完整藏文原文 · 德格版页 当前仅加载第 46 函德格 110b 版页；藏文 NFD、目录标记与异常页序保留在来源切片中，重复版页行以稳定序号区分。
ཉོན་མོངས་གནོད་པ་མེད། །མེ་ཏོག་ཆར་བབ་སིལ་སྙན་བྱེ་བ་སྒྲ་བྱུང་ལྷ་དང་ལྷ་མིན་བསྟོད། །ཐམས་ཅད་དགའ་དང་ལྡན་ནས་གྲོང་ཁྱེར་མཆོག་ལ་བསྐོར་བ་བྱས་ཏེ་དོང་། །སྐྱེས་བུ་ཆེན་པོ་སོང་བས་གྲོང་ཁྱེར་དམ་པའི་ལྷ་ཡང་ཡིད་ནི་དམན་པར་གྱུར་ནས་འོངས། །མདུན་དུ་འདུག་ནས་སྙིང་
D95.046.0110b01.01རྗེར་ངུ་བའི་ཡིད་ལྡན་དེ་ཡིས་པད་མ་འདྲ་བའི་བཞིན་ལ་སྨྲས། །ཁྱོད་བྲལ་སྒྲེན་མོར་མི་མཛེས་ས་འདི་གྲོང་ཁྱེར་ཐམས་ཅད་མུན་པས་ཀུན་ཏུ་དཀྲུགས་པར་གྱུར། །དོ་མོད་ཁྱོད་ཀྱིས་ཁབ་འདི་སྤངས་ན་བདག་ལ་དགའ་བདེ་བགྱིད་པ་འདི་ན་འགའ་མ་མཆིས། །སླན་ཆད་བྱ་ཚོགས་རྣམས་ཀྱིས་སྒྲ་
D95.046.0110b02.01དག་དང་། །གྲགས་པ་མཐའ་ཡས་ཁྱོད་ནི་སད་བགྱིད་པའི། །བཙུན་མོའི་འཁོར་གྱི་གླིང་བུ་སྙན་པ་དང་། །བཀྲ་ཤིས་སྒྲ་དང་གླུ་སྒྲ་ཐོས་མི་འགྱུར། །ཉོན་མོངས་བཅོམ་པ་ཁྱོད་ནི་གཤེགས་གྱུར་ན། །གདུགས་མཚན་ཁྱོད་ལ་མཆོད་པ་བགྱིད་པ་ཡི། །ལྷ་དང་གྲུབ་ཚོགས་སླན་
D95.046.0110b03.01ཆད་མཐོང་མི་འགྱུར། །ལྷ་ཡི་དྲི་ཡང་སླན་ཆད་སྣོམ་མི་འགྱུར། །ཕྲེང་བ་བཏགས་ནས་ཞག་ལོན་གྱུར་པ་ལྟར། །ཁྱོད་ཀྱིས་དོ་མོད་ཕོ་བྲང་དེ་བཞིན་སྤངས། །ཁྱོད་བཞུད་སླན་ཆད་གཟི་བརྗིད་དཔལ་མ་མཆིས། །གར་ལ་ལྟ་བ་བཞིན་དུ་བདག་ལ་གདའ། །གྲོང་ཁྱེར་ཀུན་གྱི་བྱིན་དང་
D95.046.0110b04.01སྟོབས་ཕྲོགས་ཏེ། །འདི་ནི་དགོན་པ་འདྲ་ཞིང་མཛེས་མ་ལགས། །གང་གིས་ས་འདིར་འཁོར་ལོ་སྟོབས་ཅན་དུ། །ལུང་བསྟན་དྲང་སྲོང་ཚིག་ནི་དེང་{བརྫུན་,རྫུན་}གྱུར། །བསོད་ནམས་སྡོང་པོ་ཆེན་པོ་ཁྱོད་བྱུང་ན། །ས་འདིར་ཤཱཀྱའི་སྟོབས་ནི་སྟོབས་མ་མཆིས། །རྒྱལ་པོའི་ཕོ་བྲང་འཁོར་
D95.046.0110b05.01འདིར་གདུང་ཡང་འཆད། །ཤཱཀྱའི་ཚོགས་འདི་བསམ་པ་རབ་ཏུ་ཉམས། །དྲི་མེད་དྲི་བྲལ་ཁྱོད་ནི་གར་བཞུད་པར། །བདག་ཀྱང་ཁྱོད་དང་ལྷན་ཅིག་མཆི་བར་བགྱི། །འོན་ཀྱང་ཐུགས་བརྩེ་ཐུགས་རྗེ་བསྐྱེད་ནས་ནི། །ཁྱོད་ཀྱིས་ཕོ་བྲང་འདི་ལ་གཟིགས་སུ་གསོལ། །བློ་གྲོས་ལྡན་པ་ཁྱིམ་
D95.046.0110b06.01ལ་བལྟས་ནས་ནི། །སྙན་པའི་ང་རོས་འདི་སྐད་ཚིག་སྨྲས་ཏེ། །སྐྱེ་འཆི་མཐར་འབྱིན་མ་ཐོབ་བར་དུ་ནི། །ང་ཡིས་སེར་སྐྱའི་གྲོང་ཁྱེར་འཇུག་མི་བྱ། །རྒ་ཤི་མེད་པའི་གནས་མཆོག་འཆི་མེད་པ། །བྱང་ཆུབ་དམ་པ་ང་ཡིས་མ་ཐོབ་པར། །ང་ནི་སེར་སྐྱའི་གནས་སུ་མངོན་ཕྱོགས་ཏེ། །
D95.046.0110b07.01