完整藏文原文 · 德格版页 当前仅加载第 46 函德格 101b 版页；藏文 NFD、目录标记与异常页序保留在来源切片中，重复版页行以稳定序号区分。
ཅེས་སྨྲས་སོ། །བདག་གིས་བདག་ཉིད་ཀྱི་སྣ་ལ་ཁང་པ་བརྩེགས་པ་དཔག་ཚད་སུམ་ཅུ་རྩ་གཉིས་པ་བགྱིས་ཏེ་དེར་ལྷའི་བུ་མོ་དག་བཀོད་ལ་སིལ་སྙན་དང་། གླུ་དབྱངས་ལེན་དུ་སྩལ་ཅིང་གླུ་དང་རོལ་མོའི་དབྱངས་སྒྲ་ཆེན་པོས་བྱང་ཆུབ་སེམས་དཔའ་ལ་རིམ་གྲོ་དང་བསྙེན་བཀུར་བགྱིད་ཅིང་མཆི་བར་
D95.046.0101b01.01བགྱིའོ། །ལྷའི་དབང་པོ་བརྒྱ་བྱིན་ཉིད་ཀྱིས་འདི་སྐད་ཅེས་སྨྲས་སོ། །ཁོ་བོས་ནི་སྒོ་དབྱེའོ། །ལམ་མཚོན་པར་བྱའོ། །ལྷའི་བུ་ཆོས་སྤྱོད་ཀྱིས་འདི་སྐད་ཅེས་སྨྲས་སོ། །བདག་གིས་ནི་བཙུན་མོའི་འཁོར་རྣམས་མི་སྡུག་པར་བསྟན་པར་བགྱིའོ། །ལྷའི་བུ་ཡང་དག་སྐུལ་པོས་སྨྲས་པ།
D95.046.0101b02.01བདག་གིས་ནི་བྱང་ཆུབ་སེམས་དཔའ་གཟིམས་མལ་ནས་བཞེངས་པར་གསོལ་བར་བགྱིའོ། །དེ་ན་ཀླུའི་རྒྱལ་པོ་ཆུ་ལྷ་དང་། ཀླུའི་རྒྱལ་པོ་གཟི་ཅན་དང་། ཀླུའི་རྒྱལ་པོ་རྒྱ་མཚོ་དང་། ཀླུའི་རྒྱལ་པོ་མ་དྲོས་པ་དང་། ཀླུའི་རྒྱལ་པོ་དགའ་བོ་དང་ཉེ་དགའ་བོས་འདི་སྐད་ཅེས་སྨྲས་སོ། །བདག་
D95.046.0101b03.01ཅག་གིས་ནི་བྱང་ཆུབ་སེམས་དཔའ་ལ་མཆོད་པའི་ལས་ཀྱི་ཕྱིར་དུས་ཀྱི་རྗེས་སུ་འབྲང་བའི་ཙན་དན་གྱི་སྤྲིན་མངོན་པར་སྤྲུལ་ཏེ། ཙན་དན་སྦྲུལ་གྱི་སྙིང་པོའི་ཕྱེ་མའི་ཆར་དབབ་པོ། །དགེ་སློང་དག་དེ་ལྟར་ལྷ་དང་། ཀླུ་དང་། གནོད་སྦྱིན་དང་། དྲི་ཟ་རྣམས་ཀྱིས་རྣམ་པ་འདི་ལྟ་བུའི་བསམ་པ་
D95.046.0101b04.01ངེས་པར་བསམས་ཏེ་བརྩམས་སོ། །བྱང་ཆུབ་སེམས་དཔའ་ཆོས་སེམས་པ་ལ་ཞུགས་པ། གླུ་དབྱངས་ལེན་པའི་ཁང་{བཟངས་,བཟང་}ན་མལ་བདེ་བ་ལ་འདུག་པ། བཙུན་མོའི་འཁོར་གྱི་ནང་ན་འདུག་པ་ནི་སྔོན་གྱི་སངས་རྒྱས་ཀྱི་སྤྱོད་པ་རྣམ་པར་སེམས་ཤིང་སེམས་ཅན་ལ་ཕན་པ་བྱ་བ་རྗེས་སུ་སེམས་ལ།
D95.046.0101b05.01སྔོན་གྱི་སྨོན་ལམ་གྱི་ཚིག་བཞི་མངོན་དུ་བྱེད་དོ། །བཞི་གང་ཞེ་ན། སྔོན་ང་རང་བྱུང་གི་བདག་པོ་འདོད་ཅིང་ཐམས་ཅད་མཁྱེན་པ་ཉིད་དོན་དུ་གཉེར་བ་ན། གོ་ཆ་འདི་ལྟ་བུ་བགོས་པར་གྱུར་ཏེ། སེམས་ཅན་སྡུག་བསྔལ་བ་དག་མཐོང་ནས་ཀྱེ་མའོ་བདག་གིས་འཇིག་རྟེན་གནས་པ་བཅིངས་ཏེ་
D95.046.0101b06.01འཁོར་བའི་བཙོན་ར་ཆེན་པོར་བཅུག་པ་ལ་འཁོར་བའི་བཙོན་ར་དྲལ་ཏེ། བཅིངས་པ་བཀྲོལ་བའི་སྒྲ་བསྒྲག་གོ། །སྲེད་པའི་ཞགས་པ་དང་། སྒྲོག་དམ་པོས་བཅིངས་པའི་སེམས་ཅན་རྣམས་ཀྱང་རབ་ཏུ་དགྲོལ་ལོ་ཞེས་བྱ་བ་སྔོན་གྱི་སྨོན་ལམ་གྱི་ཚིག་དང་པོ་འདི་མངོན་དུ་གྱུར་ཏོ། །ཀྱེ་མའོ་
D95.046.0101b07.01