完整藏文原文 · 德格版页 当前仅加载第 46 函德格 10b 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ། ལོ་ལེགས་ཤིང་ཉམས་དགྱེས་ལ་སྐྱེ་བོ་མང་པོ་དང་། མིས་གཏམས་པ་ལགས་ན། ལྷ་ཉིད་ཀྱི་ཡུལ་དུ་བྱོན་ནས་བཞུགས་སུ་གསོལ། དེ་སྐད་ཅེས་སྨྲས་པ་དང་། རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བས་ཁམས་ཀྱི་རྒྱལ་པོ་དེ་དག་ལ་འདི་སྐད་དུ་ཁྱེད་རང་རང་གི་རྒྱལ་སྲིད་དག་
D95.046.0010b01.01ཆོས་ཀྱིས་གྱིས་ཤིག །ཆོས་མ་ཡིན་པས་ནི་མ་ཡིན་ནོ། །ཁྱེད་སྲོག་ཆགས་མ་གསོད་ཅིག །མ་བྱིན་པར་མ་ལེན་ཅིག །འདོད་པ་ལ་ལོག་པར་གཡེམ་པར་མ་བྱེད་ཅིག །{བརྫུན་,རྫུན་}དུ་མ་སྨྲ་ཤིག །ཕྲ་མ་མ་ཟེར་ཅིག །ངག་རྩུབ་པོ་མ་སྨྲ་ཤིག །ཚིག་ཀྱལ་པ་མ་སྨྲ་ཤིག །བརྣབ་
D95.046.0010b02.01སེམས་ཅན་དུ་མ་གྱུར་ཅིག །གནོད་སེམས་ཅན་དུ་མ་གྱུར་ཅིག །ལོག་པར་ལྟ་བར་མ་གྱུར་ཅིག །སྲོག་གཅོད་པ་ལ་བྱམས་པར་མ་གྱུར་ཅིག །ལོག་པར་ལྟ་བ་ཅན་གྱི་བར་ལ་བྱམས་པར་མ་གྱུར་ཅིག །ངའི་ཡུལ་དུ་ཆོས་མ་ཡིན་པ་འབྱུང་ད་རེ། ཆོས་མ་ཡིན་པར་སྤྱོད་པ་ལ་བྱམས་
D95.046.0010b03.01པར་མ་བྱེད་ཅིག་ཅེས་བསྒོ་ནས། རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བས་དེ་ལྟར་ཤར་ཕྱོགས་སུ་རྣམ་པར་རྒྱལ་བར་བྱེད་དོ། །ཤར་ཕྱོགས་སུ་རྣམ་པར་རྒྱལ་བར་བྱས་ནས། ཤར་ཕྱོགས་ཀྱི་རྒྱ་མཚོ་ལ་འགྲོའོ། །ཤར་ཕྱོགས་ཀྱི་རྒྱ་མཚོ་ལ་སོང་ནས། ཤར་ཕྱོགས་ཀྱི་རྒྱ་མཚོ་
D95.046.0010b04.01ལས་རྒལ་ལོ། །རྒལ་ནས་ཀྱང་ལྷོ་ཕྱོགས་སུ་ནམ་མཁའ་ལ་རྫུ་འཕྲུལ་གྱིས་ལེགས་པར་འགྲོ་སྟེ། འཁོར་ལོས་སྒྱུར་བའི་རྒྱལ་པོ་ཡང་དཔུང་གི་ཚོགས་ཡན་ལག་བཞི་པ་དང་ལྷན་ཅིག་ཏུ་འགྲོའོ། །སྔ་མ་བཞིན་དུ་ལྷོ་ཕྱོགས་སུ་རྣམ་པར་རྒྱལ་བར་བྱེད་དོ། །ལྷོ་ཕྱོགས་སུ་ཇི་ལྟ་བ་དེ་བཞིན་
D95.046.0010b05.01དུ་ནུབ་ཕྱོགས་དང་། བྱང་ཕྱོགས་སུ་རྣམ་པར་རྒྱལ་བར་བྱེད་དོ། །བྱང་ཕྱོགས་སུ་རྣམ་པར་རྒྱལ་བར་བྱས་ནས་བྱང་ཕྱོགས་ཀྱི་རྒྱ་མཚོ་ལ་འགྲོའོ། །བྱང་ཕྱོགས་ཀྱི་རྒྱ་མཚོ་ལ་སོང་ནས། བྱང་ཕྱོགས་ཀྱི་རྒྱ་མཚོ་ལས་རྒལ་ལོ། །རྒལ་ནས་ཀྱང་ནམ་མཁའ་ལ་རྫུ་འཕྲུལ་གྱིས་རྒྱལ་པོའི་
D95.046.0010b06.01ཕོ་བྲང་དུ་ལེགས་པར་འོངས་ནས་བཙུན་མོའི་འཁོར་གྱི་སྒོའི་སྟེང་དུ་ཉམས་པ་མེད་པར་གནས་ཏེ། རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་ནི་འཁོར་ལོ་རིན་པོ་ཆེ་རྣམ་པ་དེ་ལྟ་བུ་དང་ལྡན་པ་ཡིན་ནོ། །འཁོར་ལོས་སྒྱུར་བའི་རྒྱལ་པོ་གླང་པོ་རིན་པོ་ཆེ་རྣམ་པ་ཇི་ལྟ་བུ་དང་ལྡན་པ་ཡིན་ཞེ་
D95.046.0010b07.01