完整藏文原文 · 德格版页 当前仅加载第 86 函德格 278b 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར། །རྫོགས་པའི་སངས་རྒྱས་ཀྱིས་གསུངས་པའི། །མཆོག་འདི་དད་པ་མེད་པ་དང་། །སྡིག་ཅན་འཇིགས་ཤིང་རྩུབ་པ་ཡི། །དྲག་ཤུལ་མཆེད་པར་གྱུར་པ་ལ། །བུ་ཡིས་ཅུང་ཟད་མི་སྦྱིན་པར། །ཁྱོད་ལ་རྫོགས་སངས་རྒྱས་ཀྱིས་གསུངས། །རྫོགས་སངས་རྐང་
D495.086.0278b01.01གཉིས་དམ་པ་ཡིས། །ཤིན་ཏུ་གསང་བར་ཡང་དག་གསུངས། །ཁྲོ་བོའི་རྒྱལ་པོའི་དཀྱིལ་འཁོར་ནི། །འདི་དག་ཐམས་ཅད་བཤད་མི་བྱ། །རྟག་ཏུ་བག་ཡོད་གྱུར་པས་ན། །རྒྱལ་བའི་བསྟན་པ་བསྲུང་བར་བྱ། །དཀྱིལ་འཁོར་མ་མཐོང་བ་ལ་ནི། །འདི་ནི་སྟོན་ཅིང་སྟེར་བ་ན། །
D495.086.0278b02.01སྐྱོབ་པ་སངས་རྒྱས་ཐམས་ཅད་དང་། །བྱང་ཆུབ་སེམས་དཔའ་བསླུ་བར་བགྱི། །སྡུག་བསྔལ་ཀུན་གྱི་སྡེར་གྱུར་པ། །སྡིག་པ་ཅན་དུ་ངེས་པར་འགྲོ། །སྡིག་ཅན་དེ་ཡི་གསང་སྔགས་ཀྱི། །དངོས་གྲུབ་ངེས་པར་འབྱུང་མི་འགྱུར། །བསྟན་པའི་དོན་ནི་མཛད་པ་ཡིས། །གཙོ་བོ་
D495.086.0278b03.01དཔལ་ལྡན་རྡོ་རྗེ་འཛིན། །དཀྱིལ་འཁོར་མ་མཐོང་སྟོན་བྱེད་ཀྱི། །མགོ་བོ་རྡོ་རྗེས་འགེམས་པར་བྱེད། །དེ་ཡིས་གསང་སྔགས་མི་འགྲུབ་ཅིང་། །བགེགས་རྣམས་ཀྱིས་ཀྱང་བརླག་པར་འགྱུར། །སྔགས་ཀྱི་སྒྲུབ་པ་འབྲས་བུ་མེད། །དེ་ཕྱིར་སངས་རྒྱས་ཀྱིས་གསུངས་པའི། །གསུང་
D495.086.0278b04.01འདི་བུ་ཁྱོད་ཚུར་ཉོན་ལ། །རྣ་ཐོས་ཙམ་དུའང་མི་སྦྱིན་ཏེ། །དམ་ཚིག་རྫོགས་སངས་རྒྱས་ཀྱིས་གསུངས། །སངས་རྒྱས་ཀྱིས་གསུངས་དམ་ཚིག་ནི། །གང་ཞིག་ཤིན་ཏུ་འདའ་བྱེད་ན། །འཇིག་རྟེན་གསུམ་བཞུགས་རྫོགས་སངས་རྒྱས། །དབང་ཕྱུག་བསླུས་པར་གྱུར་པ་
D495.086.0278b05.01ཡིན། །དེ་ནས་ཐམས་ཅད་དང་ལྡན་པའི་འཁོར་དེ་དག་ངོ་མཚར་དུ་གྱུར་ནས་མིག་བལྟས་ཏེ། ཤིན་ཏུ་ངོ་མཚར་ཡིད་ཀྱིས་སུ། །འདི་སྐད་ཀྱི་ནི་ཚིག་གསོལ་ཏོ། །ཨེ་མའོ་སངས་རྒྱས་བསམ་དུ་མེད། །ཐུགས་རྗེའི་དབང་གིས་གྱུར་པ་ཡིན། །རྒྱུ་དང་མི་རྒྱུ་མི་ཤེས་ལ། །དམ་
D495.086.0278b06.01ཆོས་འདི་ནི་རབ་ཏུ་གསུངས། །དེ་རྣམས་ཀྱི་ནི་ངན་འགྲོ་བཅད། །སྡུག་བསྔལ་ཐམས་ཅད་འཇིག་པར་མཛད། །གང་གི་ལག་ན་གནས་པ་དེ། །བསམ་མི་ཁྱབ་པར་སངས་རྒྱས་གསུངས། །བགེགས་དང་ལོག་པར་འདྲེན་པ་དང་། །སྡིག་ཅན་ཤིན་ཏུ་སྐྲག་པ་གང་། །
D495.086.0278b07.01