完整藏文原文 · 德格版页 当前仅加载第 46 函德格 213b 版页；藏文 NFD、目录标记与异常页序保留在来源切片中，重复版页行以稳定序号区分。
བུ་རྣམས་ལ་བཀའ་སྩལ་པ། གྲོགས་པོ་དག་རྒྱ་ཆེར་རོལ་པ་ཞེས་བྱ་བའི་མདོ་སྡེ་ཤིན་ཏུ་རྒྱས་པ་ཆེན་པོ་བྱང་ཆུབ་སེམས་དཔའི་རྣམ་པར་རྩེན་པ། སངས་རྒྱས་ཀྱི་ཡུལ་ལ་རོལ་པ་ལ་འཇུག་པ་འདི་ནི་བདག་ཉིད་ཀྱི་ཕྱིར། དེ་བཞིན་གཤེགས་པས་གསུངས་པ་སྟེ། དེ་ཁྱེད་ཀྱིས་ལོང་ཤིག །ཟུང་ཤིག །ལྷོགས་ཤིག །
D95.046.0213b01.01འཁོར་ལ་ཡང་རྒྱ་ཆེར་རབ་ཏུ་སྟོན་ཅིག །དེ་ལྟར་ན་ངའི་ཆོས་ཀྱི་ཚུལ་འདི་རྒྱས་པར་འགྱུར་ཏེ། བྱང་ཆུབ་སེམས་དཔའི་ཐེག་པ་པའི་གང་ཟག་དག་གིས། ཆོས་ཀྱི་རྣམ་གྲངས་འདི་ཐོས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་བརྩོན་འགྲུས་ཤིན་ཏུ་བརྟན་པ་རྩོམ་པར་འགྱུར་རོ། །རྒྱ་ཆེན་པོ་
D95.046.0213b02.01ལ་མོས་པའི་སེམས་ཅན་རྣམས་ནི་ཆོས་ཆེན་པོའི་ཆར་པའི་ཤུགས་སྐྱེད་པར་འགྱུར་རོ། །བདུད་ཀྱི་ཕྱོགས་ཀྱང་ཚར་གཅོད་པར་འགྱུར་རོ། །ཕས་ཀྱི་རྒོལ་བ་ཐམས་ཅད་ཀྱིས་གླགས་མི་རྙེད་པར་འགྱུར་རོ། །ཁྱེད་ཀྱིས་ཆོས་བཤད་པར་བསྐུལ་བའི་དགེ་བའི་རྩ་བ་ཡང་དོན་ཆེན་པོ་དང་། འབྲས་བུ་ཆེན་
D95.046.0213b03.01པོ་དང་། ཕན་ཡོན་ཆེན་པོར་འགྱུར་རོ། །གྲོགས་པོ་དག་གང་ལ་ལ་ཞིག་རྒྱ་ཆེར་རོལ་པའི་ཆོས་ཀྱི་རྣམ་གྲངས་འདི་ལ་ཐལ་མོ་སྦྱོར་བར་འགྱུར་བ་དེ་མཆོག་གི་ཆོས་བརྒྱད་ཐོབ་པར་འགྱུར་ཏེ། བརྒྱད་གང་ཞེ་ན། འདི་ལྟ་སྟེ། གཟུགས་མཆོག་ཐོབ་པར་འགྱུར་བ་དང་། སྟོབས་མཆོག་ཐོབ་པར་འགྱུར་བ་
D95.046.0213b04.01དང་། གཡོག་འཁོར་མཆོག་ཐོབ་པར་འགྱུར་བ་དང་། སྤོབས་པ་མཆོག་ཐོབ་པར་འགྱུར་བ་དང་། འབྱུང་བ་མཆོག་ཐོབ་པར་འགྱུར་བ་དང་། སེམས་ཡོངས་སུ་དག་པ་མཆོག་ཐོབ་པར་འགྱུར་བ་དང་། ཏིང་ངེ་འཛིན་ཕུན་སུམ་ཚོགས་པ་མཆོག་ཐོབ་པར་འགྱུར་བ་དང་། ཤེས་རབ་ཀྱི་སྣང་བ་མཆོག་ཐོབ་
D95.046.0213b05.01པར་འགྱུར་བ་སྟེ། མཆོག་གི་ཆོས་བརྒྱད་པོ་དེ་དག་འཐོབ་པར་འགྱུར་རོ། །གྲོགས་པོ་དག་གང་ལ་ལ་ཞིག་རྒྱ་ཆེར་རོལ་པའི་ཆོས་ཀྱི་རྣམ་གྲངས་འདི་སྟོན་པར་འདོད་པའི་ཆོས་སྨྲ་བ་ལ་ཆོས་ཀྱི་སྟན་འདིང་ན། སྟན་བཏིང་མ་ཐག་ཏུ་དེ་སྟན་བརྒྱད་འཐོབ་པར་ཤེས་པར་བྱ་སྟེ། བརྒྱད་གང་ཞེ་ན། འདི་ལྟ་སྟེ།
D95.046.0213b06.01ཚོང་དཔོན་གྱི་སྟན་འཐོབ་པ་དང་། ཁྱིམ་བདག་གི་སྟན་འཐོབ་པ་དང་། འཁོར་ལོས་སྒྱུར་བའི་སྟན་འཐོབ་པ་དང་། བརྒྱ་བྱིན་གྱི་སྟན་འཐོབ་པ་དང་། དབང་སྒྱུར་གྱི་སྟན་འཐོབ་པ་དང་། ཚངས་པའི་སྟན་འཐོབ་པ་དང་། བྱང་ཆུབ་ཀྱི་སྙིང་པོ་མཆོག་དམ་པར་སོང་བའི་བྱང་ཆུབ་སེམས་དཔར་
D95.046.0213b07.01