完整藏文原文 · 德格版页 当前仅加载第 46 函德格 114b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་རྒྱན་རྣམས་གཏད། །འདུན་པ་འདི་དག་ཁྱེར་ལ་སེར་སྐྱའི་གྲོང་སོང་ཤིག །ཡབ་དང་ཡུམ་དག་ལ་ཡང་ང་ཡི་ཚིག་གིས་ནི། །གཞོན་ནུ་སོང་གིས་སླར་ཞིང་ཐུགས་ངན་མ་མཛད་ཅིག །བྱང་ཆུབ་སངས་རྒྱས་ནས་ནི་སླར་འདིར་མཆི་བར་བགྱི། །ཆོས་རྣམས་གསན་ནས་ཐུགས་ཀྱང་
D95.046.0114b01.01ཞི་བར་འགྱུར་ཞེས་སྨྲོས། །འདུན་པ་ངུ་བཞིན་འདྲེན་པ་ལ་ནི་སླར་སྨྲས་པ། །འདུན་པ་ལེགས་ལྡན་བྱང་ཆུབ་སེམས་དཔའ་གར་ཁྲིད་ཅེས། །མི་མཆོག་གཉེན་གྱི་ཚོགས་རྣམས་བདག་ལ་རྡེག་འགྱུར་གྱིས། །བདག་ལ་ནུས་པ་མ་མཆིས་སྟོབས་དང་མཐུ་མ་མཆིས། །བྱང་ཆུབ་སེམས་
D95.046.0114b02.01དཔས་སླར་སྨྲས་འདུན་པ་མ་འཇིགས་ཤིག །ང་ཡི་གཉེན་གྱི་ཚོགས་རྣམས་དགའ་བར་གྱུར་ནས་ནི། །ཁྱོད་ལ་སྟོན་པའི་འདུ་ཤེས་རྟག་ཏུ་བསྒོམ་གྱུར་ཏེ། །ང་ལ་བྱམས་པ་བཞིན་དུ་ཁྱོད་ལའང་བྱམས་པར་འགྱུར། །འདུན་པ་རྟ་མཆོག་དང་ནི་རྒྱན་རྣམས་ཁྱེར་ནས་སུ། །མི་མཆོག་དམ་
D95.046.0114b03.01པ་དེ་ཡི་སྐྱེད་མོས་ཚལ་དུ་ཕྱིན། །སྐྱེད་མོས་ཚལ་གྱི་སྲུངས་མ་དགའ་བའི་ཤུགས་སྐྱེས་ནས། །ཀུན་ཏུ་དགའ་བའི་སྒྲ་ནི་ཤཱཀྱ་རྣམས་ལ་སྨྲས། །གཞོན་ནུ་འདི་ཡི་རྟ་མཆོག་དང་ནི་འདུན་པ་ཡང་། །སྐྱེད་མོས་ཚལ་དུ་ཕྱིན་གྱིས་ཐུགས་ངན་མ་མཛད་ཅིག །རྒྱལ་པོས་དེ་སྐད་ཐོས་ནས་
D95.046.0114b04.01ཤཱཀྱས་བསྐོར་ནས་ནི། །རབ་ཏུ་དགའ་བའི་ཤུགས་སྐྱེས་སྐྱེད་མོས་ཚལ་དུ་ཕྱིན། །ས་འཚོས་བྱང་ཆུབ་སེམས་དཔའ་བློ་གྲོས་བརྟན་རིག་ནས། །ཚིག་དེ་ལ་ནི་ཡིད་མ་ཆེས་ཏེ་དགར་མ་གྱུར། །གཞོན་ནུ་བྱང་ཆུབ་མ་ཐོབ་བར་དུ་ཕྱིར་འདིར་ཡང་། །བྱོན་ཅིང་ལྡོག་པར་འགྱུར་བ་དེ་ནི་གནས་
D95.046.0114b05.01མ་ཡིན། །རྒྱལ་པོས་རྟ་མཆོག་དང་ནི་འདུན་པ་དེ་མཐོང་ནས། །ངུད་མོ་བཏབ་སྟེ་ས་ཡི་སྟེང་དུ་འགྱེལ་བར་གྱུར། །ཀྱི་ཧུད་ངའི་བུ་གླུ་དང་རོལ་མོ་སྒྲ་དབྱངས་མཁས། །རྒྱལ་སྲིད་ཐམས་ཅད་བོར་ཏེ་ཁྱོད་ནི་གང་དུ་སོང་། །འདུན་པ་ཁྱོད་ཀྱིས་ང་ལ་འདིར་ནི་ལེགས་པར་སྨྲོས། །བྱང་ཆུབ་
D95.046.0114b06.01སེམས་དཔའ་གར་སོང་སྦྱོར་བ་ཅི་འདྲ་ཞིག །སྒོ་ནི་སུ་ཡིས་ཕྱེ་ཞིང་གང་གིས་ཁྲིད་པར་གྱུར། །ལྷ་ཚོགས་རྣམས་ཀྱིས་དེ་ལ་མཆོད་པ་ཇི་ལྟར་བྱས། །འདུན་པས་སྨྲས་པ་རྒྱལ་པོའི་དབང་པོ་བདག་ལ་གསོན། །དགུང་ཕྱེད་གྲོང་ཁྱེར་བྱིས་པ་རྒན་པོ་གཉིད་ལོག་ནས། །བྱང་ཆུབ་སེམས་དཔའ་
D95.046.0114b07.01