完整藏文原文 · 德格版页 当前仅加载第 46 函德格 43b 版页；藏文 NFD、目录标记与异常页序保留在来源切片中，重复版页行以稳定序号区分。
མགྱོགས་པའི་ཤུགས་ལྡན་དག་ཀྱང་བསྟད་པར་གྱིས། །ཡོན་ཏན་ཕུན་སུམ་ཚོགས་ལྡན་ལུམ་བི་ནི་ཚལ་བརྒྱན་པར་གྱིས། །རི་སྔོའི་མདོག་ལྡན་སྤྲིན་གྱི་ཁ་དོག་འཐུན་པར་གྱུར་པ་ཡི། །གླང་པོ་སྟོང་ཕྲག་ཉི་ཤུ་སྙེད་ཅིག་མྱུར་དུ་བསྟད་པར་གྱིས། །གླང་པོའི་དབང་པོ་མཆེ་བ་དྲུག་
D95.046.0043b01.01ལྡན་དྲིལ་མཛེས་གློ་ལ་བརྒྱུས། །གསེར་དང་ནོར་བུས་རྣམ་པར་སྤྲས་ཤིང་གསེར་གྱི་དྲ་བས་སྤུད། །རྒྱལ་པོའི་བཅིབས་པ་རླུང་ལྟར་མགྱོགས་པའི་ཤུགས་དང་ལྡན་པ་སྟེ། །དངུལ་དང་ཁ་བའི་མདོག་འདྲ་རྔ་རྔོག་ལྕང་ལོ་བཟང་འཁྲིལ་བའི། །རྟ་མཆོག་སྟོང་ཕྲག་ཉི་ཤུ་བགྲངས་
D95.046.0043b02.01པ་མྱུར་དུ་སྟོང་གྱིས་ཏེ། །གསེར་དྲིལ་གཡེར་ཀའི་དྲ་བ་གློ་ནས་སྦྱང་བ་གྱིས། །སྐྱེས་བུ་རྟུལ་ཕོད་གཡུལ་ལ་མོས་ཤིང་འཐབ་འདོད་དཔའ་བོ་དག །མདའ་གཞུ་རལ་གྲི་མདུང་ཐུང་ཞགས་པ་མཚོན་ཆ་རྣོ་ཐོགས་པ། །སྟོང་ཕྲག་ཉི་ཤུ་བགྲངས་པ་མྱུར་དུ་ཆོས་ཏེ་བཤམ་གྱིས་ལ། །
D95.046.0043b03.01སྒྱུ་འཕྲུལ་འཁོར་དང་བཅས་པ་བག་ཡོད་པར་ནི་བསྲུང་བར་གྱིས། །ལུམ་བི་ནི་དེར་གསེར་དང་ནོར་བུའི་རྒྱན་ཁྲོམ་བརྒྱན་པར་གྱིས། །གོས་དམར་རྣམ་པ་མང་པོས་ཤིང་རྣམས་ཐམས་ཅད་བརྒྱན་པར་གྱིས། །ལྷ་ཡི་དགའ་ཚལ་བཞིན་དུ་མེ་ཏོག་སྣ་ཚོགས་ཆལ་པར་ཁྲོམ། །
D95.046.0043b04.01དེ་ལྟར་ཐམས་ཅད་བཤམས་ཟིན་མྱུར་དུ་ང་ལ་སྦྲན་པར་གྱིས། །འཁོར་རྣམས་ཀྱིས་ནི་དེ་སྐད་ཚིག་ཐོས་སྐད་ཅིག་ཏུ། །བཞོན་པ་ཀུན་བཤམས་དེ་བཞིན་ལུམ་བི་ནི་ཡང་བརྒྱན་བྱས་ཏེ། །རྒྱལ་གྱུར་རྒྱལ་གྱུར་སྐུ་ཚེ་རིང་སྐྱོངས་རྒྱལ་པོ་གཤེགས་སུ་གསོལ། །ཇི་སྐད་བཀའ་
D95.046.0043b05.01སྩལ་དེ་བཞིན་ཀུན་བགྱིས་དུས་བབ་ལྷ་གཟིགས་ཤིག །མི་ཡི་བདག་པོ་དམ་པ་དེ་ཡང་དགའ་བའི་སེམས་གྱུར་ནམ། །ཁྱིམ་གྱི་དམ་པར་ཞུགས་ཏེ་བུད་མེད་རྣམས་ལ་འདི་སྐད་སྨྲས། །གང་ཞིག་ང་ལ་སྙིང་ཉེ་ང་ལ་དགའ་བར་འདོད་པ་དག །ང་ཡི་བཀའ་བཞིན་གྱིས་ཏེ་བདག་གི་
D95.046.0043b06.01ལུས་ཀུན་བརྒྱན་པར་གྱིས། །སྤོས་མཆོག་ངད་ཀྱི་དྲི་ཞིམ་ཁ་དོག་སྣ་ཚོགས་སྡུག་པའི་གོས། །འཇམ་ཞིང་ཡིད་འོང་དགའ་བའི་སེམས་ཀྱིས་ལེགས་པར་བགོ་བར་གྱིས། །བྲང་ན་འཕྱང་བའི་མུ་ཏིག་སེ་མོ་དོ་ཡིས་བརྒྱན་པར་གྱིས། །རྒྱན་གྱི་ཁྱད་པར་ཐམས་ཅད་དེ་རིང་
D95.046.0043b07.01