完整藏文原文 · 德格版页 当前仅加载第 46 函德格 22b 版页；藏文 NFD、目录标记与异常页序保留在来源切片中，重复版页行以稳定序号区分。
སྣང་བའི་སྒོ་སྟེ། ཆོས་ཀྱི་མིག་ཐོབ་པར་འགྱུར་རོ། །རྟོན་པ་ལ་འཇུག་པ་ནི་ཆོས་སྣང་བའི་སྒོ་སྟེ། སངས་རྒྱས་ཀྱི་སྤྱན་ཡོངས་སུ་དག་པར་འགྱུར་རོ། །གཟུངས་ཐོབ་པ་ནི་ཆོས་སྣང་བའི་སྒོ་སྟེ། སངས་རྒྱས་ཀྱིས་གསུངས་པ་ཐམས་ཅད་འཛིན་པར་འགྱུར་རོ། །སྤོབས་པ་ཐོབ་པ་ནི་
D95.046.0022b01.01ཆོས་སྣང་བའི་སྒོ་སྟེ། སེམས་ཅན་ཐམས་ཅད་ལེགས་པར་བཤད་པས་ཚིམ་པར་བྱེད་པར་འགྱུར་རོ། །རྗེས་སུ་འཐུན་པའི་ཆོས་ཀྱི་བཟོད་པ་ནི་ཆོས་སྣང་བའི་སྒོ་སྟེ། སངས་རྒྱས་ཀྱི་ཆོས་ཐམས་ཅད་དང་འཐུན་པར་འགྱུར་རོ། །མི་སྐྱེ་བའི་ཆོས་ལ་བཟོད་པ་ནི་ཆོས་སྣང་བའི་སྒོ་སྟེ།
D95.046.0022b02.01ལུང་བསྟན་པ་ཐོབ་པར་འགྱུར་རོ། །ཕྱིར་མི་ལྡོག་པའི་ས་ནི་ཆོས་སྣང་བའི་སྒོ་སྟེ། སངས་རྒྱས་ཀྱི་ཆོས་ཐམས་ཅད་ཡོངས་སུ་རྫོགས་པར་འགྱུར་རོ། །ས་ནས་སར་འཕར་བའི་ཡེ་ཤེས་ནི་ཆོས་སྣང་བའི་སྒོ་སྟེ། ཐམས་ཅད་མཁྱེན་པའི་ཡེ་ཤེས་ཀྱིས་དབང་བསྐུར་བར་འགྱུར་རོ། །དབང་
D95.046.0022b03.01བསྐུར་བའི་ས་ནི་ཆོས་སྣང་བའི་སྒོ་སྟེ། མངལ་དུ་འཇུག་པ་དང་། བཙས་པ་དང་། མངོན་པར་འབྱུང་བ་དང་། དཀའ་བ་སྤྱད་པ་དང་། བྱང་ཆུབ་ཀྱི་སྙིང་པོར་འགྲོ་བ་དང་། བདུད་འདུལ་བ་དང་། བྱང་ཆུབ་རྣམ་པར་འཚང་རྒྱ་བ་དང་། ཆོས་ཀྱི་འཁོར་ལོ་བསྐོར་བ་དང་། ཡོངས་སུ་མྱ་ངན་
D95.046.0022b04.01ལས་འདས་པ་ཆེན་པོ་སྟོན་པར་འགྱུར་རོ། །གྲོགས་པོ་དག་འདི་དག་ནི་ཆོས་སྣང་བའི་སྒོ་བརྒྱ་རྩ་བརྒྱད་ཅེས་བྱ་བ་སྟེ། བྱང་ཆུབ་སེམས་དཔས་འཆི་འཕོ་བའི་དུས་ཀྱི་ཚེ་ལྷའི་འཁོར་དུ་གདོན་མི་ཟ་བར་གང་བསྟན་པར་བྱ་བའོ། །དགེ་སློང་དག་བྱང་ཆུབ་སེམས་དཔས་ཆོས་སྣང་བའི་སྒོའི་ལེའུ་
D95.046.0022b05.01འདི་བསྟན་པའི་ཚེ། ལྷའི་འཁོར་དེ་དག་ལས་ལྷའི་བུ་བརྒྱད་ཁྲི་བཞི་སྟོང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་གྱུར་ཏོ། །ལྷའི་བུ་སྔོན་ཡོངས་སུ་སྦྱངས་པ་བྱས་པ་སུམ་ཁྲི་ཉིས་སྟོང་ནི་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། །ལྷའི་བུ་བྱེ་བ་སུམ་ཅུ་རྩ་དྲུག་ནི་
D95.046.0022b06.01ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ། །དགའ་ལྡན་གྱི་གནས་ཐམས་ཅད་ཀྱང་ལྷའི་མེ་ཏོག་གིས་པུས་མོ་ནུབ་ཙམ་དུ་ཡོག་པར་གྱུར་ཏོ། །དགེ་སློང་དག་དེ་ལྟར་བྱང་ཆུབ་སེམས་དཔའས་ལྷའི་འཁོར་དེ་དག་རྒྱ་ཆེར་དགའ་བར་བྱ་བའི་ཕྱིར། དེའི་ཚེ་ཚིགས་
D95.046.0022b07.01