完整藏文原文 · 德格版页 当前仅加载第 86 函德格 295a 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱ། །ཁ་ཚར་དང་བཅས་རིང་པོར་གཞག །བློ་ལྡན་དེ་དབུས་བྲི་བ་ནི། །ཁྲོ་བོ་ཤིན་ཏུ་མཐོང་དཀའ་བ། །ལྟོ་བ་ཆེ་ལ་ཤིན་ཏུ་ཁྲོས། །ལག་འགྲོའི་བདག་པོ་ཕྱག་བཞི་པ། །ཞལ་ནི་རྣམ་འགྱུར་ཟུར་གྱིས་གཟིགས། །ལྗགས་ལ་རཀྟ་རྣམ་པར་འཛག །
D495.086.0295a01.01མཆེ་བ་གཙིགས་ཤིང་ཤིན་ཏུ་འཇིགས། །སྤྲིན་ཕུང་གཏིབས་པ་ལྟ་བུའི་འོད། །སྤྱན་དག་ཉི་མ་འཆར་ཀ་འདྲ། །གསུམ་པ་དུ་བ་ལྟ་བུའོ། །གར་མཛད་ཧཱི་སྒྲོགས་པར་བྱུང་བ། །ཀླུ་ཡི་འོད་ཀྱིས་ཚོགས་རང་བཞིན། །ཐོད་པ་རློན་པའི་ཕྲེང་བ་ནི། །ཚར་བཞི་ལྟ་བུར་བལྟས་པ་ཡི། །
D495.086.0295a02.01འཇིགས་པ་ཆེན་པོའི་དབུ་ལ་བརྒྱན། །གཡོན་ངོས་ཟུར་ཕུད་རྣམ་པར་འཕྱང་། །མེ་སྟག་དང་བཅས་མེ་འོད་ཀྱིས། །རྡོ་རྗེ་གཡས་ཀྱི་ཕྱག་ནའོ། །འོད་ཟེར་འབར་བ་ལྷག་པ་ཡི། །རལ་གྲི་གཉིས་པ་ན་ནི་བསྣམས། །གཡོན་པ་ཡིས་ནི་ཞགས་པ་བསྣམས། །གཉིས་པ་ཡིས་ནི་
D495.086.0295a03.01སྡིགས་མཛུབ་མཛད། །སྐུ་ལ་སྦྲུལ་གྱི་རྒྱན་གྱིས་བརྒྱན། །ནོར་རྒྱས་བུ་ཡིས་སྐ་རགས་བྱས། །ཐོད་པ་རློན་པའི་ཕྲེང་བ་ནི། །མཆོད་ཕྱིར་ཐོགས་སུ་སྤྲས་པ་ནི། །དཔའ་བོ་ན་བཟའ་ངུར་སྨྲིག་བསྣམས། །རིན་ཆེན་རྡོ་བའི་སྟེང་དུ་ནི། །གཡས་བརྐྱང་བ་ཡི་ཞབས་ཀྱིས་བཞུགས། །
D495.086.0295a04.01འོག་ཏུ་བགེགས་ནི་བྲི་བར་བྱ། །བསྲེགས་པས་འབར་བར་གྱུར་པ་ཡིས། །མྱོགས་པོ་རུ་ནི་གྱུར་པའོ། །རྩ་དང་རྒྱུ་མ་རྣམ་པར་འབྱུང་། །ཁྲག་འཛག་ལྟ་བུར་གནས་པ་ཡིན། །འོག་ཏུ་བློ་ལྡན་སྒྲུབ་པ་པོ། །པུས་མོ་དག་ནི་ས་ལ་བཙུགས། །སྤོས་ཀྱི་སྣོད་ཀྱིས་བྲེལ་བའི་བདག །
D495.086.0295a05.01མཆོད་ཡོན་སྣོད་ནི་འཛིན་པར་བརྩོན། །འདི་ནི་རས་བྲིས་རབ་མཆོག་ཏུ། །རྫོགས་སངས་རྒྱས་ཀྱིས་རབ་ཏུ་གསུངས། །རས་བྲིས་འདི་ཡིས་དེ་མ་ཐག །སྔགས་པའི་མ་གྲུབ་པ་ཡང་འགྲུབ། །ཁྲོ་བོའི་རྒྱལ་པོ་ངོ་མཚར་བ། །ཐམས་ཅད་གདུང་བྱེད་ཡང་དག་བྲི། །ཤེས་རབ་
D495.086.0295a06.01ཆེན་པོས་རི་མོ་མཁན། །སྟོན་མོ་དྲངས་ཏེ་ཡོན་ཡང་སྦྱིན། །པིར་ནི་སར་པའི་མཚན་མ་དང་། །རྫ་མཁན་སྣོད་ནི་སར་པ་སྟེ། །མཚན་མ་བྱེ་བྲག་ཕྱེད་པའོ། །ཡང་ན་ཐམས་ཅད་འབྱུང་བ་ཡིན། །དེ་ལྟར་ཐམས་ཅད་གྱུར་བལྟས་ནས། །དྲི་ཡི་རས་ཀྱིས་དགབ་པར་བྱ། །
D495.086.0295a07.01