཔོན་གྱིས་ནི་རྟག་པ་རུ། །གསང་སྔགས་ཡི་གེ་{བཅྭ་,བཅོ་}ལྔ་བཟླས། །འབུམ་
D495.086.0275b06.01ཕྲག་གཅིག་ནི་བཟླས་གྱུར་ནས། །སྦྱིན་སྲེག་ཀྱང་ནི་བརྩམ་པར་བྱ། །དེ་ལྟར་བྱས་པའི་སྔགས་ཤེས་པས། །དཀྱིལ་འཁོར་མཆོག་ནི་བྲི་བར་བྱ། །གདུག་པ་མེད་ཅིང་བགེགས་ཀྱང་མེད། །གཞན་ཡང་འབྱུང་ཚོགས་ལ་སོགས་མེད། །མཐུ་སྟོབས་ཀྱིས་ནི་བགེགས་བྱེད་པ། །
D495.086.0275b07.01