完整藏文原文 · 德格版页 当前仅加载第 46 函德格 156a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། མ་རྙོགས་པ་དང་། འཇིགས་པ་དང་། སྤུ་ཟིང་ཞེས་བྱེད་པ་མེད་པར་ལག་མཐིལ་ན་དུང་དང་། རྒྱལ་མཚན་དང་། ཉ་དང་། བུམ་པ་དང་། བཀྲ་ཤིས་པ་དང་། ལྕགས་ཀྱུ་དང་། འཁོར་ལོའི་མཚན་མ་ཡོད་པ། སོར་མོ་བར་དྲ་བས་འབྲེལ་བ། སེན་མོ་
D95.046.0156a01.01ཤིན་ཏུ་མཛེས་ཤིང་ཟངས་ཀྱི་མདོག་ལྟར་འདུག་པས་བརྒྱན་པ། འཇམ་ཞིང་མཉེན་ལ་ཤིན་ཏུ་གཞོན་པ། བསྐལ་པ་དཔག་ཏུ་མེད་པར་དགེ་བའི་རྩ་བའི་ཚོགས་བསགས་པས་གྲུབ་པའི་ལག་པ་གཡས་པས་ལུས་ཐམས་ཅད་ལ་བྱུགས་ནས་ཚུལ་དུ་ཤིས་པར་ས་ལ་བརྡབས་ཏེ་དེའི་ཚེ་
D95.046.0156a02.01ཚིགས་སུ་བཅད་པ་འདི་ཡང་སྨྲས་སོ། །ས་འདི་འགྲོ་བ་ཀུན་གྱི་གནས་ཡིན་ཏེ། །རྒྱུ་དང་མི་རྒྱུ་སྙོམས་ཤིང་ཉེ་འཁོན་མེད། །འདི་ནི་བདག་གི་དཔང་སྟེ་བདག་{བརྫུན་,རྫུན་}མེད། །འདི་ལ་ཁྱོད་ནི་བདག་གི་དཔང་བྱོས་ཤིག །བྱང་ཆུབ་སེམས་དཔས་ས་ཆེན་པོ་འདི་ལ་རེག་མ་ཐག་ཏུ་རྣམ་པ་
D95.046.0156a03.01དྲུག་ཏུ་གཡོས། རབ་ཏུ་གཡོས། ཀུན་ཏུ་རབ་ཏུ་གཡོས་སོ། །ཆེམ་ཆེམ། རབ་ཏུ་ཆེམ་ཆེམ། ཀུན་ཏུ་རབ་ཏུ་ཆེམ་ཆེམ་མོ། །འདི་ལྟ་སྟེ་དཔེར་ན། ཡུལ་མ་ག་དྷཱའི་བརྡབ་ཁར་སྒྲ་འབྱུང་ཞིང་སྒྲ་རྒྱུན་རིང་བ་དེ་བཞིན་དུ་ས་ཆེན་པོ་འདི་ཡང་བྱང་ཆུབ་སེམས་དཔའི་ལག་པས་བསྣུན་མ་ཐག་ཏུ་
D95.046.0156a04.01སྒྲ་བྱུང་ཞིང་སྒྲ་རྒྱུན་རིང་དུ་བྱུང་ངོ་།། །།འཕགས་པ་རྒྱ་ཆེར་རོལ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་བཅུ་བཞི་པ། དེ་ནས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན་སའི་ལྷ་མོ་བརྟན་མ་ཞེས་བྱ་བ་སའི་ལྷ་མོའི་འཁོར་བྱེ་བ་ཕྲག་བརྒྱ་དང་ལྡན་པ་
D95.046.0156a05.01གང་ཡིན་པ་དེས་ས་ཆེན་པོ་ཐམས་ཅད་གཡོས་པར་བྱས་ནས། བྱང་ཆུབ་སེམས་དཔའ་དང་ཧ་ཅང་ཡང་མི་རིང་བ་ཞིག་ཏུ་ས་བརྟོལ་ཏེ། ལུས་རྒྱན་ཐམས་ཅད་ཀྱིས་བརྒྱན་པ་ཕྱེད་ཕྱུང་ནས་བྱང་ཆུབ་སེམས་དཔའ་ག་ལ་བ་དེ་ལོགས་སུ་ལུས་བཏུད་དེ་ཐལ་མོ་སྦྱར་ནས། བྱང་ཆུབ་སེམས་དཔའ་
D95.046.0156a06.01ལ་འདི་སྐད་ཅེས་སྨྲས་སོ། །དེ་དེ་བཞིན་ནོ། །སྐྱེས་བུ་ཆེན་པོ་དེ་དེ་བཞིན་ནོ། །ཁྱོད་ཀྱིས་ཇི་སྐད་གསུངས་པ་བཞིན་ཏེ། འདི་ནི་བདག་ལ་མངོན་སུམ་མོ། །དེ་ལྟ་ལགས་མོད་ཀྱི། འོན་གྱིས་ཀྱང་བཅོམ་ལྡན་འདས་ཉིད་ལྷ་དང་བཅས་པའི་འཇིག་རྟེན་གྱི་དབང་དུ་གྱུར་པ་དང་། ཚད་མར་གྱུར་པ་དམ་
D95.046.0156a07.01