完整藏文原文 · 德格版页 当前仅加载第 86 函德格 291b 版页；藏文 NFD、目录标记与异常页序保留在来源切片中，重复版页行以稳定序号区分。
སུ་རུང་། །གནོད་སྦྱིན་ཀླུ་དང་མིའམ་ཅི། །གྲུལ་བུམ་དང་ནི་ལུས་སྲུལ་པོ། །གང་ཡང་ལྷ་མིན་ཚོགས་དང་ཡང་། །གང་ཡང་གཟའ་དང་མ་མོ་རྣམས། །རས་བལ་འདའ་བ་རླུང་ཁྱེར་བཞིན། །དེ་དག་ཐམས་ཅད་ཐལ་བར་རློག །ཟབ་མོ་ཡི་ནི་དབྱངས་ཀྱི་སྒྲ། །ཕྱོགས་ཀུན་དུ་ནི་
D495.086.0291b01.01གྲགས་པར་གྱུར། །འཇིགས་པ་ཆེན་པོའི་སྐར་མདའ་ལྟུང་། །འཇིགས་སུ་རུང་བའི་གློག་ཀྱང་འཁྲུགས། །ས་གཞི་ཐམས་ཅད་འབར་བ་ལྟར། །ས་སྟེངས་ཀུན་ན་མེ་ཕུང་ངོ་། །ཕྱོགས་ཀུན་འཇིགས་པ་ཆེན་པོར་གྱུར། །ས་གཞི་དཀྱིལ་འཁོར་ཀུན་འཁྲུགས་གྱུར། །མུན་ནག་
D495.086.0291b02.01འཇིགས་པ་ཆེན་པོ་རུ། །ས་གཞི་དཀྱིལ་འཁོར་མཐོང་བར་གྱུར། །སངས་རྒྱས་ཉན་ཐོས་ལྷ་དང་ནི། །བྱང་ཆུབ་སེམས་དཔའ་རྫུ་འཕྲུལ་ཆེ། །ལམ་གོལ་བ་ཡི་ཡིད་ཅན་ལ། །དེ་དག་ཐམས་ཅད་ངོ་མཚར་འགྱུར། །ཀུན་མཁྱེན་སྤྱན་སྔར་འདུག་ནས་ནི། །སྙན་པ་ཡི་ནི་ཚིག་འདི་
D495.086.0291b03.01གསོལ། །ཀུན་མཁྱེན་བཀོད་པ་བསྡུ་བར་མཛོད། །སེམས་ཅན་སྡུག་བསྔལ་ཀུན་དུ་འཁྲུགས། །ས་གཞི་སྙིང་པོར་གྱུར་པ་འདིར། །ཚུལ་འདི་བཟོད་པར་མི་ནུས་སོ། །དེ་ཀུན་ཀུན་མཁྱེན་བཞེངས་ནས་ནི། །ཏིང་ངེ་འཛིན་ནི་སྟོང་འགྱུར་བས། །སྐྱོབ་པ་བྱང་ཆུབ་སེམས་
D495.086.0291b04.01དཔའ་ཡི། །སྙན་པའི་ཚིག་གིས་བཀའ་སྩལ་པ། །བྱང་ཆུབ་སེམས་དཔའ་མ་འཇིགས་ཤིག །གང་ཡང་འཇིགས་པས་གཟིར་བའི་ལྷ། །གཞན་ཡང་གདུག་པའི་སེམས་ཅན་ནི། །འཇིག་རྟེན་པ་དང་རྒྱུ་མི་རྒྱུ། །རྫོགས་སངས་རྐང་གཉིས་དམ་པ་ཡིས། །འདི་ནི་བསམ་དུ་
D495.086.0291b05.01མེད་པར་བཤད། །དེ་ནས་སེམས་ཅན་ཐམས་ཅད་ཀྱིས། །བདེ་བ་ཐམས་ཅད་ཡང་དག་འཐོབ། །ཐམས་ཅད་དབང་ཕྱུག་གོ་འཕང་འཐོབ། །སྡུག་བསྔལ་ཐམས་ཅད་རྣམ་པར་སྤངས། །བསམ་པ་ཐམས་ཅད་རྫོགས་ནས་ནི། །དེ་མ་ཐག་ཏུ་ས་སྟེངས་འགྱུར། །ཁྲོ་བོའི་རྒྱལ་
D495.086.0291b06.01པོའི་སྙིང་པོ་འདི། །རྒྱལ་བ་མཆོག་གིས་རྟག་ཏུ་གསུངས། །སྟོབས་ཆེན་འདི་ནི་མི་མཐོང་བས། །ཁྲོ་བོའི་རྒྱལ་པོ་རང་ཉིད་གནས། །གནས་མེད་པ་ལ་སྦྱར་མི་བྱ། །གསང་སྔགས་གསང་བ་ཕ་རོལ་གནོན། །རང་ཉིད་དེ་བཞིན་གཤེགས་པ་སྟེ། །འདི་ནི་ཁྲོ་བོའི་
D495.086.0291b07.01