完整藏文原文 · 德格版页 当前仅加载第 46 函德格 27b 版页；藏文 NFD、目录标记与异常页序保留在来源切片中，重复版页行以稳定序号区分。
ཞི་ཉེར་ཞི་ཡིད་ལྡན་པ། །དེ་ནི་ཐུགས་དུལ་ཞབས་འབྲིང་མྱུར་དུ་སོང་། །གང་ཞིག་སློབ་དང་མི་སློབ་རང་རྒྱལ་དང་། །ཐམས་ཅད་མཁྱེན་པའི་ཡེ་ཤེས་ཐོབ་འདོད་ཅིང་། །སྟོབས་བཅུས་སེང་གེའི་སྒྲ་སྒྲོགས་སུ་འདོད་པ། །དེ་ནི་ཡོན་ཏན་རྒྱ་མཚོ་མཁས་དྲུང་སོང་། །གང་ཞིག་ངན་སོང་རྣམས་
D95.046.0027b01.01ཀྱི་ལམ་གཅོད་ཅིང་། །བཟང་འགྲོ་འཆི་བ་མེད་པའི་ལམ་དབྱེ་དང་། །ཡན་ལག་བརྒྱད་ལམ་འགྲོ་བས་འགྲོ་འདོད་ན། །འགྲོ་ལམ་མཐར་འབྱིན་འདི་ཡི་ཞབས་འབྲིང་གྱིས། །གང་ཞིག་བདེ་གཤེགས་ཡོངས་སུ་མཆོད་པ་དང་། །ཐུགས་རྗེ་མངའ་བ་དེ་ལས་ཆོས་ཉན་དང་། །དགེ་འདུན་
D95.046.0027b02.01ཡོན་ཏན་ཐོབ་པར་འདོད་པ་ནི། །ཡོན་ཏན་རྒྱ་མཚོ་འདི་ཡི་ཞབས་འབྲིང་གྱིས། །སྐྱེ་རྒ་ན་འཆིའི་སྡུག་བསྔལ་ཟད་པ་དང་། །འཁོར་བའི་བཅིངས་པ་རྣམ་པར་གྲོལ་བ་དང་། །ནམ་མཁའི་མཐའ་མཉམ་རྣམ་དག་སྤྱོད་འདོད་པ། །དེ་ནི་སེམས་ཅན་དག་པའི་ཞབས་འབྲིང་གྱིས། །
D95.046.0027b03.01འགྲོ་བ་ཀུན་ན་ཡིད་འོང་སྡུག་མཛེས་ཤིང་། །གཟུགས་མཆོག་མཚན་དང་ཡོན་ཏན་རྒྱས་པ་དང་། །བདག་དང་དེ་བཞིན་གཞན་ཡང་འགྲེལ་འདོད་པ། །དེ་ནི་བལྟ་སྡུག་མཁས་པའི་གན་དུ་སོང་། །ཚུལ་ཁྲིམས་ཏིང་འཛིན་དེ་བཞིན་ཤེས་རབ་དང་། །ཟབ་ཅིང་བལྟ་དཀའ་གཏིང་དཔག་དཀའ་བ་
D95.046.0027b04.01ཡི། །རྣམ་གྲོལ་ཐོབ་འདོད་མཁས་པ་གང་ཡིན་དེ། །སྨན་པའི་རྒྱལ་པོའི་གན་དུ་མྱུར་དུ་སོང་། །ཡོན་ཏན་འདི་དང་གཞན་ཡང་རྣམ་མང་དང་། །སྲིད་པའི་བདེ་དང་དེ་བཞིན་མྱ་ངན་འདས། །ཡོན་ཏན་ཐམས་ཅད་རབ་ཏུ་རྫོགས་འདོད་པ། །དེ་ནི་བརྟུལ་ཞུགས་གྲུབ་མཁས་གན་དུ་སོང་། །ཚིག་
D95.046.0027b05.01དེ་ཐོས་ནས་རྒྱལ་ཆེན་བཞིའི་རིས་ཀྱི་ལྷ་འབུམ་ཕྲག་བརྒྱད་ཅུ་རྩ་བཞི་དང་། སུམ་ཅུ་རྩ་གསུམ་གྱི་ལྷ་འབུམ་དང་། འཐབ་བྲལ་གྱི་ལྷ་འབུམ་དང་། དགའ་ལྡན་གྱི་ལྷ་འབུམ་དང་། འཕྲུལ་དགའི་ལྷ་འབུམ་དང་། བདུད་ཀྱི་རིས་ཀྱི་ལྷ་སྔོན་གྱི་དགེ་བའི་ལས་ཀྱིས་བྱུང་བ་དྲུག་ཁྲི་དང་། ཚངས་རིས་
D95.046.0027b06.01ཀྱི་ལྷ་དྲུག་ཁྲི་བརྒྱད་སྟོང་དང་། འོག་མིན་གྱི་བར་གྱི་ལྷ་བརྒྱ་སྟོང་མང་པོ་དག་འདུས་པར་གྱུར་པ་དང་། གཞན་ཡང་ཤར་ཕྱོགས་དང་། ལྷོ་ཕྱོགས་དང་། ནུབ་ཕྱོགས་དང་། བྱང་ཕྱོགས་ནས་ལྷའི་བུ་བརྒྱ་སྟོང་མང་པོ་འདུས་པར་གྱུར་པ་དེ་དག་ལས་གང་དག་མཆོག་ཏུ་བྱ་བའི་ལྷའི་བུ་དག་གིས་
D95.046.0027b07.01