完整藏文原文 · 德格版页 当前仅加载第 86 函德格 263b 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ཀུན་གྱིས་བྱིན་གྱིས་བརླབས། །ཆོས་ཀྱི་དབྱིངས་སུ་རབ་གཞོལ་བས། །རྟག་ཏུ་ཚེ་དང་ནད་མེད་མཆོག །དངོས་གྲུབ་མྱུར་དུ་སྩོལ་མཛད་པ། །རྟག་ཏུ་བགེགས་རྣམས་སེལ་བྱེད་ཅིང་། །དེ་བཞིན་བདུད་རྣམས་རབ་ཏུ་འཇོམས། །སེམས་ཅན་རྣམས་ནི་བདེ་
D495.086.0263b01.01བའི་ཕྱིར། །རྟོག་པ་འདི་ནི་རབ་ཏུ་བཤད། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང་། ཐམས་ཅད་དང་ལྡན་པའི་འཁོར་དེ་དག་མགྲིན་གཅིག་གི་ངག་གིས་གསོལ་པ། སེམས་ཅན་ཐམས་ཅད་ཀྱི་དོན་དང་བདག་ཅག་ལ་ཐུགས་བརྩེ་བ་བསྐྱེད་དེ་
D495.086.0263b02.01བཅོམ་ལྡན་འདས་བཤད་དུ་གསོལ། བདེ་བར་གཤེགས་པ་བཤད་དུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པས་གསོལ་བ་བཏབ་པ་དེ་མཁྱེན་ནས་གཞི་
D495.086.0263b03.01དང་སྙིང་པོ་མེ་ཏོག་གིས་བརྒྱན་པའི་འཇིག་རྟེན་གྱི་ཁམས་འོད་ཟེར་ཆེན་པོས་སྣང་བར་བྱས་ནས། དཔལ་གྱི་བེའུ་ལས་བྱུང་བ་ཞེས་བྱ་བའི་འོད་ཟེར་བྱུང་སྟེ། འོད་ཟེར་བྱེ་བ་ཁྲག་ཁྲིག་བརྒྱ་སྟོང་དུ་མ་གྲངས་མེད་པས་ཡོངས་སུ་བསྐོར་བ་བྱས་ནས་གཞི་དང་སྙིང་པོ་མེ་
D495.086.0263b04.01ཏོག་གིས་བརྒྱན་པའི་འཇིག་རྟེན་གྱི་ཁམས་འདི་ནས་བཟུང་སྟེ། ཇི་སྲིད་བརྗོད་དུ་མེད་པའི་ཡང་བརྗོད་དུ་མེད་པའི་སངས་རྒྱས་ཀྱི་ཞིང་རྡུལ་ཕྲ་རབ་དང་མཉམ་པའི་འཇིག་རྟེན་གྱི་ཁམས་ནས་ནམ་མཁའི་ཁམས་ཀྱི་མཐའ་གཏུགས་པའི་བར་དུ་དེ་ཁྱབ་ནས་གཡས་ཕྱོགས་
D495.086.0263b05.01ནས་བསྐོར་ཏེ། དེ་བཞིན་དུ་བྱང་ཕྱོགས་དང་། ནུབ་དང་། ལྷོ་དང་། ཤར་གྱི་ཕྱོགས་དང་། ཕྱོགས་བཅུའི་འཇིག་རྟེན་གྱི་ཁམས་ཀྱི་བར་དུ་ཁེབས་པར་བྱས་སོ། །འཇིག་རྟེན་གྱི་ཁམས་དེ་རྣམས་ན་བཞུགས་པའི་བྱང་ཆུབ་སེམས་དཔའ་དེ་ཐམས་ཅད་ཀྱིས་ཚིགས་སུ་
D495.086.0263b06.01བཅད་པ་འདི་སྨྲས་སོ། །ཤཱཀྱའི་མགོན་པོ་རྫོགས་སངས་རྒྱས། །གཟི་བརྗིད་ཆེན་པོ་གང་བཞུགས་པ། །ཆོས་ཀྱི་དབྱིངས་ལས་བྱུང་བ་ཡི། །རྒྱལ་བའི་སྲས་པོ་ཐམས་ཅད་གཤེགས། །དེ་རུ་དྲི་མེད་དམ་ཆོས་ཉོན། །གསང་སྔགས་སྤྱོད་པའི་ཚུལ་དགེ་བ། །
D495.086.0263b07.01